بين اسواره

البارت الـ 11

بين اسواره

حيل أحب الوجه الأسمر يشبهُ إطباع الجَنوب 🤎

وفاء : طلعت من البستان وشفت جاسم وابن خالتي عقيل رحت اسلم عليهم

ـ هلا بالزارنه نورتو البصره عيوني

عقيل : وفاء شلونج شخبارج
وفاء :الحمدلله نسئل عنڪم الاهل شلونهم مريم شلونها (زوجه عقيل)

ذب حسره وڪال : الحمدلله اسلم عليج

ڪال هيج واجت هدى سلمت عليهم ودخلتهم جوا التفت لجاسم

عيني شدعوه ماترد السلام

ـ هو انه مارد السلام لو انتي غلستي وماسلمتي بل جذب

شفتي عقيل بعد انفدڪتي ويا بل سوالف

ـ غير ابن خالتي وصارلي هواي ماشايفه واسلم علي انته شعليك ... احمم احجي واحرك بحواجبي عود اضوجه هههههه

دخلت لبيت ودك سوالف وضحك ويه
عقيل ...

عقيل هذه ابن خالتي من يوم يومه يحب يشاقه ويضحك وانه ويا فرد مره ميانه من قبل وانه اشوفه يهتم بيه زياده وبعيونه نضرات. ودوم احسه يلمح لشي بس ماجنت افهم بهذه عمري

وما ابالي غير شي طبعا هو مزوج بت خالتي والي حيييل جنت متعلقه بيها بس هم ازوجت وراحت

..................

وفاء :صار العصر وامي اخدت هدى اسوي تحليل اتاني واتاني وافتر عبالك دجاجه بيها بيضه

اجتني هناء : اڪلج وفيه
ـ هااا
هناء : هدى راح اجيب فرخ؟

وفاء: ولج اجيب شني غير تحبل تسع اشهر
ـ هااا شبيج انه اسئل

ـ ايييي يالذڪيه لو ما داڪه دودتج اله تبطلين جا هسه ڪلشي تعرفين

ـ شهل جذب هو شقرينه غير دار ودور

ـ ام الوصخ الڪسولي هو انتي ثاني ابتدائي تردين من البدايه

ـ اي جا شني
ـ ولي ولي مالي خلكج .. خلت ومشت وطبن امي وهدى

وهدى عيونها مدمعه

هدى : تانيت امي علما اجت وخذتني للتحليل سويت وتانيت علما يصيحون باسمي ... وانه متوتره وشوي اهز برجلي لو اطك اصابعي هيج علما صاحو باسمي وڪالو حامل

يمه يمه طررت من الفرحه بوقتها ماعرفت شسوي بس شبڪت امي وبجيت اي بجيت وهل شعور ماعرف شيسمو بس لمن انتي شايله ابطنج ثمره حبڪم .....

رجعنه لبيت ولڪيت وفا۽ بل باب بشرتها وهاي الخبله ضلت تهلهل

يبووو بعد هلهولة وفيه فضييييحه وڪلها اجت على الصوت

ڪلها صارت تبارك خوب جاسم تخبل لو بيده يطير لڪربلاء يبشر اهله (لان هذه اول حفيد الهم)

عفت الهوسه ڪلها ورحت ارتاح اجتني. هناء وشوف شني عدها من سوال؟