The Flawless Bachelors [FB4]

Fb4 - 15

(Unicode)

တင့်စောဉာဏ်မှာ ခရီးဝေးမှ ပြန်ရောက်လာပြီးပြီးချင်း အနားမရချေ။ ခမ်းနှင့်အတူ magazine ရိုက်ဖို့ ရှိသည်။ ဉာဏ့် bias တွေနှင့် ဉာဏ့် stan တော်တော်များများကတော့ အေဂျင်စီကို ဆဲနေကြလေပြီ။ သူတို့ကောင်လေးကို schedule အပြည့်မပေးဖို့ တောင်းဆိုနေကြ၏။ reality show အပြီး magazine တွေ တန်းရိုက်ခိုင်းသည့်အပြင် variety show တစ်ခုမှာပါ mentor လုပ်ပေးဖို့ ကမ်းလှမ်းခံထားရသည်ဟု rumour ထွက်နေသည်။ fan club admin တွေကတော့ ထိုသတင်းက အမှန်ဖြစ်ကြောင်း သိထားကြသည်။ Programme တော်တော်များများကလည်း ဉာဏ့်ကို ကြေးကြီးကြီးနှင့် လုခေါ်နေကြသည်။ ဉာဏ်က စကားပြောသွက်သလို စီးပွားရေးလုပ်ငန်း၌ အောင်မြင်နေသူတွေထဲမှ တစ်ယောက်ဖြစ်သည့် ဦးမင်းဉာဏ်၏သားဖြစ်၍ လုပ်ငန်းရှင်တချို့ကဆို သူတို့သားအဖကို တွဲမြင်နေကျ။ နောက်ဆုံး၌ variety show ထဲမှ နိုင်ငံရေး၊စီးပွားရေးနှင့်ဆိုင်သော programme တစ်ခုကို ဉာဏ်ကိုယ်တိုင်က စိတ်ဝင်စားတာကြောင့် လက်ခံဖြစ်ခဲ့သည်။

စနေသားလေးဟာ လူက ထက်ထက်မြက်မြက်ရှိသလို အကြောလည်း တင်းသည်။ ဇွဲလည်း ကြီးသလို စိတ်ထားကလည်း ဖြောင့်မတ်မှန်ကန်သည်။ ဉာဏ်သာ အခုချိန် အောင်မြင်သည့်အနုပညာရှင်တစ်ယောက်မဖြစ်ခဲ့လျှင် ဘာများဖြစ်နေမလဲဟု အင်တာဗျူးတစ်ခုက မေးခဲ့ဖူးသည်။ ဉာဏ်ကတော့ သွက်သွက်လက်လက်ပင်

" ကျွန်တော့်မှာ မအောင်မြင်တဲ့အလုပ်ဆိုပြီး မရှိဘူး၊ မလုပ်လို့ မအောင်မြင်တာပဲ ရှိတာ၊ ကျွန်တော် လုပ်ပြီဆိုရင် အောင်မြင်ကိုးအောင်မြင်ရမယ်" ဟု ပြန်ဖြေကြားခဲ့ဖူးသည်။ ထိုစကားကြောင့်ပင် လူကြီးများ၏အချီးကျူးခံလေး ဖြစ်ခဲ့သေးသည်။ Fb4 လို အောင်မြင်နေသည့်အဖွဲ့တစ်ဖွဲ့ကို ဦးဆောင်နေသူတစ်ဦးအနေနှင့် အဘက်ဘက်မှ စေ့စပ်ကျနလွန်းသည်။ ဤကား အသက်၂၃နှစ်အရွယ်ကောင်လေးတစ်ယောက်၏ ငယ်ရွယ်တက်ကြွမှုကို အထင်းသားမြင်ရစေ၏။

" ခမ်း comeback တဲ့"

Make-up room ထဲ၌ ဟိုဘက်နှင့်သည်ဘက် ကျောခိုင်းထားလျက် မှန်မှတစ်ဆင့် ကြည့်ပြောနေကြသည်။

" အာ...solo တွေပဲ မြင်နေရတော့ သူတို့တောင်းတနေပြီပေါ့"

" ဒီနှစ်တော့ မလုပ်ပေးဘူးထင်တယ် ခမ်းရဲ့၊ ဂျူနီယာတွေကိုတော့ ဒီနှစ်ထဲ ၂ကြိမ်တောင်"