بين اسواره

البارت الـ 4

🖤بين اسواره🖤

★مشاهده ممتعه★

كعدنه ابوي الصبح كلنه وكلهه ركضت حته نودع هدى

اول واحد حضنته ابوي وضلت تبجي وصارت مناحه بعدهي ياهو تكضه يبجي

هدى كلش حنينه علنه وهي ربتنه وعسا واحد لا يكول اخ تركضله

اخخخ لو نعرف بلي يصيرلهه ماجان خليناها تروح

ــــٓــــــٓــــــٓــــــٓــــــٓــــــٓــ

مرت تقريبا تلث اشهر على عرس هدى والاوضاع كلش ما اطمن الحرب كايمه وكالو الكل يشيل من المنطقه تقريبا نص شالو ونص بعدهم وحته عمامي راحو واحنه متانين ابوي يجي ونشيل ابوي بعد الجيش اشتغل حارس بمزرعه عشر ايام يلا يجي اجتلي حليمه وكالت

: خلروح نكعد يم راك النهر نسولف ويه حنان
: يوو مابيه حيل انتي روحي

:شمالج ما نتاخر شوي ونرجع

:حكج ماوراج شي جا مثلي وراي
امتحانات ووزاري مدري شني

:هو بس هاذ الصف وتبطلين

: مو بكيفج هو
: اهوو بله يهي دخلت متوسطه يلا
لا نرجع نتعارك يلا كومي شوي ونجي
: استغفر الله امشي كدامي جايه
.........

ثائر : الدنيه مخبوصه ومانعرف شبيهم هاذ يكول راح يصير حرب وهاذ يكول راح يكطعون الجسر وماندري شمالهم

هاي اخر ايام بل مدرسه وامتحانات شفهيه عدنه اسلاميه ومااجه المدرس
وباجر عربي سئلت المدرس

:استاذ يعني باجر نمتحن اسلاميه لو عربي
فاجئني المدرس من كال وهو صافن على الجنود التارسين الشارع : اذا ضلينه عايشين

رجعت لبيت خالي وانه افكر بحجي المدرس اڪلك حميد :
: ها ثائر كول
: راح ارجع لاهلي
: شبيك تخبلت غير امتحانات
: ولك راح ايصير شي وخاف صدك ويصير شلون ارجع لاهلي وامي اضل تحسب
:والله ماادري شكلك هي صدك الوضع يخوف
:اي وتدري احمد بل جيش وعازم ملتهي بل نسوان ويفتر بسيارته ابوي يهو يساعده
:زين خليهه لباجر اطلع وياك هسه مو وكت روحه
:خوش
............ ..
نتمشه وصلنه لراك النهر وسئلت حميد

: حميد هاي مو حنان
:اي هي
:يهن هذن الزركات الكاعدات يمهه

: هههههه ولك وين شفتهن خربيومك موش عيون ليزر

: لا صدك شوف لبسهن
: امشي ولك امشي لازم مايعجبنك بس بنات الريف هههههه
: اي غير جمال طبيعي مو زرك هههههه
: تسكت لو ادفرك بل نهر افشلك جدامهن
: ههههه امشي نولي

ڪملو مشيهم وثائر مقرر يرجع وما يكمل الامتحانات
ــــٓــــــٓــــــٓــــــٓــــــٓــ

وفاء : كاعدين ومنزلين  رجلينه بل ماي حجت حنان :
ـ بنات اشوفن ذك الولد
ـ اي شبي

ـ هاذ ابن عمتي شوفنه شلون حلو

ـ خايبه شنشوف منه مامبين

ـ بس ترا حلو

ـ اي اي عود خوش

(هاها منو هاذ 😉)

ــــٓــــــٓــــــٓــــــٓــــــٓــــــٓــــــٓــ

وفاء : لمينه جم شغله وخليناهن بكواني
عود الفجر يجي ابوي وكبل نطلع
المنطقه فرغت تماما محد ضل بس احنه وبيتين مدري شكد ابدايتهه

اصلا بس المخبل يضل كلساع نسمع صوت طياره تعبر حرفيا عشنه هاي الليله بخوف ماعولنه ياصبح اصبح ونطير كوه نمنه بليلتهه

وكعدنه على اصوات امي وابوي يحجون

ـ مااضن اذا طلعنه نوصل عايشين
ـ واذا ضلينه نموت من القصف

ـ جا شنسوي نخاطر كلحنه ونطلع بله شافونه
ـ نتوكل على الله ونمشي ونتلبد بل بساتين ويحرسونه علي وفاطمه الزهره (عليهم السلام) 

تنهد ابوي والحيره مبينه علي لان لاضلتنه ولا طلعتنه امان

ــــٓــــــٓــــــٓــــــٓــــــٓــ

ثائر : عفت كلشي وراي ورجعت تلكتني امي : ها يمه شو  ايت  مو كلت عدك امتحانات

ـ يمه يا امتحانات نكلبت الدنيه هناك كلهه شالت والجيش ترست الشوارع

ـ الله يستر يمه جا احمد يمته ينزل
وعازم ما ايه لسه

نعيمه جانت كاعده اشك سمج كالت من يمهه
ـ هسه يلفي هاذ ابو النسوان ذاب نسوانه وجهاله وملتهي هناك خاف يريد ييبله الثالثه

ام عازم : شوفي ولج خل يجي ويسمعج تحجي هيج

اجت اختي الصغيره وڪالت

 زهره  : اي يمه خل يجي صڪارها حته تستجن بعد ما تطلع

نعيمه : يا لدايحه زهيره هاي عليمن جا انه الج بسيطه

وصل عازم ونزل من سيارتة وكله كشخه اليشوفه مايكول ابن ريف لا ما يلبس اله احسن دهداشه والغتره لافهه لفه جراويه
والسبحه بيده

: الله ابو الخير شلونكم
: هلا بيك يمه عالخير من شفناك
: بعد كالو راح تعلك مو مال اضل

دخل ابوي ويهلي ويرحب بعازم وفرحانين بي امي وابوي
ولو هو مايحترمهم ولا يقدر حبهم اله دوم يسبهم ويشتمهم بس لان جبيرهم يحبونه

تعشينه ونمنه يمڪن نص الليل هيج وسمعنه اصوات هاونات تضرب وطيارات تقصف

وبدت الحرب

نهايه البارت 💜🦋↻؛

البارت ڪصير بس ڪوا ڪتبت نفسيتي زفت 😒💔
وبنات التلي يعرفن

زينب الاسدي ♥♥