*بين اسواره*
.
.
.
وفاء : مرت 9 اشهر يلا صار عندي حمل ... ڪلها فرحت وخاصتا ثائر يمشي ويوصي بيه
خلال هل فتره صارت هواي اشياء ومنها مشاڪل ويه نعيمه الي ماتخاص ثائر وطباڪاته يوم زين ويوم شين واڪول الله يهدي ...
نعيمه بعد ما صرت حامل فڪت من سالفه سوسن وخلصت الحمد الله وحتى ڪطعت جياتها لان باخر فتره يوميه عدنه
نساوتي متعبه ڪلش الاڪل مااتحمل اشم ريحته وخبز مااڪدر اوڪف على التنور على جم مره اوڪف اخبز ويغمه علي
امانة الله مرت عازم من شافت هيج نص الشغل شالته عني
بس غير لو تسڪت الحيه العدنه اصيح وتستريح جذابه وجذابه
شنو بعقلها!؟
اجذب شنو استفاد عود اڪعد وارتاح ليش هو الشغل يموت؟
بس هي دوده اله تحجي ....
****************
حليمه : بيوم عادي ضهر وهسه راجعه من الڪاع جنه نحش باميه ....
ايدي مشڪڪه من الباميه ريجي ناشف عيوني تغوش من الشمس
طبيت للبيت وعمتي تلعلع مدري شعدها اليوم
مااهتميلتها وغلست عنها رحت لغرفتي وبتي مفرفه بجي لمن نايمه وهي تناشغ
ڪعدتها واوڪل بيها
سمعت صوت عرفت اجه ڪلت بڪلبي لا هله ولا مرحبا
عمتي اليوم طاڪه عدها هسه توزه
.... والعندي شلون عربانه
دقايق مرت
سمعت صاح علي ڪلت لا هاي هي
طلعت وهذا يعربد على راسي
توفيق : هييي بت الخرا شمصخمه اليوم
حليمه : شسويت؟!
ام توفيق : اي اي تمسڪني وجذبي... مو شفتج بهاي عيني امس مغريه ومادري شدفنين بل باب
أنت تقرأ
بين اسواره
Romanceشنو ذنبي؟ وليش نضلمت؟ بس لان خلفتي بنات؟ لو مخلفه ولد هيج حياتي؟ وشبيهن البنات مو هنه وصيت رسول الله الله راح يعوضني ؏ صبري؟ والى متى اتحمل واڪول ميخالف علمود بناتي؟ قصه حقيقيه لامره تروي معاناتها بمجتمع ذڪوري متخلف تابعو قصه (بين اسواره) ...... ...
