لينا دخلت لاحمد
لينا : انا اسفة اني خبيت عليك ، بس انت مكنتش هتوافق ، انا بحبك اووي ، اوعي تسيبني احمد بصلها و ابتدأ البنج يعمل مفعول .
لينا بابتسامة : أيوة انا اللي هتبرع ليك .
أحمد كان لسه هيتكلم بس نام بفعل البنج .
لينا خرجت للدكتور : انا جاهزة ، وبصت لنور و روح انا هبقي كويسة انتم بس ادعوا لاحمد .
و كان ابراهيم مش موجود لينا بصت لروح : قولي لبابا ميزعلش مني .
و هما الممرضين بيجهزوا لينا ، ابراهيم دخل و جري عليها و حضنها.
لينا : فكرت انك مش هتيجي.
ابراهيم بدموع: انا اسف يا حبيبتي حقك عليا انا
بس خايف عليكي و مسح دموعه بس انتي قومي بالسلامة .
لينا و هي بتمسح دموعها هي كمان : إن شاء الله كله خير .
الممرضة مش يلا و لا ايه و لينا مشيت معها و بعد عدة ساعات
لينا فاقت لقت نور و روح بيعيطوا
لينا بتعب : العملية نجحت صح ، محدش اتكلم .
لينا :محدش بيرد عليا ليه احمد فين؟؟
غفران بدموع : لينا حبيبتي انتي مؤمنة .
لينا : انت بتقول ايه يا غفران ابويا فين و ابتدت تفك المحاليل ، الكل لينا بتعملي ايه .
لينا : محدش يقرب مني ابعدوا ، انا راحة اشوف ابويا .
غفران اهدي بس يا لينا
لينا : محدش يقولي اهدي وسع كدا يا غفران محدش يمسكني و كانت بتتسند عالحيطة .
لينا بعياط : انا جاية يا احمد يا حبيبي استني انا انا جاية متسبنيش و دخلت المشرحة كشفت وشه
لينا مسكت أيده : انت قولت مش هتسيبني شوفت مين فينا ساب التاني ، طب ... طب يعني انت عارف اني معرفش اعيش من غيرك يلا يا حبيبي قوم معايا يلا ، استني يا غفران هو ...هو هيقوم بس انت استني
و الكل كان شايفها و بيعيطوا
غفران : لينا حرام اللي انتي بتعمليه ، هو راح عند اللي خلقه .
لينا بزعيق : متقولش كدا هو عايش هو مامتش ابعد كدا يا غفران .
يلا يا احمد فوق يا حبيبي ، طب كنت اخدتني معاك و الممرضة غطت وشه
لينا بصرييييخ احماااااااااااااااد .
و فجأة فاقت و كانت بتاخد نفسها بصعوبة
روح : لينا حبيبتي انتي كويسة .
لينا : احمد فين هو كويس صح مامتش قولي عشان خاطري أنه كويس .
روح : بعد الشر يا حبيبتي احمد كويس و الحمدلله العملية نجحت .
لينا : احلفي بالله أنه عايش قولي و الله هو كويس
روح : و الله هو كويس ، دا الحمدلله اتنقل غرفة عادية .
لينا : انا عايزة اشوفه .
غفران : لينا بتعملي ايه
روح : الحق يا غفران ، عايزة تروح لاحمد ، و مش راضية تصدق انه الحمد لله تمام
لينا بتعب : غفران احمد كويس مش كدا ، انا كنت بحلم حلم وحش اوي يا غفران
غفران :و الله هو كويس انا لسه جاي من عنده لسه فايق الحمدلله
لينا : أنا عايزة اشوفه يا غفران و في اللحظة دي الدكتور دخل
لينا : انا عايزة اشوف ابويا
الدكتور : مينفعش تتحركي غير بعد كام اسبوع ، بس احنا ممكن عشان خاطر حضرتك نخليكوا في غرفة واحدة
لينا : ياريت و شكرا جدا لمجهود حضرتك
الدكتور : بلاش حضرتك خليها وائل بس
لينا بصت بقرف و غفران مستحملش
غفران : طب يلا يا وائل وريني عرض اكتافك مش ناقصة محن عالمسا
لينا اول ما الدكتور خرج ضحكت .
