STAI LEGGENDO

The Flawless Bachelors [FB4]

Storie d'Amore

FB4 ဆိုတဲ့ ကောင်ချောလေး ၄ယောက်ပါတဲ့ boy band တစ်ခု 💙 FB4 ဆိုတဲ့ ေကာင္ေခ်ာေလး ၄ေယာက္ပါတဲ့ boy band တစ္ခု 💙 Start date - 16,Oct,2021.

#amerakhoon #boyband #myanmar

Fb4 - 28

261 12 0 
                                        

                                                  
(Unicode)
လေးလံသောစိတ်ဖြင့် ကားဟွန်းကို တီးလိုက်ပြီးသောအခါ ခြံထဲရှိ ခြံစောင့် ဦးဘနိုင်က အပြေးလေး လာဖွင့်ပေးသည်။ စွန်းသည် ကားမှန်ကို ချလိုက်ပြီး ဦးဘနိုင်အား ပြုံးပြနှုတ်ဆက်ရင်း ခြံထဲသို့ ကားလေးအား မောင်းဝင်လာလိုက်သည်။ ကားပါကင်ထိုးပြီးနောက် အိမ်ထဲသို့ ဝင်ရန် ခြေလှမ်းပြင်တော့ ဦးဘနိုင်မှ
" သားစွန်း သား မေမေက ဘုရားခန်းမှာ ဘုရားရှိခိုးနေတယ်၊ သား လာရင် ဧည့်ခန်းထဲမှာ အဆင်သင့် စောင့်နေပါတဲ့"
" ဟုတ်ကဲ့ပါ ဘဘ၊ ကျွန်တော် စောင့်နေလိုက်ပါ့မယ်" 
ဦးဘနိုင်ဟာ သူ မမွေးခင်ကတည်းက သည်အိမ်မှာ အလုပ်လုပ်နေသူ ဖြစ်ပြီး ယခုဆိုလျှင် အသက် ၆၀ ဝန်းကျင်ခန့် ရှိပြီ။ စွန်းတစ်ယောက် အိမ်ပြန်လာမည်ဆိုတိုင်း အမေက အဆင်သင့်ပြင်ပေးထားသော အခန်းထဲသို့ စွန်းသည် ဦးစွာ ဝင်သွားလိုက်ပြီး အိပ်ရာပေါ်၌ ခေတ္တ မှေးစက်မိ၏။ သူ့ရင်ထဲ၌ အင်မတန် လေးလံနေသည်။ သူ့အလုပ်၊ သူ့အချစ်ရေး နောက်ထပ် သူ့မိသားစုရေး စသည်တို့ကို သူ့စိတ်ဝိညဥ်၌ ​တစ်စုတစ်စည်းတည်း ထမ်းပိုးထားရသကဲ့သို့ ဝန်ပိနေ၏။ လူက အိပ်သော်ငြား စိတ်က မအိပ်၊ စိတ်က အိပ်ချင်သည့်တစေ လူကား အိပ်၍ မပျော်နိုင် ရှိ၏။ 
/ဒေါက်! ဒေါက်!/ 
စွန်း၏ ခန္ဓာကိုယ်သည် ဆတ်ခနဲ ဖြစ်သွားလျက် သူ ခုတင်ပေါ်၌ လှဲနေရာမှ ထထိုင်လိုက်ပြီး အခန်းဝသို့ သွားလျက် တံခါးဆွဲဖွင့်လိုက်တော့
" သား ပင်ပန်းလာလို့လား စွန်း၊ သား အိပ်ပျော်နေတာလား"
" သား အိပ်မပျော်ပါဘူး မေမေ၊ မေမေ သားကို ပြောစရာ ရှိတယ်နဲ့ တူတယ်"
" ဟုတ်တယ် သား၊ မေမေတို့ ဝရန်တာဘက် သွားကြရအောင်"
" ဟုတ်ကဲ့"
ထိုသို့ ပြောပြီးနောက် မေမေသည် ဝရန်တာဘက်သို့ ဦးဆောင် လျှောက်လှမ်းသွား၏။ စွန်းလည်း အခန်းတံခါးအား သေချာစေ့ပိတ်လိုက်​ပြီးနောက် မေမေ့အနောက်မှ လိုက်လျှောက်သွားခဲ့သည်။ မေမေသည် ဝရန်တာ၌ သူ့အား ကျောခိုင်းလျက် ဝေးရာဆီ မျှော်ကြည့်ရင်း သူ့အား ရပ်စောင့်နေ၏။ သူ မေမေ့အနောက်၌ ရပ်​လိုက်သောအခါ
The Flawless Bachelors [FB4]La tua prossima ossessione. Scoprilo ora