The Flawless Bachelors [FB4]

Fb4 - 19

(Unicode)

ခမ်း၏လက်က အဆောင်ကြိုးဟာ တကယ့်ဂယက်။ magazine ၏ ရှေ့မျက်နှာဖုံး၌ ပါလာသောပုံဟာ မှန်အထပ်ထပ်ပြည့်နေသော ရွှေရောင်အခန်းတစ်ခုဝယ် ဉာဏ်နှင့်ခန်းဟာ တစ်ယောက်တစ်နေရာစီနှင့် တစ်ယောက်ကိုတစ်ယောက် လိုက်ရှာနေသည့်ပုံဖြစ်သည်။ ဉာဏ်ဟာ အတွင်းအင်္ကျီမပါဘဲ အပြင်က style ကျသည့် coat လက်ရှည်ကိုသာ အပေါ်ကထပ်ဝတ်ထားရုံမို့ အနည်းငယ်မို့မောက်နေသောရင်အုံနှင့် တင်းရင်းနေသော ဝမ်းဗိုက်ကြွက်သားများကို လုံလုံလောက်လောက်ထင်ပေါ်စေသည်။ ခမ်းကလည်း ပြောင်ပြောင်လက်လက်များပါသော အနက်​ရောင်ချိုင်းပြတ်ကို အောက်က အနက်ပြောင် pants အပွထဲထည့်ဝတ်ပြီး အနက်နှင့်ရွှေကို လိမ်ကျစ်ထားသော ကြိုးတစ်ချောင်းကို ခါး၌ ပတ်စီးထားသည်။

ထိုအခါ အားလုံးက သူ့လက်မောင်းကြွက်သားများအစား လက်ကောက်ဝတ်က အဆောင်ကြိုးကိုပဲ အာရုံစိုက်နေကြ၏။ ခမ်းကိုယ်တိုင် ပတ်တာဆိုတော့ နာမည်ကြီး brand ထဲက တစ်ခုခုထင်၍ fan များကလည်း အသည်းအသန်ရှာဖွေနေကြသည်။ သို့ရာတွင် ထိုသို့ဒီဇိုင်းဆင်တူယိုးမှားများကို တွေ့ကြသော်လည်း couple အတွက်သီးသန့် အဖြူနှင့်အနက်သာ ရှိပြီး ခမ်းလက်ကောက်ဝတ်က ကြိုးမျိုးဟုတ်မနေ။ နောက်ဆုံးမှာ ထိုကြိုးဟာ အဆောင်လက်ဖွဲ့တစ်ခုမှန်း သိသွားကြသည်။

သို့ပေမဲ့ ပြဿနာက ပိုကြီးလာပြီး ခမ်းက ဘာကြောင့်အဆောင်လက်ဖွဲ့တွေဘာတွေ ထားသလဲဆိုသည့်ဘက်သို့ ရောက်သွားသည်။ fanpage များကလည်း ထင်ကြေးအမျိုးမျိုးပေးကြပေမဲ့ official fanclub ၏ admin တွေကတော့ သေနေသလားအောက်မေ့ရအောင် ထမရှင်းခဲ့။ ဘာလို့ဆို သူတို့ဟာ ကိုယ့် idol ၏အကြောင်းကို တခြား fan များထက် ပိုသိပြီး နောကျေနေသည်။ နောက်ပြီး သူတို့က ကိုယ့်လူ၏ team ထဲမှ တစ်စုံတစ်ယောက်ဆီက သတင်းဝယ်လေ့ရှိသောကြောင့် ထိုနေ့၏ရိုက်ကူးရေး၌ ဖြစ်ပျက်သွားခဲ့ပုံကို သိသင့်သလောက်သိထားသည်။

သိသင့်သလောက်ဆိုသည်မှာ ခမ်းက ထိုကြိုးကြောင့် stylist နှင့် ပြဿနာတက်ခဲ့တာကိုပင်။ ထိုကြိုးက ဘယ်ကနေဘယ်လို ခမ်းလက်ထဲ ရောက်လာသလဲတော့ သူတို့လည်း မသိ။ ခမ်း၏ဘေးက PA ကောင်လေးကို ကပ်ပြီး မေးကြည့်တော့လည်း သူ မသိဘူးချည်း အကြောက်အကန် ငြင်းချပြီး ထွက်ပြေးသွားသည်။ ထို့ကြောင့် Fanclub admin များအနေဖြင့် ခမ်း dating များလုပ်နေသလားဟု ပိုစောင့်ကြည့်နေကြသည်။