بين اسواره

البارت الـ 5

🖤 بين اسواره🖤،! . .

يا بخت العيون الي بـ حسن وجهچ تهنت ❤️‍🔥.

وفاء : طلعنه واحنه نتراكض وكلما تعبنه نلبد بل بساتين
وكفنه شوي نرتاح واحنه نرجف من البرد والخوف

مانحس اله صار اصوات الرمي من كل صوب علينه عليهم ماندري

شنسوي ضلينه محتارين لانه ماشين ولانه راجعين.
ضلينه لابدين بديوانيه من طين مال زلمه معروف بل منطقه هم عايفين بيت

لمن غابت الشمس وصار ليل  حسينه هده القصف كال ابوي
ـ اذا ماطلعنه هسه بعد مانكدر نطلع
مسلم : بويه اذا طلعنه  ورجع القصف
ـ يم الله تبقه يله بويه كومو هي موته وحده كلمن يموت بيوم نتوكل

وفاء : اشوف ابوي بذاك اليوم شلون يشجعنه ويريد يحسسنه بل امان بس هو يا امان واحنه بنص القفص

ـ امي ماطاحت من لسانه كلمات دخيلك ياعلي ودخيلج يا ام البنين احرسينه واحنه وياها وكلنه خايفين ونتراجف

طلعنه واحنه كلنه ندعي بصوت واحد نوصل بسلامات عشنه بخوف بهذيج الليله مااتمنه واحد يعيشهه

الجثث بكل مكان مشمره ودخلنه نمشي بل نهر وهم شفنه جم جثه متنه خوف اخواني الصغار كوا كاضينهم لا يصارخون

بالف ياعلي لمن وصلنه الفجر للاهوار الي كعدو بيهه الوادم ولكينه عمامي جهزولنه. خيمه صغيره كعدنه بيهه انطونه جم غرض منهم وجوله نطبخ عليهه لان ماجبنه شي ويانه والاخذناهن عفناهن

الحمدلله هاي الليله نمنه بعد ليلتين من الخوف

............

ثائر : كعدت الفجر ليكت كلهه كاعده بعد ريف متعودين نكعد من غبشه

كعدت اتريك واجت نعيمه مااستغرب هي دومهه دايحه ذبت عبايتهه وكالت

- تدرون الكيعان الورانه انترست وادم شاردين من الحرب

دخل عازم : وانتي شعندج رايحه هناك
حجه ابوي وماادري شعجب حجه

ـ اسكت عنهه عازم مااشوفه خطيه فوك ضيمه انت عليه
سكت عازم ومارد يمكن ماله خلك يعارك الله هادي اليوم

طبعا ابوي كلش يحب نعيمه لان جانت صغيره وزوجوها ابن عمي ومالحكت باول اشهر التحق ومن جابت ولد وبل اربعين كالوله وراد ينزل وكتلوه بقناص

لا تهنه بزواجه ولا بابنه الله يرحمه
اي فا امي وابوي مخلينه على راحتهه

ومرت عمي ونعيمه عرك فهي كعدت عدنه وابنهه مربينه ويانه حاله حال ولد عازم

طلعت اشوف الحلال والزرعه وبلكت اشوفهه

ــــٓــــــٓــــــٓــــــٓــ

ـ يمه يمه شوفي
ـ ها ولج شبيج
ـ شوفي عبايتي شلون طاكتهه شضايه من يم الايد لو شويه جا كطعت ايدي

ـ نكتبلج عمر يمه لو ما الله ستر جا هسه نبجي عليج

.....

طلعت شويه برا واشوف علياء وهناء راسمات طق ويلعبن باع هذن والله بطرانات الدنيا مشتعل ابو ابوها وهنه يلعبن

ـ اكلجن شو ضيجه خل العب وياجن
لعبت وياهن واجت حليمه عود تريد تلعب بس هي مو سمينه ماتعرف تطفر عالي وتسحك الشخط وتخسر ونضحك عليهه 

ـ اشوف الجهال تعلب والنسوان يغسلن هدوم على راك النهر والزلم يسولفون ويضحكون

اي صدك هو هاذ العراق شما يصير بينه نبقه نضحك

........

ڪتبت  هواي بس نحذف ونسيت شنو جنت ڪاتبه 🥲💔

++اذا تفاعل حلو اڪتبلڪم بارت 😄♥ اطول

ممڪن اضيفوني انستا (zai__.18)