بين اسواره

البارت الـ 34

...بين اسواره

...زينب الاسدي

بعد ماسمعو بنيه مدري منو حجه بعقل ثائر وكله انطي بتك وهو بسرعه ندفع وڪال انطيها لامج تاخدها تربيها علبو بناتج صغار وهم يالله ديرين بالج عليهن

بعد اسبوع  من ولادتي والي عساس امي تاخذها وتروح

امي جانت لابسه عبايتها وڪاعده ومتانيه

وانه اكمطها واڪلها يمه مو عطل خل اعطله ارجع احللها واكمطها

وڪل شوي اڪلها يمه جوعانه خل ارضعها واجر بخشمها حتى تڪعد

واريد اشبع منها شوف ڪل هذا ودموعين اصب وانه اتاملها سمرره حيل وشعر اسووود وعيونها لونهن غامق
جانت تشبه عمتي

امي :  ولج يمه وفيه البنيه شبعانه ونايمه نطينياها

وفاء :ـ ايي يمه بس شوي

امي وڪوا ڪاضه دموعها
:- والله شلعتي ڪلبي

شلتها وخليتها بحضن امي الي ڪامت وتريد تطلع

فتحت عيونها واجت علي ماتحملت صحت : :ـ يمممه اررريد بتييي

امي طڪتها بجيه وياي وذبتها علي وراحت وهي تبجي

وانه خليتها بحضني وابوس بيها وابجي واناشغ

والله لو يموتوني ماانطيها ...

وفاء : والله ماانطيها ثائر ؟!

ثائر : محسستني اول طفل الج ..

وفاء: ماحاااس بيه انتهه شلتها ابطنه تسع شهور وشفت الموت بولادتهاا ونووب انطيهاا

ثائر: وفاء لا صعبين الموضوع.. كل عمره ايام  شمسرع لحكتي تتعلقين بيه؟ وعندج غيرها خمسه ..

كعد يمي وخلد ايده على ايدي : هيه ما راح تروح بعيده عنج هيه الامج باي وكت تكدرين شوفينه .. وتقلل عنه مصرف ومسؤليه.. بناتنه يا دوب نكدر نطلعلهن مصرف ومسؤليه اكل لبس وهسه اجت هاي ساتسه زيد مسؤليتهن

كمت وصحت بي : محد جابرك تخلف وانته ما تكدر تتحمل مسئوليتهن

ثائر: وانه عبالي راح جيبين ولد ما عبالي راح جيبين ابنيه سادسه

صحت بصوت عالي: شيفررق شيفررق بين البنيه والولد يعني اذا ولد راح تكدر تتحمل مسئوليته وتكدر تصرف عليه والبنيه ما تكدر؟؟ على جثتي بنتي ما انطيها .. حتى لو ما تريده وما تتحمل مسئوليتها هيه تضل بنتي وانه اربيه

كام وصاح : وطبج مرررض لا تنطينهاا تحملي مسئوليته مثل ما تردين ربيه وكبريها وشبعي منها ..  خله وطلع برا

كعدت ابجي ومنهاره .. شلوون شلوون انطي بنتي قطعه من روحي لو عشره مو سته ما اكدر اضحي وحده منهن