بين اسواره

البارت الـ 31

..بين اسواره
..زينب الاسدي

اترك طيبتك لنفسك محد يستاهل .♥

وفاء

مگابلة صور هدى ودموعي تنزل مابطلت .. وينج يروحي اشتاقيتلج اشتاقيت لضحكتج ونصايحج الي شتاقيت الاهتمامج شتاقيت لوجودج بيناتنا .. تعالي شوفي شصار بينه بروحتج .. تعالي شوفي فريخاتج عفتهم صغار ومايتحملون ضلم مرت الآب تعالي يخيه جهالج محتاجيج بعدهم مشتاقين لحضنج ولحنانج يروحي انتي..

اجت نورس مسحت دموعي وكالت   شبيج يمه ليش تبجين

طكتها حنان وكالت : غيل تبجي على خاله شبيج حماره

نورس : يمهه شوفيها تطكني

اجت بشه وبيدها الجك وبس بالفانيله وتبجي ..
حنان : اهوووو اجت لمسودنه

نورس : مهي مسودنه

حنان : اكو واحد يبجي على الجك بس لمسودن

ضميت الصور وقفلت الكنتور لان ادري اذا يضلن حنيين شككهن كلهن ..

اخذت بشه غسلتلها ورجعت للغرفه يم بناتي الاربعه .. خليت ايدي على بطني ياربي رحمتك ياربي دخيلك.. هاي انه كل سنه حامل علمود يردون ولد وبكل ولادة الي اوصل بيها للموت ومحد غير الله واهل البيت ينجوني ويحموني.. ياربي ارزقني ولد عاد اكطعلي الحمل جم سنه

اجت جيرانه يم عمتي واسمعهن يسولفن بالحوش : ها خيه ام عازم ام لبنات حبله

: اي عليها رابع

  ان شاء الله تخلفلكم وليد جا تخلصها عليكم بنات هل سطرتهن ٤ بنات خاف تجيبلكم الخامسه .. لو انه منج اعرس ابني من باجر

: شو ماتعرفين تحجين شنوو اعرسه جا هيه منها هيه شعليها هذا رزق رب العالمين والبنيات نعمة من ربنا واحنه راضين

: على كيفج ماحجيت شي.. وهمين غير علمود ثائر رح يضل ابو بنات يهو يشيل اسمه

: الحمد لله ولشكر مشيول اسمه وهل جاي يصيحوله ابو نورس وابو حنان مامسحوك اسمه ولا جيبين طاري جنتي

: يمه ماشفت عمه تحب جنتها هيج .. بس صدك اذا ردتي تعرسين ثائر بنات اختي موجودات وتعرفيهن شون نادرات وحلوات

: اهووو عمي ماريددد اعرسه شربتي جايج؟سلمينه على ابو شاكر

: يا يا جا هاي طرده؟

: لا موطرده

: انه كايمه ضلت عدكم العافيه

: الله وياججج

طلعت وعمتي غمت وراها: ويعة ابوي

ابتسمت لحنية عمتي واندعيت الله يحفضها ويحميها ويخليها..

كملت العشه ورجعت لغرفتي .. دخلت عمتي وكالت بفزع : يلغمممه كاعده هنانه ولبرابيك رح يعرسن ريلججج كومي كووومي