لعنة حبي الكاذب

مشهد

السلام عليكم
الكاتبه نور أل زياده

مشهد الاول

صرت امشي بسرعه ،امشي واتعثر الضلام دامس
كلشي مااكدر اشوف
صرت احس بخيال ورايا درت وجهي ماشفت شي
رجعت اكمل طريقي وهم نفس الاحساس اجاني

الخوف والرعب سيطر على حواسي وبدت دقات قلبي تتسارع الى درجة احسه راح يطلع من مكانه

صرت اركض مثل المجنونه وتوقفت من شفت كلاب بالشارع مامبين منهن غير عيونهن اللي تجدح نار
صارن ينبحن ويتحركن باتجاهي

احس قدمي تربطت ونفسي ضاق من الخوف
هجمن عليه

ومن حلاة روحي صرت اعيط واخيرا طلع صوتي رجعت ليورا وماهمني شنو اللي كان يلاحقني قبل قليل صرت من الفزع اعيط واركض الى ان ارتطمت بشي ضخم

رفعت راسي ومن هول الصدمه غبت عن الوعي

--------------------------

مشهد الثاني

_فيان حبيبتي رجعتي؟

_خلص كافي تمثيل دور الحبيب انتهى وأبشرك المفروض ينطوك جائزه الاوسكار على قوة الاداء بس خلص انتهت التمثيليه

_انتي شدتحجين؟

_شحجي موو؟ لك انت شنو من بشر لخاطر الله
شلون انطاك گلبك تقتل أطفال؟
شلون أنطاك گلبك تدمر كل هل الناس؟
لاومسوي نفسك مضحي وخوش أدمي
تصدك شكيت بيك من يوم شفت الدم بقميصك
بس كلت ميسويها،، ميئذي احد
كنت متصوره امير لعنتي طلعت انت لعنتي الحقيقيه
تصورتك ملاك،، طلعت شيطان

***********
مشهد الثالث

_صدكيني ماهمني كلامج وحتى لو أنتي مخبره عليه مااهتم
بس من شكيتي بيه بهل سهوله خليتيني أحس انتي ماعرفتيني ولا ألي قيمه وأهميه عندج لو حتى شويه
معقوله كل حبي وحنيتي ألج ماوكفت بعينج وأنتي تتهميني هيج اتهام؟

لوعرفتيني هلكد (وأشر بأصبعه) كان ماشكيتي بيه وسويتيني مجرم

احجي ليش ساكته؟ جاوبيني؟؟ شنو اني بالنسبه ألج؟

_ جمدت بمكاني وماعرفت شنو ارد اتمنيت اكله اسفه واني غلطانه وانت بالنسبه ألي روحي والنفس ألي اتنفسه تمنيت اكله شكد احبه بس نزلت راسي واكتفيت بالسكوت اجى بأتجاهي ومسك اكتافي ثنينهن من الامام وخلى كصته على كصتي وكلي،،،،

_جاوبيني وريحي گلبي والله العضيم تعبت احجي كلمه تبرد گلبي
رغم اني نويت الفراگ وكلت مااريد اشوفج بعد بس مداأكدر كلبي رافض
حبج موبيدي،، عاندت نفسي وهواي عانيت
اني حاليا بصراع بين گلبي ألي عاشقج ويتمناج
وبين عقلي ألي يكلي هل الانسانه هانت كرامتك وذلتك واتهمتك ابشع اتهام

كوليلي شنو اسوي دليني الطريق احجي كلمه تبرد نار گلبي وترجعلي ولو جزء من كرامتي ألي هنتيها
حتى اقنع عقلي يتنازل وينسحب حتى افهمه انت غلط وگلبي الي حبها كل هل سنين وضل متمسك بيها هو الصح

ارضيلي غرور عقلي بأي كلمة اسف او ندم اوحب اي شي بس احجي وانهي هل الصراع الي بداخلي

_اكتفيت بالسكوت رغم هواي اشياء وكلام بداخلي شاف ماكو رد ابتعد عني

_ فهمت وصلني جوابج
خلص مثل متريدين يجرالج

ماراح اهين نفسي اكثر وماراح اترجاج اكثر حتى ترجعين،،، خلص الحب مواجباري
راح الم لم بقايا كرامتي وابتعد

خلص روحي وعيشي حياتج ولتباوعين وراج وحتى اذا حنيتي ولو كالولج مات هم لتجين بعد،،، روحي

__ اسفه موبيدي سامحني

_ ماكو داعي للاسف ولتنقهرين عليه روحي مااريد اضعف
واطمئني راح يجي يوم وانساج وانسى ايامج وحبج وحتى لو أخذتي (غص وبلعها) وحتى لو اخذتي روحي وياج راح اعيش من غيرها
ماراح اضعف حتى لو ردت اموت حتى اسمع صوتج واشوفج.

************

اخترت طريقي بنفسي ولم ادرك اني امشي في طريق من نار

هل هو قدري ام غباء مني ام تمرد ام لعنه

مشاهد بسيطه من قصه راقيه بمعنى الكلمه قصه مختلفه عشقتها واكيد اي شخص راح يقراها راح يأيد كلامي

يله نبلش رحلتنه سوا مع ابطال قصة لعنة حبي الكاذب