بين اسواره

البارت الـ 41

...بين اسواره
...زينب الاسدي

أكوا رَب إليشيل إلحِمل وياي
ثِگل إحمولنه و لا ثِگل إلوجوه🤍.
.

وفاء..

مشيت بناتي للمدرسه وضليت فكرة تجيبني وفكرة توديني مدام كالو دليل يعني خلص صدك متزوج .. الله ينتقم من كل وحده ساق.. رخيصة تدخل لحياة واحد متزوج وتخربها .. اخخ يالبربوك كون تطيحين بيدي حالفه الا ازوعج العافيه..

ثائر يجي من الدوام ب٩ واليوم ضل ل١١ رجع ولابس مدني .. وكعد يطكطك بتلفونه ويتبسم

وفاء: ماگمت سبحت؟ وجاي مدني وين بدلتك؟

ثاااائررر جاي احاجيك

ثائر : ها وياج شنو شگلتي؟؟

وفاء: ماسبحت وجاي مدني وين بدلتك؟؟

ثائر: سبحت هناك بالدوام ، وبدلتي جبتها وياي..

وفاء: شعجب

ثائر : صارتلي شغلة ورحت بيها شنو تحققين شو؟

وفاء: اي احقق وتجاوبني

ثائر : اهوووو .. رايح يم امي انه..

خله وراح لبيت عازم وانه گلبي محترك واريد اعارك..
اذا طله صدك متزوج ف اكيد هاي شوومه الكح... الحقيره لجان يتراسل وياها من عسه لحد لفج ياجلبه..

مشه اليوم عادي وثاني يوم طلع هوا من الصبح وشنو الكشخه والنخفه ليشوفه يحوفه .. وين طالع؟ شي اكيد ماجاوبني وراح...

اجت يمي نوره صاحبتي تصير جيرانه وهيه اصغر مني بشكم سنة بس اخوها مايرضه يزوجهن وضاله ماتزوجه .. وتتمنى تتزوج بس اخوها مايرضه .. وخواتها وي بناتي بالمدرسه .. بس شنو هنه يتميزن بالجمال جميلات الى درجه .. خو اختها العين خضره وشاگة  الوجه اذا طلعت بالشارع بالف ياعلي ترجع سلامات محد يتحارش بيها..

نوره : شبيج وفيه البس واعدل وثويئر العاوي عوفي

وفاء: ولج يكلولي متزوج راح اموت راح اطك من القهر

نوره : واذا اول التزوجو خلي يطير

وفاء: اووف

نوره : طالعلج شارب من القهر ولج تعي احفلج

وفاء: انه بيا حال والدفان يغمزلي

نوره : اذا ماتردينه شمري عليه ههههههه

شدت الخيط وحفتلي وجهي وشوي نستني القهر والضوجه.. خليت مكياج ورتبت روحي .. دوم اخلي في سبيل مايباوع لغيري بس شسوي ..

اجه هوا ولاگته نوره سلمت عليه وضلو يتشاقون ، دوم يتشاقون همه .. كال الها : من زمان ماشايفينج

نوره: والله انه اجي انته ماتلفي للبيت كول شعدك

ثائر : هههههههههه بهاي الدنيا