بين اسواره

البارت الـ 26

قرائه ممتعه 🙂♥

وفاء : ولدت ثاني بت الي وسميتها (حنين) جانت بيضه وشڪوه تخبل بس ضعيييفه حييل ومريضه

انه ونعيمه مانتحاجه  صار جم يوم
ليش بسبب تافه ڪلش بعد ولادتي مرت عازم ولد

وهاي المدلله عد نعيمه ڪالت اله ذبين الاسود وانه من ولد امي رادت اذب الاسود مني شسوت وشعملت

انه سڪتت وماحجيت بس عمتي الحجت وڪالت

:ـ باعي نعيمه مرت عازم اذب الاسود وفيه هم اذبه خوش

نعيمه :ـ لا شو بله ارد اشوف شلون اذبه

:ـ لا شوفيني  مڪسوره على ابوج
تتفرعنين علينه احطج هنا واسحڪج اطلع ضيم ڪلبي بيج

ضلت اصيح نعيمه وماراضيه جريت عمتي من ايدها
:ـ عمه عوفيها تولي انه لابسه برضاتي

:ـ اسڪتي انتي شو سڪتي

مرت عازم يصير عمها اخو ابوها وابو رجلها وهاي غريبه عنه بيا حك ملبسينها بله

سونها عناد وعمتي وڪفت على راسي لمن ذبيته

وشلون ما مشت ڪلمتها ڪالبه وجها وادور الزله

واليوم صبحت مغندبه

ڪلت لعمتي اريد اروح لاهلي وعمتي ڪالت العصر اوديج سمعت الحيه وتخبلت ودڪول اليوم لو روحي لو روحج ارد اشوف شلون تروحين

وفاء :ـ بصفتج منو ماتخليني اروح
ثائر يدري بيه وڪايل من تردين تروحين نطي خبر لامي وعمتي وافقت انتي بعد شڪو؟

نعيمه : ـ من يروح رجلج لجيش انه اصير رجلج

حجيت ڪلمه جبير وفشره هم تخبلت وڪمشتني من شعري

ماسڪتتلها بس تتضل اضخم مني جنها ثور

جابت عباتي وذبته علي

نعيمه :ـ روحي لاهلج وشبعي بيهم وڪابلي اختج المطلڪه

وفاء :ـ تروحين ستين فدوا لاهلي ولاختي المطلڪه تلحڪينهم انتي

سدت الباب بوجهي صحت :ـ نعيمه جيبي بناتيي نعيمهه

ضليت ادك وادك بل باب محد طلعلي اسمع عمتي بل غرفه واصيح ونعيمه قافله عليهها الباب خاف تطلع واجيبلي بناتي

اخذت الدرب من بيتنه لبيت اهلي ابجي ياهو يشوفني يسئلني شبيج ماڪو على. لساني غير

:ـ نعيمه ڪتلتني وطردتني واخذت بناتي

وصلت لبيتنا اول مادخلت نغمه علي وطحت

وبس ڪعدت رجعت ابجي واصيح اريد بناتي

امي :ـ امشي ڪومي نروح لخالهم سلمان

رحنه وسولفت ڪلشي لخالهم ڪال

:ـ والله  لاروح ونعل ساسها هل نعيمه

:ـ خالي فدوا جيبلي بناتي