اليوم قصتنا عن احداث عائلة من العائلات العراقية
نبدأ بأسم الله.....
#البارت الاول...بقلم نانو الشمري
(الاب) اني اسمي سامي عمري ٢٨ سنة
حبيت وحدة بمنطقتنا اسمها علياء👱 حبيتها موت💑 تقدمت لاهلها خطبتها وافقوا👫
سوينا حفلة خطوبة ومهر بنفس اليوم واتفقنا على الزواج بعد شهر بين ما ارتب حالي .., المهم عبر الشهر صار موعد الزفَّة والتموا الاهل والاقارب كلهم وفرحانين.
احنا قبل من نتزوج الا نسبح بحمام السوك فأخوتي وجماعتي كلهم جوي وياي بالحمام, فسبحت وكملت سوولي هوسات مال عرس .., دنطلع جان اعثر اباب الحمام ووكعت على ركبتي تاذيت شوية كلها صاحت الله الله ...بسم الله ... اني من فرحتي بعلياء حتى الوجع ماحسيت بيه كلتلهم مابية شي وكمت بالفعل كمت عادي وزفوني للبيت رحت لبسوني القاط ...نزلت من الدرج وهوسة وطبل وموسيقى ومحد انطاني فكة ...ورجلي بعدها توجعني اخر درجة صار مدافع من الشباب لان فرحانيين وجان اوكع على نفس الرجل ....هاي الوكعة الثانية وهم تأذيت حيل وهم كمت .... عاد زفوني .وجان تصير زفتي احلى زفة بالكرخ.
ورحنا لبيت علياء شفتها ماصدكت راح اخذها من اهلها وهي هم فرحانة لان هي هم تحبني...عاد كعدت يمها شوية وطلعنا بزفة طويلة عريضة ورجعنا للبيت وزفوني لغرفتي حسيت رجلي مدا تقاوم وجان اباب الغرفة هم اوكع الوكعة الثالثة على نفس الرجل فانحرجت وكلت هاي شبيّه اليوم اني... وجان علياء تصيح اسم الله, فتت عاد للغرفة بس رجلي توجعني.. كابرت لان حسيتها ضعف اتشكى , المهم فاتت ايام وكاعد كلتلها لعلياء جوعان سويلي بيض وطماطة وجاي كالت من عيني بين ماراحت حسيت وجع بنفس رجلي باوعت عليها دفركها وجان اشوفها صايرة زركه كلها جتي علياء كلتلها شوفي كالت عزة هاي ليش لازم تروح للدكتور ...رحت للدكتور جان يكول رجلك ماكلها (الكنكري) (الغرغرينة) كال ولازم بسرعة تنكص لا يصعد فوك كلي بس بسبب شنو متعور بيها؟؟ واكع ؟؟! كتله اي دكتور بيوم عرسي وكعت وحجيتله شلون وكعت ثلاث مرات. كال على العموم لازم باجر بعد باجر تنكص ..تخبلت بس بعدين حمدت الله وشكرته ...رجعت للبيت كتلها لعلياء انصدمت بعدين كتلها هذا قضاء الله وقدره ...كلت لاهلي حتى يحضرون أنقهروا ....بس واحد شيسوي , رب العالمين كاتب.
صبح الصبحً وجان.... يتبع
