بين اسواره

البارت الـ 42

...بين اسواره
...زينب الاسدي

وفاء..

كعدت الصبح راسي ماكدر اشيلة من المخده وعيوني ماكدر افتحهن رح اموت من الوجع.. لا ياريي دخيلك لا تموتني بناتي محد الهن ..

اخذت مسكن مافادضليت الوب وبناتي سوده علي مفترات يمي ويبجن عليه..

باوعت لنورس وانه بالكوه مفتحه عيوني : نويرس بالج على خواتج يمه.. انه ماني طويلة عمر من وره ابوجن خوات..خواتج بالج عليهن اخيجج بعده صغير

نورس ببجي : يمه لا تكولين هيج الله يخليج..

وفاء: انطيني الدوه

نورس : خلي نكول لعمي ياخذج للطبيب

وفاء: ماريد اولي .. جيبي الدوه

انطتني الدوه واخذته وشوي خف الوجع وكدرت افتح عيني.. للضهر اجه ثائر ولبنات گلله امي مريضه ..

ثائر : هههههه امجن تتدلع تريدني اهتم بيها..

وفاء: عمت عين الدنيا..

للضهر وانه اشوه مدري اصبر بروحي.. ثائر مخلي بيه مواقف ماانساهاااا للموت ليوم القيامة كدام رب العالمين رح اگله ربي ثائر ضلمني وانه مامسامحته... ابدد.....

اجه يقترب مني وانه مارفضت ولا بعدته.. ثح كارهته كلش وروحس لعبانه منه ومن سوالفه بس ماكدر امنعه مني لان ادري هلشي حرام....!

بنص لحظتنه .. ودك تلفونه.. اول شي ماهتمله.. نوب ضل يلح اخذه شافه رقم الكح... يسد التلفون ويرجعلي.. هذا الشي لنتظرته ! بس شسوه هوا؟؟ عافني اي عافني وطلع وراح يخابرها للكح.. هاي !!

ليمته يا وفاء رح تضلين عديمة كرامه هيجج ليمته .. گمت بهدوء عكس النار البداخلي .. دخلت للحمام وطلعت ماعرف شسوي ماعرف شحجي صعدت فوك وباوعت من فوك السياج.. اذب روحي هسه؟؟ انتحر واخلص من هاي الدنيا واخلص من ثائر..

اي هذا احسن حل ..خليلتي طابوكه وصعدت فوكها.. باوعت للسما ياربي تدري لبداخلي بعد ماااتحمل انه سامحني ولا تحاسبني .. ثائر ثائر هواا السبب حاسبه ياربي..

نويت من صدك بس باوعت ليجوه وشفت بناتي وحمودي يلعبون وصوت ضحكاتهم واصل للشارع .. وبناتي لكبار بالمطبخ هم يلعبن ونورس تكصص للعشه...

اجتني لحظة ادراك .. ليش تستسلمين وفاء ليشش لازم تحاربين علمود بناتج..

ولازم تراوين ثائر وجهج الثاني اي..

نعلت الشيطان ونزلت جوا .. دخلت للغرفه وانه نضري يغوش ووحسيت الهوا ضاگ بصدري ماضل يوصل لرئتيني ودكات كلبي تكلي الوداع..

طحت من طولي بلكاع وضليت افرح بصدري علمود اتنفس ماكو .. ها ربي رح اروحلك رح اجي يمك.. ربي بناتي.. سند الهن انت ياربي..