وصلنا لضرغام صار عنده ست بنات وهو صار خطيب بالجامع..
بنته الجبيرة من هاي مرته الثانية اسمها سميرة
حبت واحد وهو يحبها طلع واحد اصلا لا اصل لا فصل بس هي متدري .
خلاها تحبه وتعلقت بيه هي بصف ثالث متوسط مراهقة وتعلقت بيه .
ورى فترة كطع من عدها هي كامت تلوب
الولد اسمه داوود
سميرة تمرضت.على فراك داوود .
فاتت فترة جان يجي هو شافته
سميرة ....وين رحت وعفتني
داوود ...شسوي جانت عندي طلابة ويردون فلوس مني ولحد هسة مافضت بس شسوي جيت كلت اشوفج لان اشتاقيتلج
سميرة....اي انطيهم الفلوس
داوود ....لو عندي ليش مانطيهم.بس ماعندي
سميرة ....يعني راح تعوفني مرة ثانية
داوود ...شسوي حبيبتي لو عندي فلوس جان دفعت وانطيتهم وبقيت يومية اشوفج.
هو لو بس عندي مبلغ صغير جان انطيت بس اسد حلكهم.
سميرة ....باجر تعال هنا بنفس الوقت راح ادبرلك مبلغ
وانطيهم بس المهم لاتكطع وتعوفني .
داوود ....لاحبيبتي شلون اقبلها اخذ من حبي والي راح تصير مرتي المفروض اني انطيج مو انتي تنطيني.
سميرة....معليك ماكو فرق بينا.
سميرة ....رجعت للبيت وحايرة اني ادري ابوية عنده فلوس بالكنتور ضامهن بس شلون اكدر اوصل الهن.
انتظرت امي فاتت تسبح.والبنات بالغرفة.وابوية ماكو .
جان افوت للغرفة واخذت مبلغ مو هواية حتى لايبين
وثاني يوم رحت طبعا ابوية يوصلني لبااب المدرسة
ويروح من افوت يلا يروح اني بس يروح اطلع اشوف داوود
داوود ....هلو حبي اشتاقيتلج
سميرة ...اني هم مشتاقتلك هاك هذا مبلغ
داوود هذني شنو ذولة رادوا كومة وذني ميسوون شي
سميرة .....هسة اخذ ذني واشوف شلون ادبرلك غيرهن
رجعت للبيت زين ابوية جامع ذني الفلوس تعب عمره شلون شسوي .
وهذا حبيببي ماكدر اعوفه.ياهو الاهم.
الليل كله بقيت كاعدة افكر طلعت للدوام الصبح ابوية وداني
بس راح ابوية طلعت وية داوود
داوود ....ها حبي شسويتي.
سميرة ....ماجبت شي بس شغت داوود ضاج واني انقهرت اضوج من اشوفه ضايج.
كتله باوع حبيبي تعال اليوم بالليل ساعة وحدة لبيتنا واني انطيك الفلوس .لان ااصبح مااكدر اطلعهن يشوفوني اهلي ويشكون بيه.لان موقليلات ماكدر اطلعن
تعال بالليل اني راح احضرهن اكو خرابة هيكل بصف بيتنا اعبر من ورى على السطح مالتنا وانتظرني اصعدلك .
داوود .....خاف احد يشوفني.
سميرة...لانايمين معليك .
سميرة حظرت الفلوس كلهن مالت ابوية الي موجودة بالكنتور شسوي لان داوود واكع بشدة وخاف اذا مااساعده يعوفني واني احبه مااكدر.
شفت اهلي كلهم ناموا صعدت على السطح حظرت خطة كلت انطيه الفلوس واعوف باب السطح مفتوحة بحساب حرامي ماخذهن لان محد يشك بيه.
صعدت لكيت داوود ينتظرني.
داوود ......ها حبي شسويتي
سميرة ....هاك هاي الفلوس
داوود....فدوة لمرتي حبيبتي الي تحبني وتخاف علية
صح السطح ظلمة بس وجهج مضوي الدنيا
