(Unicode)
ည ၈နာရီလောက်အထိ ဝေနှောင်းမှာ ကိုခမ်း ဘယ်အချိန်ပြန်မလဲဟု ကြည့်နေမိပေမဲ့ ကိုခမ်းဟာ အမေနှင့်စကားကောင်းနေလေ၏။ သူ့မှာ နာရီတကြည့်ကြည့်နှင့် သွားမေးလိုက်လျှင်လည်း သူ့ကို မောင်းထုတ်နေသည် ထင်ဦးမည်။ သို့ရာတွင် အမေက စကားပြောနေရာမှ ထ၍ အိမ်တွင်းသို့ ဝင်သွားသောကြောင့် သူလည်း ကိုခမ်း ပြန်တော့မည်ထင်ပြီး မတ်တတ်ထရပ်လိုက်သည်။
" ကိုခမ်း ဘာနဲ့..."
" သားတို့ရေ အိပ်ကြရအောင် လာ"
" ခဏ အမေ! ကျွန်တော် ကိုခမ်း ပြန်ဖို့ စီစဉ်ပေးလိုက်ဦးမယ်"
သူက ထိုသို့ လှမ်းအော်လိုက်ပေမဲ့ ကိုခမ်းဟာ အိမ်ထဲသို့ ငေါက်ခနဲ ဝင်သွားလေသည်။
" ဟင်...ကိုခမ်း နောက်ကျတော့မယ်ထင်တယ်"
ကိုခမ်းက သူ့ကို ဘာလဲဟု မျက်စပစ်ပြသည်။ အမေက ထူးထူးဆန်းဆန်း ခြင်ထောင်ထောင်ပေးနေ၍ ကျွန်တော် အံ့အားသင့်စွာ
" ဘာလို့ ထောင်ပေးနေတာလဲ အမေရာ သားဘာသာ..."
သူ့စကားတစ်ဝက်ပင်ရှိသေး၊ ကိုခမ်းက ခြင်ထောင်ထဲသို့ တန်းဝင်သွား၍ သူ့မှာ ပါးစပ်အဟောင်းသား ကျန်ခဲ့သည်။ ခြင်ထောင်ထဲသို့ လှမ်းကြည့်လိုက်တော့ ခေါင်းအုံးနှစ်လုံး ရှိနေသည်။
" အိပ်ကြတော့လေ၊ မင်းသားက ဒီည ဒီမှာအိပ်မှာ၊ သား ကောင်းကောင်းအိပ်ရမယ်နော်၊ မင်းသားကို ကန်တာ ခွတာ မလုပ်ရဘူး"
" ဗျာ...ကျွန်တော်က ကိုခမ်းနဲ့"
" စကားမရှည်နဲ့၊ အိပ်ကြတော့"
ဘာတွေဖြစ်သွားမှန်း သူ မသိ။ အမေကလည်း သူ့အိပ်ခန်းထဲသို့ သူ ဝင်သွားလေပြီ။ သူလည်း ဟိုလိုလို သည်လိုလိုနှင့် ကိုခမ်းရှိရာ ခြင်ထောင်ထဲသို့ ဝင်သွားလိုက်သည်။ ကိုခမ်းက ပက်လက်လှန်လျက် ခြေနှစ်ဖက်ကို ချိတ်ထားပြီး လက်နှစ်ဖက်ကို ခေါင်းအုံးပေါ်၌ နောက်ပြန်ထပ်အုံး၍ သူ့ကို ကြည့်နေသည်။ သူလည်း ကြောက်ကြောက်ရွံ့ရွံ့နှင့် တစ်စောင်းလေးကျောခိုင်းအိပ်လိုက်သည်။ သို့ပေမဲ့ ကိုခမ်း သူ့နောက်ကျောကို ကြည့်နေမလားဟု တွေးမိပြီး စိတ်က မလုံခြုံ။ သူ့ဘက် လှည့်အိပ်လိုက်ဖို့ကလည်း သူနှင့် မျက်နှာချင်းဆိုင်နေရလျှင် ပိုအနေခက်မည်။ ထို့ကြောင့် သည်ပုံစံအတိုင်း ခြေထောက်ချင်းပွတ်လျက် စိတ်လှုပ်ရှားမိသည်။
YOU ARE READING
The Flawless Bachelors [FB4]
RomanceFB4 ဆိုတဲ့ ကောင်ချောလေး ၄ယောက်ပါတဲ့ boy band တစ်ခု 💙 FB4 ဆိုတဲ့ ေကာင္ေခ်ာေလး ၄ေယာက္ပါတဲ့ boy band တစ္ခု 💙 Start date - 16,Oct,2021.
![The Flawless Bachelors [FB4]](https://img.wattpad.com/cover/292697027-64-k806256.jpg)