بين اسواره

البارت الـ 25

بين اسواره

قرائه ممتعه ..

مر يومين وهوا گالب وجهه مايحاجيني فوك حكه طكه فوك ماهوا كاتلني گالب وجهه ومايحاجيني .. كلش نقهرت ونغثيت ..

لليل انه روحي مسحونه منا الشغل ومنا الحمل وفوكاها ثائر وسوالفه ..كفيت اماعين العشه وتمددت  هوا اجه سحب مندر وبطانيه ونام بلگاع مانام يمي على الجربايه ..

طبكت ايدي جوا خدي ونزلت دموعي ضلت عيني متعلگه على صورة الامام العباس ودموعي تنزل بقهر .. لمن غفيت وانه نفسي بالكوه اجره..

فزيت مدري حلم مدري حقيقه بس انه اشوفه صدك واسمع شخير ثائر ويطك بأيديه ورجليه مثل لواحد مخنوگ .. رفعت راسي من الجربايه وباوعت وشفت شي خلاني جامده عيوني مفتوحه بصدمه ودموعي تنزل ..

اشوف واحد صاعد على صدر ثائر وخانگه بثنين أيديه ماشفت وجهه بس بالحلم مدري بالواقع الي اشوفه جدامي الامام العباس عليه السلام.. ثائر صار وجهه ازرك وشوي وتطلع روحه ..

صحت وانه  ارجف وخايفه " ياعلي ياعلي يابو الغيث غثني وياعلي ادركني .. يابو الغيث غثني وياعلي ادركني.. ردتت هاي الكلمات والتفتت لباب الغرفه وانه شفت هيئة الامام علي.. واكف صاح للامام العباس وگام الامام وجن اشوفه ضاايج ومتعصب كلشش ، وراحو ..

وحق الله مستحيل انسه هذا المنام ابدد ، باوعت انه كاعده وثائر نفسه ثكيل ويشيل بيديه وينزلهن ركضت اله بسرعه كعدته وهوا فز فاك عيونه مصدووم ومختنك كلش كام غسل وتوضه .. ورجع تمدد..

وفاء: شبيك شحلمت؟

خله ايده على راسه وكال : مادري حلم غريب واحد يخنكني مادري...

عيوني ضلت تدير دموع بسكته .. يعني حلمي حقيقي مو حلم .. اي مستحيل حلم.. كمت من يمه وكعدت على الجربايه والتفتت للصوره .. حضرتني يا إمامي ياابا الفضل حضرتني وكفتلي..

ضليت صافنة.. لو ساكته وماصايحه بأسم الامام علي شنو جان رح يصير !! شنو جان رح يصير لثائر الي لسه يتأفأف وضايج مختنك.. مامرتاح.. معقولة شاف شي بحلمه بس مايقبل يسولفلي ؟!

كام طلع بره وضل يدخن .. قريب للأذان دخل ضل يقره قرآن وصله يلا كدر يغفه وينام..

وانه مصدومه من الحلم لحلمته.. ومستحيل والله ولحسين مستحيل انسه هذا المنام لو تمر سنين عليه...

مرت الايام وصار عليه ٤ اشهر والتحق ثائر ومشاكل البيت نفسها ماتتغير.. اجو مسلم وهناء  الي وجايبيلي غراض من امي ومسواك وحلويات ل نورس.. كعدو شويه وطبت فرحه.. بسرعه كامو خافو تطردهم نفس ذيج المره .. بس هيه مستعجله خذت فلوس من عمتي وطلعت وعمتي ضلت تصيح وتدعي عليها ..