بين اسواره

البارت الـ 20

*بيت اسواره*

وفاء :- مصباح عرسي وڪاعده من الصبح ولابسه احلى ثوب عندي وفاتحه شعري ... وزهره تخليلي مڪياج عود هي تعرف

زهره : وفاء فتحي عينج بله اهااا وخلصت

وفاء : اباوع لروحي بل مرايه الڪحله موصلتها لحاجبي ... زهره تحجين صدك عود انتي تعرفين

زهره : اي شبيج هو هيج

وفاء... زهره بسرعه بعت وياها ميانه لان من عمري تقريبا ومبين خوش بنيه حبابه

اجن نسوان يتبارڪن وعلى هل رنه مرت تلث ايام وڪالت امي لازم تروح

وفاء : لا يمه فدوه لا تروحين بعدني استحي منهم اضلي بعد

: لا يمه ماڪدر بعد هم ڪافي صارلي وياج تلث ايام واخوانج مناك بحدهم ياهو الهم

وفاء : بس يمه

ـ اش يمه عيب مو صغيره انتي وهاي عمتج خوش مريه ووصيتها عليج

وفاء : راحت امي وانه ابجي اجت عمتي يمي وڪالت : يمه عليش تبجين جا هاي الدنيا ڪلنه نعرس ونعوف اهلنه وانه اعتبريني مثل امج وانتي بنيتي

وفاء : شبڪتني عمتي وحضنتها... لليل عمتي ڪالت تعاي تعشي يمنه

وفاء : ها لا عمه بعدني استحي تعاي انتي يمنه وباجر انه اطلع والله

ـ هذه اهو عمه هسه اجيب العشه واجي