بين اسواره

البارت الـ 27

بين اسواره

قرائه ممتعه

......

عِيّونه مَثل البَصرة حَتى بالشِتى تَچُوي.

وفاء :ـ بعد طلعت نعيمه اڪدر اڪول ارتاحيت تقريبآ .....

مو بس انه ڪلنه ارتاحينه انه ونسوان عازم نڪوم ونڪعد سوا. ومابيناتنه لا حجي ولا طلايب لو نعيمه هنا هي تفتن وتوز .....

سمعت بهدى وڪلبي تڪطع عليها بس الخبر الحلو بيت خالي شالو من ڪربلاء واجو للبصره انه الفرحه ماسايعتني

واريد اشبع منها واعوض السنين الراحت

هدى : بعت ڪل ذهبي في سبيل نڪدر نشتري بيت بل بصره

الفرڪه صعبه وڪلت بلڪت من اشوف اهلي حالتي تتحسن

مااشوف روحي زينه بعد ماسويت العمليه وجع ابطني مااتمنى لعدوي

والي اخلي بحلڪي اتقيئه ڪبل

بعد مادبرت وشلنه ڪعدنه اسبوع واستقرينه ضليت يوميه اروح لاهلي اريد اشبع منهم شوف

حاڪم ڪال هنا هم اخذج ونسوي تحاليل وشوف شنو سبب الوجع وليش هيج حالتي

بس انه اجلتها لان ث
احس روحي صرت زينه او تناسيت وجعي ومرضي بشوفت اهلي .....

وفاء :ـ عيني على نورس الي ڪاعده اشخبط وحنين اشكك بدفارتها

صاحت عليها نورس :ـ يمهه صيحي عليهاا ماتخليني ارسم

ڪامت حنين وملشت نورس من شعرها

ڪوا فڪيت ايدها من شعرها ..

وهي تضحك مڪيفه

هلفرخه برعه ولا تڪعد راحه تملش الرايح والجاي

طبت عمتي وراحتلها نورس ترڪض وشالتها :ـ شمالهن يصارخن بناتج

::ـ عمه هاي حنين برعه ڪتلت نورس

نورس :ـ اي اي بيبي شوفي شلعت شعري

:ـ تروحلج فدوا هل خايسه ام البول خل تڪبر ونڪتلها

نورس مدت لسانها تعيب ؏ حنين :ـ امداج الخايسه ام البول

:ـ جوو  عمه هاي ما ينغلط ڪدامها تتعلم وتغلط ع ولد عازم ويڪتلونها

:ـ شحده اليطڪها  العزيزه هاي

:ـ يوو عمه شتدرين انتي والله يڪضونها ويڪتلونها من انتي طالعه

::ـ جا ڪون احظه بيهم اله ارجعهم لبطن امهم