The Flawless Bachelors [FB4]

Fb4 - 30

(Unicode)

နေခမင်းမြတ်တစ်ယောက် dorm ကို လိုက်သွားလိုက်တော့ ခမ်းကို မတွေ့။ ဆမ်သည်လည်း အိပ်ရာမှ နိုးလာသည့်ပုံဖြင့် အူကြောကြောင်။ ဆမ် ဖုန်းကို ဖွင့်ကြည့်လိုက်တော့ စွန်းရိပ်ထင်ဆီမှ ဖုန်းတွေအများကြီး ဝင်ထားတာတွေ့၍ ပြန်ခေါ်လိုက်သည်။

" ဟယ်လို...ကိုကို"

" ဆမ် ခမ်း ဘယ်မှာလဲ"

" ကိုကိုရော live တွေ့လိုက်တာလား၊ အခု ကိုခမ်း dorm မှာ မရှိလို့ ကိုနေခလည်း ရောက်နေတယ်"

" ခမ်းကို ဖုန်းဆက်ကြည့်တာရလား"

" မရဘူး ကိုကို"

" ဒါဆို ကိုကို အခုပဲ dorm ကို ပြန်လာခဲ့မယ်နော်"

" ဟုတ်ကဲ့ ကိုကို"

တီ........

နေခမင်းမြတ်သည် ဧည့်ခန်းထဲ၌ ဟိုဘက်လျှောက်လိုက် သည်ဘက်လျှောက်လိုက်ဖြင့် ယောက်ယက်ခတ်နေလေ၏။ ခမ်းဆီသို့ ဖုန်း ဆက်တိုက်ခေါ်နေသော်လည်း ခမ်းက မကိုင်။ သူတို့ ၁နာရီလောက် စောင့်လိုက်ပြီနောက် စွန်းရိပ်ထင်က dorm ကို အရင် ရောက်လာတော့သည်။

" ဉာဏ့်ကိုရော အကြောင်းကြားပြီးပြီလား ကိုနေခ"

" သူလည်း ဖုန်းမကိုင်ဘူး"

" ပြဿနာပဲ၊ ခမ်း နောက်ကို မီဒီယာတွေ လိုက်နေမှာ စိုးရတယ်"

ထိုအခါ နေခက ကျစ်ခနဲ စုတ်သတ်လိုက်ပြီး နီးစပ်ရာဆီ ဖုန်းတွေ လိုက်ဆက်တော့သည်။ ထိုစဉ် နေခဆီသို့ ဖုန်းတစ် call က ဝင်လာသည်။

" ခမ်း ရှိတဲ့နေရာကို သိပြီတဲ့"

" ဘယ်လို...ဒါဆို ကျွန်တော်တို့ လိုက်သွားရအောင်လေ"

" မလိုဘူး၊ ခမ်းကို ခေါ်လာလိမ့်မယ်၊ ငါ လိပ်စာပေးလိုက်ပြီ"

ဆမ်နှင့်စွန်းလည်း တစ်ယောက်မျက်နှာ တစ်ယောက်ကြည့်၍ သက်ပြင်းချလိုက်သည်။ သိပ်မကြာခင်အတောအတွင်း သူတို့ dorm ထဲသို့ ကားတစ်စီးဝင်လာပြီး ထိုကားထဲမှ ပထမဦးဆုံးဆင်းလာသည့်လူဟာ နေခ၏အစ်ကိုအရင်း စက္က ဖြစ်နေသည်။ စက္ကက ခမ်းကို တွဲခေါ်လာသည်။ ထိုအခါ ဆမ်နှင့်စွန်းတို့လည်း အလန့်တကြားဖြင့် ပြေးသွားလိုက်ပြီး စက္က တွဲ​ထားသော ခမ်းကို သူတို့နှစ်ယောက်အားဖြင့် ဧည့်ခန်းထဲသို့ တွဲခေါ်လာခဲ့ပြီး ​ဆိုဖာပေါ်၌ ပစ်ချလိုက်လေသည်။