The Flawless Bachelors [FB4]

Fb4 - 29

စွန်းရိပ်ထင်နှင့် တင့်စောဉာဏ်တို့ကား ကိုယ်စီ အိမ်ပြန်သွားကြသည်မို့ dorm ၌ ခမ်းနှင့် ဆမ်သာ ကျန်ခဲ့သည်။ ခမ်းသည် အခန်းထဲမှ အခန်းပြင်မထွက်။ ဝေနှောင်းဆီသို့ တစ်နေကုန် ဆက်တိုက်ဖုန်းခေါ်နေ​၏။ သို့သော်ငြား စက်ပိတ်ထားပါသည်ဆိုသော operator မှ အကြောင်းပြန်စကားမှလွဲ အခြေအနေဟာ တိုးတက်မှုမရှိလာ။ အကြိမ်ပေါင်းများစွာ ခေါ်ကြားပြီးနောက် ဘာမှထူးမလာ၍ ခမ်းသည် အခန်းထဲမှ ဝုန်းဒိုင်းကြဲလျက် ထွက်သွားခဲ့ပြီး ဂိုဒေါင်ထဲမှ ကားကို ထုတ်၍ ခပ်ကြမ်းကြမ်း မောင်းထွက်သွားခဲ့သည်။

ဝေနှောင်း နေသည့် ရပ်ကွက်ထဲသို့ အဆင်အခြင်မဲ့စွာ ရောက်နှင့်သွားခဲ့သည်။ ခမ်းသည် တစ်ခါမှ ထိုနေရာသို့ နေ့လည်ဘက် မသွားတတ်။ သူ့အဒေါ်တွေနှင့် မျက်နှာချင်းမဆိုင်ချင်၍ ဖြစ်သည်။ သို့ရာတွင် ဝေနှောင်း၏အိမ်ရှေ့သို့ ရောက်သောအခါ အိမ်တံခါးရော ခြံတံခါးပါ ပိတ်ထားကြောင်း တွေ့လိုက်ရသည်။ ထို့ကြောင့် သူ စိတ်ကျလက်ကျဖြင့် လှည့်ပြန်မည်အလုပ် သူ့ညီမလေး ဖူးငုံက အဝေးမှ ပြေးလာ​တာ တွေ့လိုက်ရသည်။

" ကိုကို! ကိုကြီးဝေနှောင်းကို လာရှာတာလား"

" ဟုတ်တယ် ဖူးငုံ၊ ဝေနှောင်းရော"

" ကိုကြီးတို့က မနေ့ကပဲ အိမ်ပြောင်းသွားပြီ၊ ဘယ်ကို ပြောင်းသွားလဲတော့ ဖူးငုံလည်း မသိဘူး၊ လူတစ်ယောက် ကားနဲ့လာခေါ်သွားတာတော့ တွေ့လိုက်တယ်"

" ဘာ! ကားနဲ့ လာခေါ်သွားတယ်ဟုတ်လား၊ ဘယ်သူလဲ၊ ဘယ်လိုပုံစံလဲ"

" ရုပ်ရှင်ကားထဲမှာ အဲ့လူကို ဖူးငုံ မြင်ဖူးတယ်၊ မင်းသားလေ"

ထိုစကားကို ကြားပြီးနောက် ခမ်းသည် မျက်နှာအမူအရာပျက်ယွင်းသွားပြီး လူတစ်ယောက်ကို ပြေးသတိရသွားသည်။ ထို့ကြောင့် နေရာမှ ချာခနဲ လှည့်ထွက်၍ ကား​ကို တစ်ရှိန်ထိုး မောင်းထွက်လာခဲ့လိုက်သည်။ နေရာ၌ ကျန်နေ​ခဲ့သော သူ့ညီမလေးမှာသာ ပါးစပ်အဟောင်းသား​နှင့်။

/~/

ကားမောင်းရင်းနှင့် ဖုန်းဖွင့်လိုက်ပြီး instagram သို့ ဝင်၍ နာမည်တစ်ခုကို ရိုက်ရှာလိုက်ပြီး story ကို ဝင်ကြည့်လိုက်တော့ ထိုလူ ယခုချိန် ဘယ်နေရာမှာ ရှိကြောင်း သိလိုက်ရ၍ ကားကို ထိုသို့ ဦးတည်လိုက်တော့သည်။ ရောင်နီ En ၏ ကိုယ်ပိုင် studio ထဲ၌ ရိုက်ကူးရေးအဖွဲ့သားများ အလုပ်ရှုပ်နေကြသည်။ ခမ်းသည် ရုတ်ရုတ်သဲသဲ ဖြစ်နေသော ထိုအထဲသို့ ဝင်ချသွားလိုက်သောအခါ အဖွဲ့သားအားလုံး၏အာရုံဟာ သူ့ဆီ ကျရောက်လာပြီး တိတ်ဆိတ်သွားတော့သည်။ ထိုအထဲ၌ လူအများကြား ပြုံးရွှင်နေသည့်ကျော်ထွဋ်ခေါင်သည်လည်း ခေတ္တမျှ ကြောင်သွားသည်။ ခမ်းသည် ကျော်​ထွဋ်ခေါင်ကို တွေ့တော့ သူ့ရှေ့သို့ တန်းလျှောက်သွားလိုက်ပြီး