The Flawless Bachelors [FB4]

Fb4 - 26

(Unicode)

Title song သဖြင့် Lollipop ထွက်လာသော နေ့ဖြစ်သည်။ Music video ထွက်လာပြီးနောက် youtube ၌ view များ like များဟာ တရိပ်ရိပ် တက်လာ၏။ တခြားသော အင်တာနက်ပလက်ဖောင်းများ၌လည်း သီချင်း၏အကပိုင်း video များ တက်နေကြပြီး cover dance လိုက်ကသူများဟာ နာရီ​ပိုင်းအတွင်း challenge လုပ်လာကြ၏။ အချိန်အတော်ကြာမှ ထွက်လာသည့်သီချင်းသစ်ဖြစ်၍ ပရိသတ်များ၏အားပေးမှုဟာလည်း တခဲနက်။

လာမည့်ရက်များဟာ music show များသို့ သွားရောက်လည်ပတ်ကြရမှာ ဖြစ်သည်။ ထို့ကြောင့် ယခု သူတို့အားလုံး Entertainment ၏ dance practice room ထဲ၌ စုဝေးလျက် ရှိ၏။ သီချင်းအတွက် အက လေ့ကျင့်နေကြတာ ဖြစ်သည်။ ပုံမှန်လည်း ၂၄ နာရီမှာ ၁၀ နာရီလောက်က Entertainment မှာ vocal ပိုင်း၊ အကပိုင်းအတွက် train ကြရမြဲ ဖြစ်သည်။

ယခုလက်ရှိ ဉာဏ်အနား၌ ဟိန်းထက်ရာဇာတစ်ယောက် မရှိတော့ချေ။ ဉာဏ်သည် လေ့ကျင့်ရေးပြီး၍ ခေတ္တနားချိန်တိုင်း ဟိန်းထက်ရာဇာဆီသို့ ဖုန်းဆက်သည်။ သို့ပေမဲ့ မကိုင်တာက များ၏။ ပြန်ခေါ်ထားတာ တွေ့ပေမဲ့ သူ့ဘက်က ပြန်ခေါ်တော့ မကိုင်ပြန်။ သူနှင့် ကိုဟိန်းကြား အားလပ်ချိန်က မကိုက်နှင့် သူ့စိတ်ထဲ မကြည်မသာ ဖြစ်နေသည်။

" ဒီနေ့ည Music Bank မှာ သွားဖျော်ဖြေဖို့ outfits တွေ ရောက်လာကြပြီ၊ ကိုယ်တိုင်း တစ်ချက် check လုပ်ရမယ်နော်"

အသံနှင့်အတူ အခန်းထဲသို့ ဝင်လာသူက ကိုမိုးထက် ဖြစ်၏။ သူ့လက်ထဲ၌ စာရွက်စာတမ်းများ ကိုင်ထားသေးသည်။ ညီ ဖြစ်သူ မ​ရှိတော့၍ လတ်တလော တစ်ယောက်တည်း အလုပ်များနေပုံ ရ၏။ Comeback နှင့်လည်း သွားတိုက်တော့ ပျာယာခတ်နေရှာသည်။

သို့ဖြစ်၍ သူတို့အားလုံး အကလေ့ကျင့်ခြင်းကို ရပ်လိုက်ကြပြီး ခန္ဓာကိုယ်ပေါ်က ချွေးစက်များကို တဘတ်အဖြူတစ်ထည်ဖြင့် သုတ်ရင်း fitting room ဘက်သို့ သွားရပြန်သည်။ ကိုမိုးထက်နှင့် ဝေနှောင်းတို့ကလည်း အနောက်မှ ထက်ကြပ်မကွာ လိုက်သွားကြ၏။ Fitting room ထဲသို့ ရောက်သော် ဝတ်စုံများကို အသီးသီး ဝတ်ကြည့်လျက် ထွက်လာတော့ designer တွေက ဝိုးခနဲ ဖြစ်သွားကြ၏။

" တို့​ကလေးတွေ ချောလိုက်၊ ခန့်လိုက်၊ မိမိုက်လိုက်တာ များကွာ၊ အပိုအလိုမရှိ ကွက်တိ"