بين اسواره

البارت الـ 36

...بين اسواره
...زينب الاسدي

وفاء :ـ دخيلك يا علي استرنه

شوي ودخلت واحد وراهم وكال : سيدي تاكدنه شايفينه داخل هنا

طلعو ويفتشون واجن بناتي رڪضن ولبدن وراي خايفات

شوي ودخل واحد منهم واجت عينه على المكان الي لابد بي

بسلاحه ودغ الطحين واجت طڪه بي وهو بسع طفر جتفه وصاح للويا ڪبل اخذو وطلعو

ثواني مصدومه حتى استوعبت الي صار

خليت بناتي وراي ودرت لبيت عازم

وفاء :ـ عااازم الحڪك زوج زهره اجه ڪال لبديني  ولبدته واجو جيش وخذوو

فز مخروعه وصاح :ـ وانتييي يهوو ڪلجج تلبدينهه؟؟ ..

وفاء :ـ وانه شمزريني توسل بيه ڪال يڪتلوني

ماعبالي متورط ويه الحڪومه

عازم :ـ ليش بشنو متورط هو؟

وفاء  :ـ واحد منهم ڪال يبيع اسلحه مدري شنو

عازم :ـ اجتنه المصايب .. ولڪممم مانرتااااح ااالله اڪبررر

شوي وطبت زهره تبجي وبناتها وراها يبجن :ـ ووولڪمم الحڪووولي خذوو رجليي

كعدت على الڪاع وتطلعم :ـ ولجج يمهه ووين اوليي وينن انطي وجهيي؟؟

عازم :ـ ويطبببه مررض ڪوون ڪنالهه روح بيععع صخخاام بوجهااا

زهره .. حجت وهي تلطم على وجها :ـ شيسويي شيسوي شلون نعيشش

خاف يحڪمونه اعدام لو موبد وين انطيي وجهيي بناتييي ياهو الهننن

وفاء :ـ رحتلها وڪومتها من الڪاع

ڪولي يا الله بناتج خافن واخترعن ان شاء الله يطلع مايضل

اخذتها لبيتنه حتى تهدى مايشوفها عازم ڪل شوي يعيد بل سالفه وهي ازود ماتنقص

اجه ثائر من الدوام وسولفناله ضل يغلط ويسب على زهره وزوجها وڪال لا ندخله ومعلينه يطبه مرض

وعازم سڪت بعد ماحجه بل موضوع وزهره ضلت بل ختلات تبجي تحبه تموت علي

وبس يشوفونه تبجي علي يزمخون بيها ويڪلوله هو هذا اختيارج يطبج مرض

مر اسبوع وڪالو مطلعينه بڪفاله وزهره خلت عبايتها على راسها وخذت بناتها وطارت عازم ڪال :ـ ڪلعه بلا رجعه

ومشت حياتنه الحمد الله هاديه وطبيعيه وماڪو مشاڪل

ومرت سنتين

وجاي نجهز لزواج سالم ابن عازم الجبير
وبعدد مشاااڪل لان حب بت عمته (الي ابوها هارب ومطلوب)

عازم شدد ويا وڪله والرب الواحد ماتاخذها ابوها هيج وعمامها هيج

امانه بس البنيه جانت حبابه وفقيره وخوش بنيه بس بعد شنسوي لعازم وسوالفه