لينا جريت و خرجت من الشركة و في نفس اللحظة ابراهيم قال ليحيي بسررعة الحق لينا لتعمل حاجة في نفسها ، و هنا احمد وقع و فقد وعيه 😯.
لينا كانت بتسوق العربية بسرعة عالية و بتعيط بهسترية و مش مصدقة كل اللي بيحصل و كانت هتعمل اكتر من حادثة في الطريق😭😭😭 ، ويحيي وراها بعربيته ، ووقفت فجأة لينا في مكان فاضي زي الحديقة و قعدت تصرخ و تعيط بصوت عالي و بتقول اكيد لأ دا مش حقيقة ، و صعبت علي يحيي و عينه اتملت دموع و كان عايز يطبطب عليها بس مقدرش يروح ليها ، هيروح يقول ليها ايه ، فضل أنه يفضل مراقبها و ساكت .
لينا فضلت قاعدة في المكان دا لوقت طويل و بتعيط و بتفكر و بتقول لنفسها اكيد في حاجة غلط يمكن حد بيهدده ، اكيد هو هو بيهزر معايا و أنا مشيت قبل ما يقولي الحقيقة و قررت انها هتروح تشوف احمد هو اكيد مستنيها و قلقان عليها ، و كل دا تحت أنظار يحيي
و علي الناحية التانية اول ما أحمد فقد وعيه جابوا ليه دكتور و قال إن ضغطه علي و الحمدلله إنهم لحقوه ، و رجع البيت مع إصرار نور مراته بعد ما عرفت اللي حصله .
لينا روحت و بعدين راحت عند الاوضة بتاعت أحمد و نور و قعدت عشان تتكلم مع احمد .
لينا : انت كنت بتهزر معايا صح 🥺عشان تشوف اد ايه انت غالي عليا 🥺 بس انت عارف انا زعلانة منك عشان دا هزار بايخ و مش هكلمك و بعدين بصت لنور اللي كانت بتعيط 😭😭 قالتلها قولي أي حاجة قولي اني بنتك انتي قولي عشان خاطري ، و هنا دخل ابراهيم بعد ما يحيي ابن اخوه قاله إنها رجعت البيت و قالها لا انتي مش بنتهم انتي بنتي انا هما اخدوكي و ربوكي بس انتي بنتي اللي قعدت عايش علي أمل اني هلاقيكي كلهم قالوا إنك موتي بس انا مكنتش مصدق ، روح مرات ابراهيم لما عرفت إن بنتها لسه عايشة راحت ورا ابراهيم و دخلت و قالتلها بنتي حبيبتي تعالي في حضني تعالي لأمك 😭😭.
لحد كدا نور مستحملتش و قالت بصوت عالي و دموع 😢 : لا لينا بنتي انا اللي كنت معاها في كل لحظة انا اللي كنت بسندها لما تقع انا اللي سهرت لما تعبت و أنا اللي كنت بذاكرة ليها و بلعب معاها انا اللي كنت بفرح لما اشوفها مبسوطة و قلبي بيوجعني لما تزعل عايزة انتي يا مدام تيجي تاخديها عالجاهز اهو دا اللي مستحيل يحصل .
أحمد اتكلم و قال لينا بنتي انا و مفيش اي قوي عالأرض تقدر تقول غير كدا دي بنتي مش بنتك يا ابراهيم عايز تشوفها تيجي هنا في بيتها انا مش همنعك إنما تاخدها مني لا ، و بعدين بص لينا و قالها يا حبيبتي انا اسف اني خبيت عليكي و الله كان غصب عني مقدرتش اعترف ليكي اعترف ازاي و انتي أخدتي قلبي مني اول ما سمعت منك كلمة بابا ، ازاي و أنا شايفك قدامي بتخطي خطوات الاولي و أنا ساندك و انتي بتكبري قدامي ، خوفت تبعدي عني ، خوفت انك تسيبني ، سامحيني يا حبيبتي ، لينا ردي عليا قولي أي حاجة قولي انك مش هتسبيني .
الكل بيعيط بس كل واحد لسبب مختلف ، و هنا لينا قامت و سابت الكل و مشيت و راحت الاوضة بتاعتها و بتحط هدومها في شنطة و كل اللي في دماغها ذكرياتها مع احمد و نور ، و الكل كان مستنيها تخرج من الاوضة لحظات بتعدي كأنها عمر طويل .
الصدمة كانت التعبير اللي علي وش الكل احمد ونور شايفين أنها ماشية و ابراهيم و روح بيتخيلوا انها هتروح معاهم و شعور فرحة في قلبهم ، لحد ما أحمد كسر حاجز الصمت و قالها انتي رايحة فين . ابراهيم هنا أتدخل و قال انتي جاية معايا يا لينا عشان تعيشي معايا انا و اخواتك صح .
لينا : أنا مليش مكان هنا و لا عندك يا ابراهيم بيه ، و ياريت محدش فيكوا يدور عليا ،
نور : يعني ايه هتسبيني يا لينا ما انتي عارفة اني مقدرش اعيش من غيرك ، قول حاجة يا احمد اتصرف الله يخليك ، احمد قالها ليه عايزة توجعي قلبي عليكي ليه عايزة تسبيني و الله كنت خايف .
لينا بدموع لو سمحتم كفاية اوي لحد كدا 😢 و خرجت من البيت و البيت ساد فيه حالة من الحزن .
روح بعياط ازاي تسيبها يا ابراهيم بعد ما طلعت عايشة ازاي دا انا لسه حتي ماخدتهاش في حضني .
ابراهيم : إن شاء الله هترجع يا روح انا مش هسيبها .
لينا و هي بتعيط اتصلت بغفران ، و قالت أيوة يا غفران .
غفران : ازيك يا قلب غفران وحشتيني صوتك ماله كدا في حاجة ولا ايه .
لينا : لا مفيش كنت عايزة اطلب منك طلب كنت عايزاك تشتري ليا بيت و مش عايزة حد يعرف مكانه و لا حتي احمد و نور .
غفران : ايه اللي حصل بس عرفيني ، لينا قالت مش هعرف احكي في الفون، وانا سائقة العربية .
غفران : خلاص تعرفي تيجي البيت ولا اجيلك انا .
لينا : خلاص انا هجيلك انا قريبة منك انا عند كافية....... ، و فضلت تعيط في العربية .
كملت سواقة و في لحظة كان في عربية هتخبطها لينا حاولت تفادي العربية لحد ما العربية خبط في حيطة و عملت حادثة😯😯 و .....
يا تري ايه اللي حصل ل لينا و مين غفران اللي هي كلمته 🙂 .
اتمني أن البارت يعجبكم 💙
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
