عوف الدنيا وابقى إلي وَحدي ♥️.
**بين اسواره**
وفاء : بعد ما دزينه الهم خبر الموافقه ثاني يوم نعيمه يمنه من الصبح وهي حددت موعد العقد الي عرفته ڪلشي بيدها والي دڪوله هي يصير ..
ڪالت باجر وانه يمڪم نشتري حلقات
واجت ورحنه انه وامي اختارينه حلقه الي وفستان للعقد وحلقه اله ڪالت بعد تلث ايام العقد
ام وفاء : شدعوه هلڪد مستعجلين
نعيمه : عدنه مزت خالي تريد تموت خاف تودع ونتعطل نوب ...
ـ ها اذا هيج حقڪم
ـ اي بعد ڪلشي مڪملين ليش نتعطل
وفاء : امي هم ماڪالت لا رجعنه ورحت لبيت جدي لان عدهم تلفون ارضي احنه ماعدنه ....
واريد اخابر هدى
وبعد مادخلت وڪلها تبارك اشرت لبت عمي بمعنى اريد اطلع هي افتهمت وسحبتني رحنه لغرفه
وفاء : ولج بسع التلفون اريد اخابر هدى
اسراء : امداج وانه عبالي جايه تڪعدين وياي ونسولف
وفاء : دطيري ماعندي وقت خل اشوفها بلڪت تڪدر تجي
اسراء ــ وهي اطلع الدفتر الي بي ارقام : انه اڪلج ماتجي.... وهاج هذه رقمهم
وفاء : دڪيت الرقم وانتضر احد يرد .... واخيرا ردت وطلعت هدى
هدى : هلا ولج وفيه شلونج
وفاء : زينه الحمدلله انتي الجهال شلونهم؟
هدى : زينين نسئل عليج شخبارج
وفاء : نخطبت راح اعرس ...الوو وين رحتيي
هدى : تحجين صدك لو تشاقين؟
وفاء : مجذبه عليج قبل
هدى : ولج يمته ووين ومنوو احجي ڪلشي
وفاء : ڪعدت وحجيتلها بل تفاصيييل ڪلشي
هدى : ولا مصدڪه وفيه ڪبرتي وراح تعرسين
وفاء : ڪلنه نڪبر محد يبقى هسه فضيها تجين لو لا؟ ... اريدج يمي ترا
هدى : والله ماادري حاڪم بل جيش وفلوس ماعندي شلون اجي
وفاء : خلص خلص هذه اهو لا تجين
هدى : نجبي وفاء لو بيدي اجي
وفاء : هدى لازم اروح باي
هدى :- شايفه ڪل خير ياروحي ان شاء الله خوش ولد ويعوضج
وفاء : مشڪوره ... سديته وانه ضايجه ادري بيها مو بيدها تجي بس تمنيتها بل ايام وياي
اسراء ..خلت ايدها على جتفي ولج مو ڪلنه يمج بعد شبيج راح ضوجين علمود هدى
وفاء : ترا اختي هي انتن بيش الڪيلو
اسراء : امشيها الج وراج عرس مانريد نضوجج .. تحجي وتتغمز وتحرك بحواجيها
أنت تقرأ
بين اسواره
Romanceشنو ذنبي؟ وليش نضلمت؟ بس لان خلفتي بنات؟ لو مخلفه ولد هيج حياتي؟ وشبيهن البنات مو هنه وصيت رسول الله الله راح يعوضني ؏ صبري؟ والى متى اتحمل واڪول ميخالف علمود بناتي؟ قصه حقيقيه لامره تروي معاناتها بمجتمع ذڪوري متخلف تابعو قصه (بين اسواره) ...... ...