غفران : بقي دا منظر دكتور قال قولي يا وائل طب ما تقوليله يا ول ول
و بالفعل لينا اتنقلت معاه و اول ما شافته كويس عيطت من الفرح و قامت اتحركت بصعوبة و راحت عليه وحضنته و عيطت تاني
لينا : الحمد لله انك كويس ، انا كنت خايفة عليك اوي اوعي تعمل فيا كدا تاني و تخوفني عليك انا معرفش اعيش من غيرك انا بحبك اووي يا بابا
أحمد : كدا تخبي عليا و تحطي نفسك في خطر كدا عشاني
لينا بحب : عارف لو كانوا عايزين كبدي كله انا كنت هديهولك انا مقدرش اشوفك بتتوجع كدا و اقف ساكتة انت احسن حاجة حصلت في حياتي و عشانك ارمي نفسي في البحر لو دا هيخليك كويس انا بحبك بطريقة انت مش هتعرف تتخيلها .
أحمد بدموع : انتي اللي احسن حاجة في حياتي كلها انتي كل حاجة بالنسبالي انتي العوض اللي ربنا عوضني بيه انتي للاسف مش بنتي اللي خلفتها بس انتي بنت قلبي و بنت عمري أنا لو كان عندي ولاد من دمي مكنتش حبهم زيك
نور دخلت لأ دا أنا كدا اغير بقي كل الحب دا ل لينا معلش بقي هنتقطع وصلة الحب دي عشان يحيي برا و عايز يدخل
يحيي دخل
يحيي : الف سلامة علي حضرتك يا احمد بيه
أحمد : الله يسلمك يا بشمهندس
يحيي : سلامتك يا لينا متقلقيش الشركة ماشية كويس
لينا : الله يسلمك انا متشكرة جدا علي اللي عملته
أحمد : شكرا يا بشمهندس انك وافقت تمسك الشركة
يحيي : العفو انا معملتش الا واجبي ، بس من الواضح أن لينا بتحب حضرتك جدا لدرجة أنها كان ممكن تتعامل مع ناس مش كويسين و كانت هتتخطف لينا بصتله وقعدت تشاور بعنيها أنه ميقولش حاجة يحيي مفهمش و في الوقت دا دخل ابراهيم و سلم عليه
لينا : حضرتك مستريحتش ليه انت بقالك يومين جنبي ، اكيد تعبت
ابراهيم : انا مبسوط طالما انا جنبك
أحمد : كمل كلامك يا بشمهندس
يحيي لينا بصتله و هو فهم يحيي بصوت عالي اهاا انتي قصدك مقولش انك كنتي هتتخطفي و انتي بتدوري علي متبرع
لينا : الله ينور عليك يا ابن ....
يحيي استغبي نفسه أنه قال بصوت عالي ، و كمل يا ابن ايه ...
لينا بغيظ : يابن السويفي
ابراهيم و احمد بصوا ليها
لينا : انا هشرح كل حاجة ، يااااا نووور الحقيني اه أنا حاسة بهبوط
أحمد : بجد والله ، انا مش هحاسبك دلوقتي
وفي اليوم التاني
لينا : يا نور متحاوليش انا هخرج انا مش بحب قاعدة المستشفيات
نور : مش هتخرجي
تليفون لينا رن و كان يحيي
يحيي : لينا في مشكلة كبيرة في الشركة ولازم تبقي موجودة و حكي ليها المشكلة
لينا : انا جاية في السكة حالا يا يحيي
لينا وصلت الشركة بعد ما أقنعت نور أنها هترجع تاني ، و حست بتعب
طارق مساعد لينا : حمدلله علي سلامة حضرتك
لينا : الله يسلمك بقي اغيب يومين الاقي المخزن الرئيسي يتحرق كلمت شركة التأمين
طارق : كلمتهم بس بيقولوا أننا مدفعناش
لينا بتعب : اطلب الشركة و حول المكالمة و نادي علي يحيي
طارق : هو حضرتك كويسة
لينا : انا كويسة يا طارق بس يلا بسرعة و دخلت المكتب و اخدت مسكن بس الوجع مش بيخف كلمت شركة التأمين و بعد مرور وقت حست بحاجة في مكان الجرح علي هدومها لقت كلها دم و مش قادرة تتكلم و لا تنادي علي حد لسه بتقوم فقدت وعيها وقعت عالارض
يحيي فضل يخبط و مش سامع صوت فتح الباب
اتصدم من المنظر اللي شافه
لينا واقعة عالأرض و في دم عالأرض
يحيي لنفسه : اعمل ايه اتصرف ازاي راح نحيتها
انا هشيلها ، يالهووي لو عرفت اني شيلتها مش بعيد تقتلني بس انا مضطر يارب سامحني
ياتري ايه اللي هيحصل
اتمني البارت يعجبكم 💙💙
أنت تقرأ
أحبها و انتهي الأمر
Romantizmهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
