**بين اسواره**
وفاء : مرت فتره اسبوع هيج واجه ثائر وعمتي ڪالت لا تحجين شي....
علاقتنه جانت ماڪو احلى منها شفت حب ثائر الي ڪلما اروح لاهلي واتاخر واشوف شڪد مشتاقلي ...
بيوم صبحيه هستونه شايلين الزيرك وڪاعدين نسولف ونسمع صوت نعيمه تهلي وترحب .....
طب ووياها حسنه مرت احمد وجهالها وبنيه ماعرفها اول مره اشوفها
سلمت عليها شو هاي ردت منورا خشمها... شبيها هاي؟
رحت ارد اجيب ماي اجت زهره ترڪض
زهره : ليش طلعتي ولج روحي ڪعدي
وفاء : اي بس خل اخذ ماي ... بس منو هاي ويه حسنه؟
ـ يحظي هاي اختها سوسن ديري بالج منها حسه صفره ترا
ـ اي شفتها شلون تباوعلي
ـ دروحي يله روحي
وفاء : اخذت ماي ورحت وڪعدت بصف عمتي وهاي الاسمها سوسن منطلصه تحجي وتضحك
ولا ارتاحيتلها حسيتها خفيفه....
شوي شوي وثائر انطلق وياها وضحڪهم لاوين
ونعيمه تتبسم
ححيل ضجت واضايقت من تصرفاتها
ڪل ما حجو تلتف علي ودور وجها جن ماعاجبها
تاخرن ڪلش وانه ما ڪمت من مڪاني وعيوني عليهم ....
التفت على صوت نعيمه دڪول
نعيمه : وفيه ڪومي شوفي غداج اليوم حسنه وسوسن غداهن هنا
سوسن : لا والله ماباقين نريد نمشي
ثائر : ماڪو ولا اطلعن
سوسن : يااا بله عرفو اهلي مايرضون
ثائر : لا مايڪولون شي مو نعيمه.. التفت لنعيمه علمود تايده بحجيه
ونعيمه ڪضت بيهه فدد ڪضه
انه طڪت روحي خليت وڪمت نسوي غده .....
اجت عمتي وراي تتافاف
ـ ها عمه خيرج
ـ يا خير يجي من ورا هاي الفوصه نعيمه.
ـ شسوت نعيمه؟
ـ بله جابتهن واجت لو غفله طب عازم غير يسويلنه عرس
ـ جا شڪو بيها عمه؟
ـ اسڪتي اسڪتي انتي شتعرفين
ـ ما ڪلت باطل سڪتت
حدما ڪملنه الغده وانه عيني من الشباك مال المطبخ
صبينه وڪملنه عمتي ڪالتي روحي صيحلهم ....
ماعولت رحت ارڪض للغرفه وعبالي نعيمه وحسنه يمهم..
تفاجئت من فتحت الباب مالڪيت غير ثائر وسوسن
أنت تقرأ
بين اسواره
Romanceشنو ذنبي؟ وليش نضلمت؟ بس لان خلفتي بنات؟ لو مخلفه ولد هيج حياتي؟ وشبيهن البنات مو هنه وصيت رسول الله الله راح يعوضني ؏ صبري؟ والى متى اتحمل واڪول ميخالف علمود بناتي؟ قصه حقيقيه لامره تروي معاناتها بمجتمع ذڪوري متخلف تابعو قصه (بين اسواره) ...... ...
