بين اسواره

البارت الـ 14

*بين اسواره*

‏ياطير المحنه هم سمعت بطير
ما هــزه الحنين لــديرته وعشه
لـ عَريان

،،،،،،،،،..........،،،،،،،،،،

وفاء : عدلت الرطبه على راسي
التفت لامي وڪتله

ـ ها يمه خلصتو

ـ خلصنه صار ساعه متعطلين علمود ست وفاء

ـ يلاا يلاا خلصت امشو راح نتاخر
شالو اخواني الجنط وطلعنه متوجهين للمحطه نروح بالقطار لڪربلاء

اخر مره رحنه بولادة هدى الاوله جابت بنيه وحاليا حامل بطفل ثاني

طلعنه بل ليل وصلنه الصبح هناك تلڪونه خوالي يرحبون بينه

امي ماقبلت تروح لبيت خالي ابو حاڪم ڪالت نروح لبيت خالتڪم نرتاح نوب نروح وصلنه وڪعدنه تغدينه وانه بل سفر ابد ماانام ماعرف انان لا بل سياره ولا بل قطار فا بسزعه حطيت راسي ونمت للمغرب يلا ڪعدت صوت مريم مرت عقيل تڪعد بيه

مريم : وفيه شني ميته عايشه

ڪلت نعاس : والله عايشه بس عوفيني اناام

مريم : ياا فلك ماشبعتي نوم من 12 لسه نايمه
ـ ما رديت عليها ورجعت نمت

مريم : ترا اهلج راحو لبيت خالي وعافوج

فزيت مخروعه : جذذذب عافوني  وراحووو

ـ ايولله ڪعدتج امج ماڪعدتي ڪالت خليها تعبانه ومن تڪعد واحد من الولد يوصلها

ـ هيج نايمه وماحسيت
ـ ايولله شڪد ندهوج وانتي ماڪو اشخرين وبسابع نومه

ـ لا جذبين اصلا مااشخر ..احجي وانه طنڪورة النعاس بيه ومنا اهلي عايفيني ورايحين

ـ يلا هسه ڪومي غسل صلي ونوب تروحين ها

وفاء : طلعت وعافتني اهووو شلون سالفه هاي هناء بله ماعرفت تڪعدني
اذا ماشلع ذاناتها

خلصت تبديل وتغسيل وصلاه ورحت لعقيل جان ڪاعد يلاعب ابنه

وفاء : ڪوم عقيل وديني لبيت خالي

عقيل : وعليڪم السلام

ـ هسه اله تفشلني ماسلمت غلس انته

ـ ههههه وثول غير سلمين صخمين اول

ـ مايحتاج شو ذاك اليوم عدنه انته

ـ ولج يا ذاك اليوم ترا صارلي اربع اشهر ما جاي

ـ ڪعدت يمه ..هسه شنو ماتوديني

ـ خل نتعشه شنو مطلعينج بل مغرب
الله بالخير ايدي بعشاڪم

ـ ماا اله هسه توديني اريد اشوف اختي

ـ ام لسان ترا راح ضلين ڪله عد اختج خل نشوفج نشبع منج