بين اسواره

البارت الـ 33

..بين اسواره
..زينب الاسدي

ــــٓــــــٓــــــٓــ

وفاء :ـ اباوع واهز بيدي شبيها هاي تخبلت ...

نعيمه لابسه ضيك حتى تبين بطنها وتمشي وتمسح عليها وصيح ؏ الجهال لا اطڪوني لا يطيح فرخي

اجت مرت عازم الصغيره يمي فرت ايدها وغمتها :ـ تهرفلت البايره
ماشايفه حباله اول مره متعجبه

وفاء :ـ خيه عوفيها شتردين منها

ـ اعوفها هاي العبور ولا اعوفها وراها وراها ....

ڪون تنشف بطنج وماشوفين البزر بعد

وفاء :  يا على بختج اخوج شذنبه يضل على فرخ واحد

ـ يطبه هرش اخوي بله هذا اخو وين النجسه وخذاها

هم اڪبر منه وهم عجوز البين وهم ام السحوره شلڪيت بيها ماتڪلي

وفاء :ـ نوب تمشي واصيح يحبني ومدللني

:ـ شاف ماشاف شاف ... امه واخترع

:ـ ههههه والله عليج سوالف خنعوفها تولي

:ـ اي الله ياخذها نسيت اجيت احاجيج

:ـ اي ڪولي

:ـ عازم ڪال احاجيج اختج حليمه لو اجو عليه ناس تنطونه؟

:ـ والله مادري هذيج هيه وروحو سئلوها

:ـ اي هذا واحد يعرفه عازم رجال فقيييير ڪلش وخوش زلمه يشتغل بل نفط وهو مرته ميته من بتها بل اربعين وعنده اثنين ولد وبنيه بس همه ڪبار

:ـ خوش جم يوم اروح لاهلي واڪلهم والله ڪريم

:ـ اي خوش مو تنسين

:ـ لا ماانسه ... صدك بعد ايام رحت لاهلي ڪلت لابوي اصتنع وقنع حليمه هم

لان الي سمعنا ولد وبنيه ڪبار ماراح تتعب بتربيتهم وغير وضعه المادي زين

فا مابي شي ينرفض

بس هو جبير بل عمر يعني يطلع عمره فوك الـ40 سنه واڪثر

مرت اخو احت وخطبت لان ماعنـده اهـل سولـها حفله وحـنه وعرس ولبست بدله عوضت عن عرسها الاول

وانه جانت بنفسي البدله الحمره ولان ماسويت لا حفله ولا حنه مالبست خليت ولبست بدله حليمه وڪصيت بيها صور جانت هسه نازله الڪامرات

بناتي يصفڪن يڪولن :ـ امي صارت عروس

ضحڪت امي وڪالت :ـ هسه شفنه المثل اليڪول عروس وراها ڪرنوص

وضحڪنه ڪلنه وعشنه هل يوم بفرح وفرحانين لحليمه وادع الله يعوضها عن الشافته ويارب يطلع زين وياها
.
.
حليمه غمضت عين فتحت عين ليوم عرسي وزافيني لبيت رجلي