بين اسواره

مقدمه ♥

مشهد من المستقبل

اول روايه الي اتمنى دعمڪم

........

وفاء : بعد طلوك استمر ساعات واخيرا سمعت صرخت الطفل زفرت هوا۽ بتعب وصرت افتح عيوني واغمضهن وجان اسمع النشغات

- يااا هم بنيه

- امدااها بنيه

- جبح حضك ياخويه جتلك البنيه الـ 6

- جا تلومني من اريد اعرسه شوفن الفكر تخلفله بس بنات غمتني وطلعت...

الجده - ياخية ام " " انعلي الشيطان صدك جذب حرام تبجن ولله

- جا اخوي خطيه جان متاني يجي ويشوفله وليد يفرحه وهاي ماتخلف بس بنات

- مو انتي هم مره وماتدرين شضامتلج الايام لا تحجين هيج علا مرت اخوج

ضلن يبجن عمتي وحمواتي ونسوان حمويني .. بدال مايحمدن رب العالمين على تمام الخلقة وجيبتها بالسلامة لا جاي يبجن!!

غمضت عيوني وانه احس كلبي مووورم .. ماحسيت غير فضت من جواي نكعتت صاحت الجده : ولجن جيبلي فراش جيبلي وصلل طكها نزيف رح تموت

مرت ربع ساعه والنزيف ماكو ماوكف .. وبالـ 2004 جانن اكو مستشيفات بس يهو ياخذني انه؟ المكروها ام البنات!!

حسيت عيوني كامت تغوش وكلبي نبضاته صارت ضعيفه كلش كلت بريج يابس وصوت ضعيف : ع...عمه ب..بناتي امانه بركبتج و..وديهن ل..لهلي ..

غمضت عيوني مستسلمة لكلشي لوجعي وقهري وبالي يم بناتي ادعي ربي يحميهن. ..

____

نايمة بنفس مجاني ومتغطية باكثر من بطانيه واتراجف وسنوني طكطك من البرد .. فتحت عيوني على كيف شفت .. مره ورجال دخلو عليه ..

بس كللهم نور بنور .. جابت المره علك اخضر جبير وغطتني بي على طولي كلش .. مسحت على راسي وانه احس ماي بارد على كلبي خله روحي ترتخي خله كلبي يهدء ويطمن ..

كالتلي بصوت والله العضيم السه ببالي وبكلبي ماناسية حرف منه :

عرفتهم فاطمة الزهراء والامام علي (عليهم السلام) لان الامام علي دوم يحضرني وبهاي الشدة ماعافني لا هوا ولا مولاتي فاطمة الزهراء (عليهم افضل الصلاة والسلام)

____

القصة تدور حول معانات امرآة بمجتمع متخلف جاهل يسموها " ام البنات" وعدهم البنيه ولا شي والولد هوا الاهم .. وبعيدا عن كل هذا يلوموها على ولادتها للبنية .. ومع تطور العلم ومعرفة هاي الناس الجاهلة انو الخلفة والاطفال من الرجل الا بعدهم يلومون المرآة .. واصلا على شنو يلومونها شبيهن البنات... بس احنه بمجتمع معفن للصراحه ..

القصه ماتدور بس حزن لا اكو احداث كوميده وسعيدة ورومانسية اهم شي  ادري كاتلجن الجفاف .!›☹️😂‹₎

مشاهد بسيطه من اول ڪتاباتي 😇♥

اتمنى دعمڪم 💙️

2022/2/19
الاربعاء