بين اسواره

بارت الـ 9

بين اسواره **

قرائه ممتعه ♥

انـه ردت انســـاك بس شوگك چبيـر
ردت اكـــلك روح والفظهـــــــا تعــال
وانه جنحك لو رحت بعد بيمن تطير
...........

ڪاعد على راك النهر ويغني وي الاغنية وعيونه على النهر وبيهن هوواي حجي وعتاب وحزن .. جر حسرة وكال

: يا نبعة الريحان
حني على الولهان حني.. علي الولهان
جسمي نحل والروح ذابت
وعظمي بادت..

اجيت ڪعدت يمه وڪملت وانه اكول بنفس الحسرة : ماعندي كل ذنوب اله...هوئ المحبوب
لا هو ذنب واتوب ....
واصبر الرحمن ....

باوعلي وابتسم بحزن وكال  : مو ذنبنه نحب واهلنه يدورون ثارات..

سوسن بشفايف ترجف : مو ذنبنه.. بس احس نهايتنه مبينه..

ثائر : اشش لا دكولين هيج فدوا

سوسن ـ نغشمر رواحنه

ثائر : هسه مو امي اجتكم وخطبت بعد شني

ـ عمامي ولا راضين امبين عليهم وابن عمي تخبل يڪول صايره دايره هاي

منطينهم وحده  فصليه ويجون يخطبون الثانيه ..... وڪالو انهيه وڪليلهم ما ننطيڪم حتى لا يوميه يجون

ـ شني هو بكيفهم.. والعباس انعل ابهاتهم

ـ اي بكيفهم ..يجبروني شبيك انته خاف انت ماتدري انه كلش اعرفهم احقر خلق الله همه

ضل يغلط ويسب
التفتت امسح دموعي ويلعت ريكي وكلت بخوف ورجيف
ـ ثائر هذاك ابن عمي ..!!

..........

وفاء : عصريه وڪاعدين حاطين ڪعك وجاي وناڪل وطبت امي وحليمه جانن بل سوك

اجت حليمه وذب روحها

ـ يماا انعل ابو العرس لابو خيره شنهاي متت من فرت السوك بعد مااروح

وفاء : باع هاي اڪو احلى من الطلغه لسوك

حليمه : هاي عندج انتي ضعيفه وتمشين بكعب ڪد راسج ومااتعبين جا مثلي شسمني مااكدر امشي اتعب

وفاء : هي كالت هيج ومتت عليها ضحك
  ـ اييي ولج صدك حليمه اذكرت من نروح لبستان جدي ويركض ورانه يكتلنه هههههه ودوم انتي تنكتلين

ـ اي جا انتي خبيثه ما دكولين اختي خطيه تنكتل خل اركضها

ـ ولج هو انتي جنج دوبه مابيج حيل تركضين

هناء : ومن نطفر الكنطره وهي اطيح بيها
ـ هناء كالت هيج ونمطلت من الضحك ضلينه نذكر سوالف قبل شلون نركض وهي مابيه حيل واطيح الدكه براسها لو مره بل مدرسه نركض وطاحت بل طين هههههه

اجت هدى وكالت : اش ولجن شهل ضحك وانتي حليمه كومي خل اعلمج الخبز راج تعرسين وكلشي ماكو بعدج