[Completed]The Best Mistake(Mistaken Series #01)

Chapter 20: The Bad News

CHAPTER 20. THE BAD NEWS!

Friday

"Mabuti naman ho at maayos lang ang lagay ninyo, sobra po kaming nag-alala dahil sa nangyari." Nakatunghay sa kanila sina Manang Ising, Neneth at Diosdado. Pareho naman silang napangiting dalawa.

"Thank you Manang,"sinserong saad niya na nilingon ang nakangiting si Ian.

Iba ang pakiramdam niya nang makauwi na sila. Parang do'n niya lang naramdaman ang pakiramdam na isang bagong kasal. Sa totoo lang, 'yon ang naiisip niya habang magkahawak-kamay silang naglalakad papasok ni Ian ng Mansion.

"Ay hala, maupo na muna kayo at magpahinga...may gusto po ba kayong ipaluto Ma'am?"tanong naman sa kaniya ni Manang Neneth na iginiya siya para maupo.

Nakakunot-noo niyang nginitian ang Ginang."Ayos lang po ako, kung tutuusin puwedeng-puwede na nga po akong tumulong sa pagluluto e,"aniya.

"Ay naku, 'wag niyo na munang isipin 'yon at ang importante ay hindi na ulit kayo mastress, mabuti nalang talaga at malakas ang kapit ng bata,"nakadaop ang parehong palad na usal ni Manang Ising nang sabihin iyon. Hindi niya mapigilang matawa sa naging reaksyon nito.

"Yeah, they are very strong...just like their Mom,"nakangiting singit ni Ian.

"Hehehe, naku pasalamat nalang talaga tayo sa diyos,"tuwang-tuwa pakisabay rin ni Mang Diosdado.

Natutuwa siyang pagmasdan ang mga ito, masarap sa pakiramdam na mayro'ng nag-alala para sa'yo mula sa malayo at kahit hindi rin naman kayo magkaano-ano. Masaya siyang malaman na kahit ilang linggo palang niya kasama ang mga ito ay mayroon na silang nabuong mabuting samahan, talagang masarap sa pakiramdam.

Tanghali na no'ng madischarge siya, kaya dapit hapon na'rin sila no'ng makauwi, hindi naman siya nagugutom dahil kumain muna sila bago umalis.

"Siya nga pala Ma'am, may tumawag po dito no'ng nakaraang gabi."
Biglang banggit ni Manang Ising na mabilis niyang nilingon.

"E, kasi nga po naiwan niyo 'yong cellphone niyo, pasensiya na po kung pinakialaman 'ko, tawag po kasi ng tawag, ayaw tumigil baka kako importante kaya sinagot 'ko na, tinatanong po kung nasaan kayo, hindi naman po namin nasabi kung saan dahil nga po nawawala kayo no'ng araw na 'yon." Umarko ang kilay niya at umawang ng bahagya ang labi, wala siyang ideya sa sinasabi ng Ginang.

Bago pa siya makasagot ay naunahan na siya ni Ian.

"Sino po ba ang tumawag?"curious nitong tanong. Binalingan niya nalang ulit ang Ginang dahil 'yon din naman ang itatanong niya.

"Ah, 'yong pangalan..."umastang nag-isip si Manang Ising.

Bago pa ito makapagsalita ay napabuntong-hininga nalang siya habang palihim na nakangiti. Naalala niyang ito rin ang nagsabi sa pagbisita ni Angel sa kanila. Pero hindi nito nagawang isaayos ang pangalan ng bisita, baka gano'n din ang mangyari ngayon.

"Yuwan po ata basta ang sabi niya kapatid niyo daw po siya,"awtomatikong nawala ang ngiti niya at nanlalaki ang matang tumingin sa Ginang.

"Who?"gulat niyang tanong.

Bigla siyang binuhusan ng malamig na tubig dahil sa narinig.

"Your brother, hon?"tanong sa kaniya ni Ian na hinawakan siya sa balikat.

"Yeah, it's my e-elder brother,"parang tinakasan ng siglang sagot niya.

Parang nawala ang kalahati ng enerhiya niya kanina, nanlulumo siya sa narinig at hindi alam kung anong ang magiging reaksiyon.

"What's wrong hon? what's the problem?" Dahan-dahan niyang tiningnan si Ian.

"Hindi niya pa kasi alam ang tungkol sa'tin at ang pagbubuntis 'ko e,"nanghihinang bulong niya na muling bumuntong-hininga.