البارت 27
غيداء...صعدت لغرفة شمس ظلمة مااعرف وين ضوء الغرفة بس اكو ضوء من باب الغرفة خفيف فتت على الميز اخذ ماشات شفت الميز فارغ انداريت داارجع كدامي صار واحد كال ها شتريدين داعيط لزم حلكي كال اششششش فضحتينا شبيج اني سلوان...الله اكبر اني نشف دمي عبالي جني ...كتله شجابك هنا كال انتي شجابج كتله دااخذ ماشات لشمس
سلوان....هااا ومنو كالج اني استعمل ماشات
وشجاب الماشات بغرفتي .
غيداء...شنو هاي غرفتك صدك.
سلوان...اي غرفتي .
غيداء ...انحرجت لان صعدت سريع ومخبوصة تيهت بين الغرف.اسفة ماانتبهت عبالي غرفة شمس داريد اطلع صعدت مرت خالي كبل رجعت لغرفة سلام ختلت ورى الباب جان تجي مرت خالي دتفوت للغرفة سلام لزم باب الغرفة كال الها ها يمة شبيج كالتله ماشفت غيداء دزتها شمس كال الها لا محد صعد
واني واكفة ورى الباب مااعرف ليش استحيت من صعدت مرت خالي كلت خاف عبالها اني متقصدة فتت لغرفة سلام .نزلت مرت خالي داطلع .جان سلام يكول شبيج ليش ختلتي من امي ...كتله وانت ليش ختلتني وكلت لا ماصعدت.
سلوان...شمدريني شفتج خفتي وركضتي اني هم كتلها ماكو.فوكاها مو زين سويت وضميتج.
غيداء..اي شكرا.
سلوان ..اي عفوا.
غيداء ...وخر خلي انزل راح تخلص الحفلة.
سلوان..وانتي منو لازمج.
غيداء...حضرتك واكف بالباب مال الغرفة منين اطلع.
سلوان...انثولت بيها ونسيت اني واكف بالباب وخرت اني نزلت ركض.
غيداء ...فتت للصالة يم البنات صاحتني شمس كالت وين الماشات.
كتلها ياماشات.
شمس ....ياثولة لعد صارلج ساعة وين رحتي مو دزيتج على ماشات.
غيداء...مالكيت.
شمس....لج بالميز بالجرار الاول.
غيداء...والله بعد مااصعد لو مو بس تسريحتج تخرب لو انتي تخربين.
بهذا الحجي كالوا اجى ضرغام يحني شمس.
بيداء بسرعة طلعت راحت للمطبخ.
ضرغام فات طبعا على اعصابه لان يضوج من هاي السوالف .سووله هوسات اول مافات.
ضرغام ...فتت كبل عيني صارت على شمس طالعة تخبل بس لابسة قصير تخبلت .بس كعدت بصفها كتلها شنو هذا الاستهتار ليش لابسة قصير.
شمس ..شكو بيها بس بنات
ضرغام ....واذا بس بنات على اساس شنو تلبسين هيج حتى لو بنات.بسيطة.
شمس...هاي شبيك ضرغام بدال متكول شلونج مبروك مو تنغص علية فرحتي. همزين هوسة ومحد يسمع.
ضرغام ...شفت شمس سكتت وكلبت وجهها ومقهورة وشوية وتبجي. انقهرت عليها ليش بس وياها كلبي يلين واضعف ماادري.
جتي امي كالت يلا يمه افتحوا ايدكم دحطلكم حنة
حطولنا وكلها كامت تهلهل.
كتلها مبروك.
شمس ...شكرا.
ضرغام...احجي عدل
شمس...شتريدني اكلك.
ضرغام ...كولي مبروك.
شمس...مبروك.
ضرغام...تحولتي ببغاء حضرتج شنو احجي تحجين.
راح اكوم اروح اني مو هذا هو ؟؟
شمس ....اي هذا هو روح
ضرغام....بس تريدين تخلصين مني هسة.
المهم اني رايح لا تضوجين من كلامي .
رجعت للبيت يم جماعتي وهم هوسة لان حنة الزلم ابيتنا.وحنة النسوان ابيت شمس.كعدت بنصهم وهوسة بس بالي يم شمس قهرتها.خلصت الحنة بالليل تقريبا ساعة ١٢ كلت لغيداء روحي صيحي شمس دااحجي وياها خاف محتاجين شي صاحتها من الحايط حجيت وياها كالبة وجهها كتلها هاشلونج
شمس...زينة شتدريد صحتني.
ضرغام...احجي عدل ترى افلش وجهج.
شمس....هذا وجهي فلشه.
ضرغام....غير لو اكدر يلا لاتزعلين مني بس ماتحملت احد يشوفج غيري انتي بس الي .
