بين اسواره

البارت الـ7

بين اسواره

قرائه ممتعه **

يل رسمك ابعيني نطبـع راحـن
عيوني ومـارحت..

عريان السيد خلف
****************

وفاء : ثالث اخت راح تزوج واحس بدت الضوجه عندي صح حليمه ما جانت قريبه مني بس هم متعوده عليها

ومتحمسه كلش لان هدى راح تجينه ومتانيه على ناااار حته اشوفها مشتاقتلها كلش

كعدت من الصبح وكفيت كل الشغل علمود من تجي هدى اضل مكابلتها ما وراي شغل ههههه شلون تفكير

اجت هدى وبيت خالي هم اجو بس راحو يزورون الاهل

وڪلنه كابلنه هدى وكعدنه وجايبه مصغول ودهينه هاي السوالف الي من كربلا واخواني الصغار فرحو  بيهن

طردنع الزعاطيط وضلينه انه وهدى وحليمه عود صار جبيره راح تنخطب وعقلت وعافت اللعب ويه الجهال

وفاء : هدى سولفي كلشي كلشيييي من عرسج لسه
ـ وبدت اسولف

.........

كاعد ومخلي المسجل يمي ومشغل حاتم والدنيا طالعه من عيني اجتني اختي

زهره : جنك يا ثائر عاشك ومفلس

ثائر : لا عاشك ولا مفلس واحجي شعدج

زهره : جا شني ما ايي لاخوي احاجي اله عندي شي

ثائر : ولج زهيره سوالف عليج مو عاجنج وخابزج بيدي

زهره : ههههه والله  اخوي سبع ما ينغلب تعرفني قبل لا تحجي

ثائر : يلا بله دوختيني خلصت الاغنيه ومامفتهم شي من وراج احجي شعندج

زهره : وهي تعصر بجتافي
ـ شوفي عيوني عويزم مو هنا واحمد هم مادري وين وبس انته اجيت اكلك خل اروح لذيج الصفحه

ـ وين بل تحديد
ـ ياا شبيك لبيت خوالي يم البنيات ضيجه هنا اجيت اكلك حته لا دكولون اطلعين وما تحجين ترا مو نفس نعيمه انه

ثائر .. حجه وهو ماله خلكها يلا كومي بدلي اوصلج بل ماطور لان اريد  اجيب علف

زهره : كمت حته قبل لا يكمل حجيه واركض افرك ضروسي بديرم واحط كحله حته اصير حلوه

ــــٓــــــٓــــــٓــــــٓــــــٓــــــٓــ

  حليمه : عود اليوم العقد مالتي وانه كلشي مامفتهمه يكلولي روحي منا اروح تعاي منا اجي جابولي بدله وكالو لبسيه ولبسته وجابو ولافه حطت اشكال والوان بوجهي وانه كاعده وساكته
.
.
.
كاعده على الكرسي والنسوان يصفكن وخواتي يوزعن شربت عليهن

كالو راح  وكلت ابوي مادري شنو عود لان عمري 16 هو يصير وكيلي

عقد الشيخ وكلها صارت تهلهل واختي فاطمه اكثر وحده فرحانه وكلي راح نصبر ابيت واحد

حليمه : اجت عمت اختي الي صارت عمتي ونطتني نيشاني وهو عبايه وجنطه وشحاطه ودهداشه
وراحت

ـ وفاء : شنهاي يااع شو لا اجه العريس ماشافها

هدى : يمكن ماعدهم هيج عادات
حبيبتي حلومه لا اضوجين

حليمه وهي مامهتمه اصلا : يا خيولي ميته علي وارد اشوفه
اخذه واكابله عمري كله
ـ ههههه والله عليج سوالف

ــــٓــــــٓــــــٓــــــٓــــــٓــ

وفاء : كاعده اغسل بل تمن واغني
ـ على المحبوب ودوني على المحبوب ياناس
ـ حبيب وغيبته طالت وانا المشتاك ياناس
ودخل ابن خالي (اخو حاڪم) باسم

وفاء : طفوت بسرعه ولبست شيلة امي الي على الباب وصحت بي

ـ ثول ماتعرف تتحمح اصخم شبيك
باسم وهو يهز بيده : يلا عساس شفنه شعر الملكه هنه عطوب وفيه ام السان

ـ شوف عطوبك نوب احجي اول

ـ تروحيلي فدوا غير مدوخ البنات
ـ ههه اشوف الصخلات داخن واغمه عليهن هههههههه

ـ اشوف انتي اول صخله متي هههه
كال هيج وطلع

وفاء : غميته بيدي امداك وامده شعرك
وكفت وصفت اكول هو باسم مسرع كبر قبل عرس هدى جان جاهل يلعب بل طين يوو يولي هسه هو شني ومدوخه روحي بي
.
.
.

كُل شيء بِإرادتك ، بِإستثناء الحُب .

(ها شلونڪم 🤡)

هو قصذر ادري بس ماجاي اتاخر 🗿
نهاية البارت 😁♥

انطوني رائيڪم

زينب الاسدي ♥

عود ڪاتبه وڪذا اڪتب اسمي 🐸