بين اسواره

البارت الـ3

🖤 بين اسواره 🖤

★مشاهده ممتعه ★
.
.
سوسن : حاطه ايدي على خدي وصافنه وافڪر بلي حجا الي ثائر

(ڪال يحبني وبس يخلص هل سنه يجي يخطبني)

بس منو يوافق وكل عمامي يڪرهون عيال اختي وهمه محد يحب الثاني حته اخو لو سمع راح يكلب الدنيا علي هو اختي لوما فصليه ماخذوها

يالله منا لذاك وكت الله كريم هلبت اختي تحاجي امي

ــــٓــــــٓــــــٓــــــٓــــــٓــ

وفاء : اليوم هدى كاعده من الصبح ونصفت البيت والضحكه شاكه الحلك
وطبعا عمتي انطت خبر لابوي يجونه على الغده ورحب بيهم
محد حجه بس امي كالت

ام وفاء : خير ربي من يمته جبريه  تحبني وتجيلي

ابو وفاء بصياح
: شلون نوب اختي ماتجيلي من وراج
ومن ورا سوالفج
ام وفاء وهي ماعاجبهه الحجي

: تحجي حجايه تبتلي يا جلمه ردي لمجامج

وفاء : طبعا لا امي ولا عمتي ماوحده تحب الثانيه لان حموات بعد ومنطينهن مره بمره امي دكول جانت شالعه كلبي

وهي عمتي تحقد وماتحب امي الله يعلم شلون تعيش هديوه وياها

ــــٓــــــٓــ
هدى : اجه خالي وعمتي وحاكم
تغدينه وخلصنه صبيت جاي شربو

يمه هاذ كله وعمتي بس تخزر بيه
من شفت خالي بدت يحجي ويه ابوي كلت خل اكوم لان عدنه عيب البنيه يحجون بخطوبتهه وهي كاعده

وطبعا وفيه وراي وين ماروح
بس كلتله توجع تسمع الحجي
.....

وفاء : كاعده واباوع على حاتم الفرحه مبينه بعيونه هو وهديوه عود هو الحب هيج يسوي

- بلش خالي  يحجي يحجي ويه ابوي وعمتي وامي وحده دايره وجهه عن الثانيه هههههه

حاكم ندس ابو : يلا بويه احجي
: ها بويه نسيت

اي ابو مسلم انته مثل اخوي وماتردني مو

: اذا شغله  مكدورلهه بس اشر
: مكدورلهه ان شا۽ االله.. ياخويه جاين نطلب ايد بنت لابني حاكم

: هاذ اهو كبع واخذ وين نلكه احسن من حاكم

ــــٓــــــٓــــــٓــ
هدى : اجتي وفيه وحليمه وياها وفيه تهلهل كيف وحليمه اصف وادبج

اريد اسڪتهن ماكو نهركن

وفاء : وخدهه طماطه ولا كول محمره
حليمه : فصوص روبه يا كفاها وين دورها ولكاها

ـ ضلن هيج كل شوي يصفكن ويهلهن لمن صحت عليهن

ـ اشش ولجن هسه اذا سمعوجن شيكولون ماعولو يخلصون من بتهم وهيج مرتاحات مني

وفاء : يااا فوكاها ما نفرحلج
حليمه : خيه مو صوجج صوجنه

هدى : يلا كافي سدن حلوكجن عيب خل يرحون بيت خالي