The Flawless Bachelors [FB4]

Fb4 - 23

(Unicode)

ယခုဆိုလျှင် ဉာဏ်တို့ဆက်ဆံရေးကို အဖွဲ့ဝင်တွေအားလုံးက သိနေကြပြီ။ သို့ပေမဲ့ EN က လူတွေနှင့် ကိုမိုးထက်ကတော့ သိလို့ မဖြစ်၍ မနည်း သတိထားနေနေရသည်။ ဉာဏ်သည်လည်း အလုပ်များနေရတာနှင့် အားလုံးကို သတိထားနေရတာကြောင့် ကိုဟိန်းအပေါ် ဝတ္တရားတွေ ပျက်ကွက်နေတာ ကြာပြီ။ ကိုဟိန်းကတော့ နားလည်ပေးပါသည်။ သို့ပေမဲ့ သူ့စိတ်ထဲလည်း ကိုယ့်ချစ်သူကို မျက်စိရှေ့ မြင်နေရပြီး မကြင်နာရလေတော့ ဝမ်းနည်းမိ၏။

ယနေ့ဟာ Album အတွက် photoshoot ရိုက်ရမည့်နေ့ဖြစ်ပြီး အဖွဲ့လိုက်ပုံအပြင် တစ်ဦးချင်းစီ၏ကိုယ်ပိုင် themes နှင့်လည်း ရိုက်ကူးရမှာ ဖြစ်သည်။ သူတို့၏ title track ဟာ lollipop ဖြစ်သဖြင့် props ဟု ခေါ်သော အလှဆင်ပစ္စည်းနေရာ၌ lollipop ထဲမှ အရောင်ပါ ကြိုးလေးများနှင့် lollipop လေးတွေ ကိုင်လျက် ချစ်စရာကောင်းအောင် ရိုက်ပြရလေသည်။

" ဟုတ်ပြီ ဟုတ်ပြီ မျက်လုံးလေးတွေက လော်လီပေါ့လို ချိုနေရမယ်...လောလီပေါ့လေးကို နှုတ်ခမ်းနားတေ့ပြီး ခြေထောက်လေး ရှေ့ကို နည်းနည်း ထုတ်ပေးဦးနော်"

" ခမ်းနဲ့ ဆမ် ကျောခိုင်းပြီး မှီလိုက် အချင်းချင်း ခြေထောက်လေး တစ်ဖက်​စီ ကြွလိုက် အိုကေ အိုကေ ဉာဏ်တို့အတွဲက ဒီအတိုင်းပဲ ရပြီ အဆင်ပြေတယ်နော် အားလုံး"

အထက်ပါ စကား​တို့သည် photograper မှ ဖြစ်၏။ short pants လေးတွေကို ရှပ်လက်တိုလေးတွေနှင့် အရောင်စုံအောင် တွဲဝတ်ထားသော သူတို့၏ outfits များကလည်း လော်လီပေါ့လေးလို ဖြစ်နေသည်။ မနက်ဖြန်ဆိုလျှင် သီချင်း၏ teaser ထွက်တော့မှာ ဖြစ်၍ ဒီည ထိုပုံတွေကို သူတို့ official page မှ တစ်ဆင့် ပရိသတ်တွေထံ ချပြကြရမှာဖြစ်၏။ 

ဟိန်းထက်သည် ကင်မရာရှေ့မှ ဉာဏ်အား ငေးကြည့်နေ၏။ ဉာဏ်သည်လည်း သိ၍ တစ်ချက်တစ်ချက် လှမ်းလှမ်း ခိုးကြည့်မိ၏။ သူကြည့်နေစဉ်အတွင်း ကိုဟိန်းတစ်ယောက် ဘယ်နားပျောက်ထွက်သွားမှန်းမသိ။ ထိုစဉ် ရိုက်ကူးမှုဟာလည်း ပြီးသွားပြီး next sence အတွက် ပြင်ဆင်ရင်း ခေတ္တ နားကြသည်။ ထို့ကြောင့် အားလုံး နားနေခန်းဆီ ပြန်လျှောက်လာကြ၏။