بين اسواره

البارت الـ 10

** بين اسواره **

‏شماته وليل غربـه وچلمه الياحيف
يلتمن دمع ويطيحن بخدي

عريان السيد خلف

*********

حليمه : اليوم يجي خطيبي عشتو يشوفني لبست ثوب مرتب وهدى حطتلي ڪحل وحمره وشديت شعري وهو طويل وثخين انه وخواتي ڪلنه هيج شعرنه طويل وثخين واسود من يشوفنه خالاتي يكولن وين ضاماته
عود منكد ما حلو واحنه ما نفتحه تكول امي ينحسد.. هههه ناس ماعدها شغل وعمل تتحسد شعرنه .. امم ولو هيه صدك العيون ماترحم ..

صافنه على وجهي اباوع بالمرايه شكلي مقبول عيوني سود وصغار وخدودي ماخذات وجهي كله هههه اجتني وفاء تركض

وفاء : ولج حليمه اجه ريلج تعااااااي

التفتلها : ها يا صار ريلي؟ 

ـ ياا تحجين صدك ولج ريلج شبيج هذه الجنه ثور كاعد برا شكبره شكده ..

ـ ياااا ثول جا كولي خطيبج ريلج شني

وفاء : مشت وانه اهز بيدي وراها  باع هاي هسه شتحاجينهه .. من وجعة حبابتي دكسن جا الخطيب شنو نعال غير رجل

اجت هدى وخذته وبس هي دخلت عود احنه نستحي

حليمه : دخلت وانه مدنكه وڪلت سلام عليكم

وكعدت ونوب امي كرصتني لان ماسلمت يوو جا انه شمدريني نسيت

ـ همست لهدى ولج غير اذكريني اسلم
غلست عني وماردت يا جا ويامن احجي؟

ـ رفعت راسي وشفت (توفيق) هو حلو اشكر وعيونه زرك حلو حلو

بس شني طابك حواجبه و و و مدري جنه مره غصبوها على واحد شايب سنونه طايحه ههههه يعني ضايج وجنه جاي كوه علي وكلساع
يكل لامه

ـ يلا يمه يلا يمه
ـ خلنمشي
ـ تاخرنه

لمن هي هم ضاجت وبس شافت شنو مجهزين  وراحو

ـ دخلت وفيه ..ها راحوو

حجت هدى : عود هذه شكله واحد راح يعرس شماله مغندب

ـ جا من احجي انه محد يصدكني اكلجن جنه مجبور وكوا علي جاي

ـ الله يهدي باعي حبيبتي حليمه يجوز يستحي هسه شوي شوي يتعود

ـ جا بخطوبتج انتي وحاڪم مو هيج

ـ ياعيني انه وحاڪم نختلف احنه على حب وحاجين قبل فشيويه ماڪو خجل ومستحه

هسه انتي توفيق شوي شوي يتعود عليج ويصير يموت عليج

وفاء : عفت هدى مدري شتحجي وياها وانه طلعت لبستان

ــــٓــــــٓــــــٓــــــٓــــــٓــ

ام ثائر : ولڪم احجوو فتيتو ڪلبي