Unicode
" သူဌေးကတော်တို့... သမီးကို ကိုယ်ဝန်ဆောင်စေ
ချင်ရင် အရင် လင်ပေးစားလိုက်ဦး.... အပျိုရည်မ
ပျက်သေးဘူး..သမီးက.."
" အိမ်ထောင်ကျတာ ၇လ ရှိပြီ... ဘယ့်နဲ့ လင်ပေးစား
ရမှာလဲ.."
" အခန်းသပ်သပ်စီ အိပ်နေလားမှမသိတာ..."
OG နဲ့ မိခင်ဖြစ်သူ ပြောနေတာ အတွင်းခန်းမှာ အဝတ်လဲရင်းကြားနေရသည်။ ကျောခိုင်းအိပ်နေတတ်
တဲ့ Kim Namjoon က သူမကို ညီမလေးတစ်ယောက်လို သဘောထားတဲ့အကြောင်း ဘယ်လိုမျက်နှာနဲ့ ပြောပြရမလဲ..။ မိန်းမ မာယာသဲကိုးဖြာက Min Nahyung မာနနဲ့မကိုက်..။ ကိုယ်တိုင်ကလဲ နှလုံးသားဖြင့်မပါခဲ့... ဒီဇာတ်လမ်း အဆုံးသတ်သင့်ပြီ။
" အမေ... သမီး အမေနဲ့ အိမ်ခဏ ပြန်လိုက်သွားချင်
တယ်..."
Min Nahyung အခန်းအပြင်ထွက်ပြီး Mrs. Kim
ရှေ့ရပ်ကာ ခပ်တိုးတိုးပြောလိုက်သည်။ Mrs. Kim
ကြောင်အစွာ သူမကိုငေးကြည့်သည်။
" ဟုတ်တယ် အမကြီး... ခဏ စိတ်ပြေလက်ပျောက်
ပေါ့... နောက်နေ့ ကျွန်မ ပြန်ပို့ပေးမယ်..."
အမေ ဝင်ပြောမှ Mrs. Kim စိတ်လျော့ကာ
ခေါင်းညိမ့်ပြသည်။ ကျောခိုင်းထွက်ခွာရင်း စဥ်းစားမိတာက နှစ်ဦးနှစ်ဖက်အဆင်ပြေနိုင်မဲ့ ရှေ့ဆက်လမ်း..။
Nahyung မောင့်ကိုချစ်သလို Namjoon Oppa
လည်း တစုံတယောက်ကို ချစ်နေတာ သိနေခဲ့ပြီမို့....။
# # # # #
" ရှေ့ဆက် အဆင်ပြေပါစေ Namjoon Oppa.."
" အင်း ညီမလေးရော... "
Seoul ဗဟိုတရားရုံးရဲ့ ရှေ့မှာ Kim Namjoon နဲ့ Min Nahyung တရားဝင်ကွာရှင်းပြီးထွက်လာကြခြင်း....
" Oppa အလုပ်ထဲ ပြန်သွားမှာလား... ကား ရော.."
" ဒီနားမှာ အဆောက်အဦးပြပွဲ တစ်ခုရှိလို့ ... အဲ့သွား
ပြီးမှ ပြန်မှာ... ကားဂရုစိုက် မောင်းဦး..."
" ဟုတ်... သွားပြီ Oppa... နောက်မှ အေးဆေး သွား
သောက်ကြမယ်..."
Namjoon ပြုံးရင်းလက်ပြနှုတ်ဆက်လိုက်သည်။ အ သက်အရွယ် ကွာဟမှုကြောင့် Nahyung နဲ့သူ အတူ တူလုပ်ဖြစ်တာဘာမှမရှိခဲ့...။ Nahyung ကားလေးထွက်သွားမှ သူပြပွဲရှိရာ ဦးတည်လိုက်သည်။ ဆောင်း ရာသီမို့ ဖြော့တော့တဲ့ နေရောင်ခြည်က နွေးထွေးမှု သိပ်မပေးနိုင်။ နှင်းတွေကျရင် Jung Hoseok နဲ့များပြန်ဆုံနိုင်မလား... ဒီတစ်ခါဆုံရင် ကလေး လက်ကို
မလွတ်တမ်း ဆွဲကိုင်ထားဖို့ ပြင်ဆင်ခဲ့ပြီ...
