بين اسواره

البارت الـ 35

.... بين اسواره
....زينب الاسدي

وفاء :ـ مرت علينه الايام بل ضيم لوما اهلي متنه من الجوع

بطانيه ندفه بيها بل برد ما كال هاج ماعندي غير ربي اشڪيله حالي

مشت الاياااام وهاي صارت لروحه ثائر ست اشهر ونتضرين رجعته النه

جنت ڪاعده وڪبالي الجوله وجاي اسوي غده وسمعت صار صوت وسلام وهلاهل  ابيت عازم صاحت وحده من البنات :ـ  يما ابوي اجه

:ـ يمه خل نروح نشوف ابوي

:ـ اكعدن يمه ماالنه دخله عليهم مو طردوجن ذاك اليوم شلون تروحن هسه ...

:ـ جا يمه ابوي خاف مايجي هسه

:ـ هسه يجي بس ڪعدن

وصدك كعدن فتره وطلع ثائر من غرفت عمتي واجه صوبنه

:ـ اجه ابوجن يلا ڪومن

ضلن يكمزن اول مافتح الباب راحله يركضن وبوسهن وحده وحده حتى زينب راحتله تزحف شالها وباسها وهو يكول :ـ ايا ملعونه عفتج بل ڪماط جيت الڪاج  ازحفين

رحتله وسلمت علي وبعد سلام وڪلام ڪلنه ملتمين ويم الصوبه ندفه وهو يسولفلنه على الايام الكضاهن هناك

مبتسمه وانه اشوف البنات شلون ملتمات على ابوهن وحده منا ووحده منا ڪل ثنين يتعاركن سوا
وهو مڪيف بيهن

حنين :ـ يبا تدري امس عمي يڪول انعل ابوجن لا طبن لبيتنه

امنيه :ـ اي اي يبا وعمتي طڪتني

نورس :ـ يبا كلما اطلع حماده يطڪني

وفاء .. اريد اسكتهن ماڪو نهدن :ـ ڪافي بنات خلن ابوجن يرتاح

ثائر :ـ وفاء عيفيهن يحجي ....
اي بويه ڪملن ...

ضلن هنه ڪل وحده تحجي شسوو بيهن ڪلما يطلعن هذا يطڪهن وهذا يصيح عليهن ...

ويرجعن يبجن ومن اريد اسڪتهن ڪتلهن من يرجع ابوجن ڪلله عليهن اثاري هنه ماناسيات...

ثائر :ـ اووف يا عازم يعني ماصبر شڪم شهر علما ارجع وبهذلڪم هل بهذله ليشش؟

وفاء :ـ الي صار صار بعد نروح نحجي من تالي

ثائر :ـ شلون كضيتنها وهل غرفه تخر من كل مكان؟

وفاء ...حجيت وانه ااشرله :ـ شايف هذا المكان بس هو يضل ناشف ونلتم بي بل مطر

ثائر :ـ مصرف اڪل شلون؟

وفاء :ـ انعم الله على اهلي ماقصرو وعمتي اليطلع بيدها جانت تنطيني

هز راسه وڪال :ـ يصير خيـر .....

انه ادري بي ليش هيج سوا اكيد سمعني وانه اڪول اريد حصتي من البيت

ڪال خل اطلعه ڪبل لا ياخذ وياي نص بنص