The Flawless Bachelors [FB4]

Fb4 - 16

(Unicode)

နယ်ပယ်အသီးသီး၏ ထိပ်တန်းပညာရှင်များနှင့် စီးပွားရေးလုပ်ငန်းရှင်များ လာရောက်ဆွေးနွေးသော programme တစ်ခုဖြစ်သည်။ Guest အနေနှင့် လာရောက်သူက ပင်တိုင် presenter ဖြစ်သူ ၃ယောက်နှင့် အတွေ့အကြုံတွေကို ဖလှယ်ကြရသည်။ ပင်တိုင်အနေနှင့် ရှိနေသူ၃ယောက်ကတော့ Fb4 ၏ main leader တင့်စောဉာဏ်နှင့် နိုင်ငံခြားပြန် အစ်မတစ်ယောက်ရယ်၊ ထုတ်လုပ်သူ channel ၏ ဆက်ခံသူ ကိုနေမျိုးသူတို့ပဲ ဖြစ်သည်။

သို့ရာတွင် ယနေ့ live ၌ team တစ်ခုလုံးပျာယာခတ်နေလေသည်။ အကြောင်းမှာ ကြိုတင်ဖိတ်ခေါ်ထားသည့် guest ၏ flight ဆင်းချိန်ဟာ နောက်ကျသွားခဲ့ပြီး သည်ကိုလည်း ပြီးခါနီးမှ ရောက်လာမှာ ဖြစ်သည်။ ထိုကိစ္စက အားလုံးအတွက် အဆင်မပြေ။ အစီစဉ်စဖို့ကလည်း ၁၅မိနစ်လောက်သာ လိုတော့သည်မို့ PD တွေက အလောတကြီး လူရှာနေကြသည်။ စီးပွားရေးလုပ်ငန်းရှင်များအနေနှင့် သည်လိုတွေ့ဆုံရာတွင် ကိုယ်ပြောမည့်စကားကို ကြိုတင်ပြင်ဆင်ထားရသည်။ သူတို့အတွက် အချိန်အတိုင်းအတာတစ်ခုကြိုတင်ပြင်ဆင်ထားခြင်းမရှိဘဲ ကျပန်းပြောလျှင် အမှားရှိနိုင်သည်။ လုပ်ငန်းရှင်များအတွက် စကားတစ်ခွန်းကအစ သတိထားရသည်မို့ အမှားခံလို့မဖြစ်။

" ကိုဟိန်း ဒီနေ့တော့ ဂွမ်းတော့မယ်ထင်တယ်"

" အင်း guest မပါဘဲ တင်ဆက်လို့ မရနိုင်ဘူး"

" အွန်း! ကျွန်တော်လည်း စိတ်လေတယ်"

" စိတ်မညစ်ပါနဲ့ ဉာဏ်ရာ၊ မင်းက မီးရောင်အောက်မှာ တည်ကြည်နေဖို့လိုတယ်၊ ဟိုဟာဖြစ်ရင် ကိုယ် မွှေးမွှေးပေးမယ်လေ"

" ကိုဟိန်း! လူတွေရှိတယ်လို့"

" ဟဲဟဲ"

အလုပ်ရှုပ်ပြီး ပျာယာခတ်နေသည့် team အနောက်၌ ရပ်ပြီး နှစ်ယောက်သား ပွစိပွစိနှင့် တွတ်ထိုးနေကြသည်။ ဟိန်းထက်ရာဇာကလည်း ဉာဏ့်နားဖျားအထိ ကပ်ပြီး တမင်တကာ ကျီစယ်နေလေသည်။ idol နှင့် မန်နေဂျာ၏ထိုသို့ဆက်ဆံရေးဟာ အထွေအထူးမဟုတ်၍ ဘယ်သူမှလည်း သူတို့နှစ်ယောက်ကို အာရုံစိုက်မနေ။

" ရပြီ ရပြီ! တော်သေးတာပေါ့၊ လက်ခံပေးလိုက်တာ ထိုင်တောင်ကန်တော့ချင်တယ်"