*بين اسواره*
وفاء : بعد مرور فتره نسيت جاسم او احاول انسه لان سمعت خطب فڪلت على شنو اهتم هو ڪتل روحه على سندس وراها بشڪم يوم خطب انه شڪو اضل انحب وابجي بشنو راح يفيدني البجي وعيوني تروح ايعع علمود واحد مايستاهل
بيوم من الايام امي بل سوك اخواني شغل وابوي هم بس انه وخواتي واخواني الصغار جنت منضفه البيت ومسويه غده
وڪاعده اطرز ... ححيل احب التطريز والحياكه وامي دائما اجيبلي خيوط وانه اطرز على هدومنه واحوك شويه بعدني مامتعلمه علي عدل.
ندك الباب وڪلها رايحه تلعب محد يفتحه اله انه فتحت الباب وشفتها ڪدامي....
مره ضخمه لابسه ستره ام ڪتافيات وكعب عالي هيونها كبار وجارتهن بڪحل صراحه شڪلها خوفني بيومها وشولون تباوعلي من فوك لجوا؟ حجت
نعيمه : بيت ابو مسلم؟
وفاء : اي تفضلي... ڪلشي ماڪالن راحت وڪعدت .. رحت اجيبلها ماي قدمته الها وڪعدت
حسيتها مو راحه تباوع لڪل مڪان بل بيت وتباوعلي من فوك لجوا شبيها هاي؟
نعيمه : انتي جبيرتهم مو؟
وفاء : اي انه جبيرت خواتي
نعيمه : شڪد عمرج
وفاء : هستوني داخله 16
حجت وهي تلتفت على القماش الجنت اطرز بي
نعيمه : هاي انتي مطرزته
وفاء : اي انه
نعيمه : خوش والله معدله .... شوفي انه من اقاربكم انتي ماتعرفيني بس اهلج يعرفوني ڪولي لابوج و نعيمه بت اڪريمه اجتنه وها انه جايه اخطب ترا وشفت امج بل سوك وڪتلها
وفاء : احمم هلا بيج ااي ان شاء الله اكلهه .. ڪامت وتريد تروح رحت وراها من طلعت اشوفها تمشي وتتلفت
يمههه هي طلعت وتنفست براحه والله ماارتاحيتلها دخيلك ياربي شڪلها مو راحه عزاااا جايه تخطبب يمهه بسلا انه؟؟ لالالا بعدني صغيرره ولا اقبل يبووو
ــــٓــــــٓــــــٓــــــٓــــــٓــــــٓــــــٓــ
نعيمه : يماا يماا وينج ...
:: خايبه سليمه اطڪج ڪون شبيج مڪروصه
نعيمه : تعاي تعاي اكلج وين رحت اليوم
ــ احجي بله
ــ من طلعت رحت لبيت بيت خالتج هي مالڪيتها بس لڪيت بتها
شلون بت يمه معدله البيت يلمع من النضافه ولڪيته اطرز وهي هم حلوه شعرها طويل شوي ضعيفه عود تسمن
ـ عود صدك والله عدها هيج بت
ـ اي البنات الڪبار مزوجات وهي جبيرتهم
أنت تقرأ
بين اسواره
Romantizmشنو ذنبي؟ وليش نضلمت؟ بس لان خلفتي بنات؟ لو مخلفه ولد هيج حياتي؟ وشبيهن البنات مو هنه وصيت رسول الله الله راح يعوضني ؏ صبري؟ والى متى اتحمل واڪول ميخالف علمود بناتي؟ قصه حقيقيه لامره تروي معاناتها بمجتمع ذڪوري متخلف تابعو قصه (بين اسواره) ...... ...
