The Flawless Bachelors [FB4]

FB4 - 5

(Unicode)

En နှင့်တိုက်ရိုက်ချိတ်ဆက်ထားသည့် Game Endorsement တစ်ခု​ဖြစ်၍ setting ၌ Game Items များစုဝေးနေသည်။ Endorsement တစ်ခုရိုက်ကူးရသည်က သိပ်မလွယ်။ နဂိုကတည်းက game ဆော့လေ့မရှိကြသည်မို့ အရင်ဦးစွာ သင်ယူပြီးမှ ကြိုးစားရိုက်ကူးကြရသည်။ သူတို့နားမလည်သည့် key words တွေကလည်း ခပ်များများ။ မရိုက်ကူးခင် ၃ရက်လောက်အလိုကတည်းက ရင်းနှီးကျွမ်းဝင်အောင် ထိုဂိမ်းကို ဆော့ကြည့်ခဲ့ရသေးသည်။

သို့ရာတွင် ဆမ်မင်းလတ်တစ်ယောက်ကတော့ လက်အငြိမ်မနေ။ Make-up room မှ အရင်ထွက်သွားပြီး ရိုက်ကွင်းကို သွားစပ်စုသည်။ အစ်ကိုတွေ အနောက်မှာ ရောက်လာသည်အထိ သူ အလုပ်ရှုပ်လို့ကောင်းဆဲ။

" ဆမ် ဒီကိုလာ"

လှည့်ပြုံးပြလာ၏။ ထို့နောက် သူတို့အနားသို့ လျှောက်လာသည်။

" ကိုကို့လိမ္မော်နီရောင် outfit က ကိုကိုနဲ့ အလိုက်ဖက်ဆုံးပဲ"

အဓိက Game Characters ၄ယောက်၏ outfit designs များဟာ မတူကွဲပြားလှသည်။ ထိုအထဲတွင် စွန်းရိပ်ထင်က မီးနဂါးပုံစံဒီဇိုင်းနှင့် လိမ္မော်နီရောင်ဝတ်စုံကို ဝတ်ဆင်ပေးရပြီး တင့်စောဉာဏ်ကတော့ ရေနဂါးပုံစံဒီဇိုင်းနှင့် နက်ပြာရောင်၊ ဆမ်မင်းလတ်ကတော့ နက်ဆွေးသည့်မြွေဟောက် ဖြစ်သည်။ သို့ပေမဲ့ မိုးခမ်းဝါတစ်ယောက်တည်း ပန်းနုရောင်အဖျော့နှင့် အဖြူရောင်ကို ယုန်ပုံစံဝတ်ဆင်ပေးရသည်မို့ မိုးခမ်းဝါ၏မျက်နှာတစ်ခုလုံး မှုန်မှိုင်းနေသည်။ ဒါကို အလိုက်မသိသည့်ဆမ်မင်းလတ်ကတော့ မိုးခမ်းဝါကို ကြည့်ပြီး ဖွီးခနဲ ရယ်ချလေ၏။

" မင်း ဘာရယ်တာလဲ!"

(ဖြန်း!)

ဇက်ပိုးကို လှမ်းရိုက်လိုက်သည်မို့ ငိုမဲ့မဲ့နှင့် သူ့ဇက်သူ ပွတ်သပ်ရင်း စွန်းရိပ်ထင်၏မျက်နှာကို အားကိုးတကြီးလှမ်းကြည့်လာသည်။

" ကိုကိုး..."

သူ့ကို ပြေးဖက်လာသည့်ဆမ်၏ခန္ဓာကိုယ်ကြီးကို ခက်ရာခဲဆစ်ဖြင့် ပြန်သိုင်းဖက်ပေးရသည်။ ခမ်းကိုလည်း သတိပေးသလို မျက်ထောင့်နီဖြင့် လှမ်းကြည့်ပေးလိုက်သည်။ ထို့နောက် ဆမ့်ခေါင်းလေးကို မမီမကမ်း လှမ်းပုတ်ပေးနေရင်း