بين اسواره

البارت الـ 6

بين اسواره ....

مِن تَلبس عَباية گمر لابِس لَيل مَدري مِنين بَس يِمكَن جَنوبية.

......
وفاء : ورا جيتنه بيومين اجت اختي فاطمه الجبير ومفرفحه تفرفح وضلت تبجي لمن عمهه جابهه لان ڪايليله ضالين بل ديوانيه وطايحه عليهم وميتين ضلت شوي ورجعت

مااذكر جم يوم بقينه واحنه بل اهوار بس الاذكره عشناهن بضيم لا فلوس عدنه لا اكل ضالين نترحم لبيت جدي لو انطونه خبز

هي فتره ڪصيره وبس سمع ابوي الوضع هده وعساس طلعو من منطقتنه كال نرجع مانضل واحنه ماعولنه لان تبهذلنه

’’وطلعنه اخر العالم ورجعنه اولهم ‘‘

ــــٓــــــٓــــــٓــــــٓــــــٓــ

هدى : صارلي اشهر مفاركه اهلي وكلبي ضال يمهم احنه مايمنه شي الحمدلله بس سمعت منطقه اهلي مشيلينهم وكلبي نار عليهم

وصعي ويه حاڪم ڪلش زين يحبني ومدللني ويموت علي

بس عمتي اسمعني حجي مرات وماارد عليه اكول الله يهديه مره جبيره تحجي تحجي وتسكت شسويلها

........

وفاء : رجعنه لبيتنه وراها بايام ابوي وده على عمامي وكلهم امان وكلها رجعت وتعايشنه ويه الوضع بس تازم الوضع

اجت الامتحانات وامتحنت وطحت بل انكليزي بجيت لطمت دكيت. توسلت بل معلمين محد ساعدني كض ابوي وبطلني

بحجه ماعدنه بنات يدخلن متوسطه!!!

ورها بفتره اجه
(الحصار)

كلش تاذينه بي ولان احنه حالتنه ضعيفه شبعنه ضيم فوك ضيمنه

كلها صارت تشتري طاحونات واجيب ذره واطحنه نسوي رصاع (حنونات صغار) على الحطب
لان وين اكو نفط

ومن نشرب جاي ناكل تمره ونشرب الجاي لان شكر ماكو

ــــٓــــــٓــــــٓــ
ثائر : كلشي رجع لطبيعته ورجعت المدارس كلي  محمد ارجع ومارجعت قررت ابطل وجان اسوا شي سويته

بس شنو مافڪوني لا احمد ولا ابوي كربوني كراب بل حلال والزرع طلعو الدلال من عيوني.

هههه هاي عود جنت مدلل كلما اريد اروح لخوالي وبحجت كتب ودفاتر اطلب من احمد فلوس وينطيني جم دينار واركض اشتري جكاير

من اجه الحصار ما اضررنه بي لان احنه جنه عدنه خير من الله مزارع وعلى طول السنه نبيع منها وحلال

ونشتغل بل سمج بل بحر نصيد وامي تبيعه

وعازم اخ ياعازم الي كل اسبوع ويذبحله طلي ويعزم صحبانه الرفاق جان علاقته قويه بيهم ودوم يجونه

واستمر هيج ڪل اسبوع يجي ياخذ فلوس ويرجع لمدينه

اله اجه اليوم الي قررت اكل لامي احب سوسن واريد اخطبها وهنا تغير كلشي !!!!