تليفون لينا رن
لينا : أيوة يا مينا فضي نفسك بعد بكرة
مينا : أوامر يا رياسة
و قفلت
احمد : ها بقي العيون الحلوين زعلانين كدا عشان خاطر اللي سليم عمله
لينا بابتسامة : بردو لسه بتراقبني ، علي فكرة انا عارفة مين بينقلك الاخبار بس انا سايباه بمزاجي
احمد بضحك : يعني اعمل ايه ما انا هنا في المستشفي و بعدين لازم اطمن عليكي ، و يعني اهو بتسلي شوية
وبعدين بتكلمي مينا ليه ايه اللي في دماغك
لينا : كل خير ، انا مش عايزاك تتدخل في الموضوع دا يا بابا انا مش عايزة اعمل مشاكل مع عمي بس سليم زودها اوي و انا مينفعش اسكت و بعدين دي هتبقي قرصة ودن صغيرة عشان يبعد عن طريقي
احمد : مشاكل ايه يا لينا هو انتي فاكرة أن في حد في حياتي اهم منك انتي و نور انا هكلم اخويا و اخليه يبعد سليم و الا انا اللي هتدخل
لينا : بص سيبني انا اتصرف المرة دي
و بعدها ابراهيم جه عشان يزور احمد
ابراهيم سلم عليهم
احمد : لينا حبيبتي روحي بقي عشان انتي شكلك تعبانة
ابراهيم بسرعة : طب ما تيجي تباتي معايا في البيت لينا بصت ليه و سكتت ، ابراهيم اتكلم بحرج يعني لو حابه تيجي يعني
احمد بصلها بمعني أنها توافق من غير ما ابراهيم يشوفه
لينا : خلاص انا هاجي معاك ، و هاجي الصبح يا احمد متنساش الدوا بتاعك و خلي بالك من نفسك
راح لينا و ابراهيم علي الفيلا و ابراهيم كان مبسوط
ابراهيم : تحبي تتعشي
لينا : لا انا عايزة انام اليوم كان متعب اوي ، بس قولي فين الاوضة
ابراهيم : بصي دي الاوضة بتاعتك كنا عاملينها انا و روح قبل ما نعمل الحادثة و كمان كانت جنب الاوضة بتاعتنا عشان لو صحيتي بالليل نسمعك ، و محدش كان بيدخلها غيري انا وروح
لينا : شكلها حلو اوي
ابراهيم بحب : مش احلي منك ، انا هسيبك دلوقتي تنامي و نتكلم كتير بكرة
لينا بابتسامة : تصبح على خير
ابرهيم بأس راسها : و انتي من أهل الخير يا حبيبتي
لينا فضلت تتقلب عالسرير
لينا لنفسها : في ايه بقي عايزين ننام الفجر قرب يأذن ، ياريتني كنت روحت البيت احسن اديني اهو مش عارفة انام ، ياسلام لو الواحد يقدر ياخد سريره معاه ، بااس بطلي تفكيييير ياختااااي ، اهو الاذان
و قامت صلت الفجر و قعدت في البلكونة اللي في الاوضة
ابرهيم دخل و شاف أنها لسه صاحية بس هي كانت سرحانة و محستش بيه
خبط علي كتفها
لينا بصت ليه و ابتسمت بتعب
ابراهيم : منمتيش ليه لحد دلوقتي
لينا بكدب : مش بنام دلوقتي و كمان مش جايلي نوم
ابراهيم : تعرفي أن انا مش بعرف انام غير في سريري حتي لو في فندق مفيش زي سريرك
لينا : بصراحة انا زيك في النقطة دي
ابراهيم بابتسامة : تعرفي انا نفسي في ايه من ساعة ما عرفت انك عايشة ،
لينا بصت ليه باهتمام
ابراهيم :نفسي اخدك في حضني و انيمك
لينا : احنا فيها تعالي و اخدت ابراهيم و ناموا
في يوم جديد
لينا و ابراهيم نزلوا عالفطار
أسر بضحك : ايه اللي انتي لابساه دا
لينا : و الله انا قولت لفهد هات تيشرت و هو اداني دا كان المفروض أقوله هات كوم تيشرت بس يلا احسن من مفيش
و قعدوا يفطروا و لينا كانت ملاحظة أن روح عمالة تبص علي ابراهيم بغيظ و ابراهيم مش واخد باله
لينا بهمس لفهد : هي روح بتبص لابراهيم كدا ليه
فهد : بصي هو شكل ابويا عامل مصيبة
ابراهيم : طب سلام الحق انا الشغل ، عايزة حاجة يا لينا
لينا : عايزة سلامتك يا هيما و بعدين ابراهيم مشي و كلهم في الشغل ماعدا لينا و روح
لينا : هو في حاجة ولا ايه
روح و هي بتهز رجليها بعصبية : لا يا حبيبتي مفيش ، لا في تخيلي يا لينا مش فاكر أن النهاردة عيد جوازنا
لينا بدراما: يا نهار ازاي ، طب تفتكري مشي بدري ليه اكيد عشان السكرتيرة تفطره و ايه مقوليش البت اللي هناك ايه صاروخ انا كنت كل اما اروح هناك اعاكسها تفتكري متجوز عليكي
روح بصدمة : ايه
لينا : بقولك ايه استني هعمل مكالمة و اجيلك نشوف الموضوع دا
لينا اتصلت بطارق
لينا : طارق اسمع اللي هقولك عليه و نفذه بالحرف اول حاجة هتحجز المكان اللي هبعتلك اللوكيشن بتاعه ، و تبعت بدله عند ابراهيم اه و فستان و ميكب ارتست و كمان تبعت بوكية ورد عالفيلا بتاعت ابراهيم و تقول و أنه مبعوت من ابراهيم
طارق : هنكتب ايه في البوكيه
لينا : انا هقولك و بعدين كملت عارف يا طارق لو حاجة اتأخرت مخصوم منك اسبوع
طارق : هاا اسبوع لا انا كتبت كل حاجة
و بعد مرور فترة صغيرة
الباب خبط
لينا : ياتري مين
الدادة دخلت
الدادة : مدام روح بوكيه الورد دا جه عشان حضرتك
روح : ايه دا علشاني دا جميل اوي
لينا : مكتوب ايه في الكارت
روح و هي بتقرأ
وَلَيْتَ الّذي بَيْني وَبَيْنَكَ عَامِرٌ
وبيني وبينَ العالمينَ خرابُ
لينا بصفير: سيدي يا سيدي ، و بعدها علطول الميكب ارتست وصلت و الفستان و روح كانت مبسوطة
لينا : انا هعمل مكالمة علي ما تخلصي
لينا كانت بتحاول ترن علي ابراهيم و اخواتها بس محدش بيرد
لينا : انا هتصل بيحيي
لينا اتصلت
لينا : يحيي انا اسفة انا كنت بكلم ابراهيم بس مش بيرد
يحيي : هما في اجتماع و أنا لسه داخل المكتب اهو
لينا : طب بص انا هقولك حاجات و انت فهمه انا بعت بدله و حكت له اللي المفروض يتعمل
متتأخرش يا يحيي و قول لأخواتي و اوعي حد يقع بلسانه و يغلط ابراهيم هو اللي عامل الحفلة و قفلت
لينا لنفسها : ناقص حاجة مهمة ياختااااي الهدية اجيب ايه بس لاقيتها
نور كلمت نور و طلبت منها تختار طقم الماس ، و عزمتهم عالحفلة هي و احمد
و الكل لبس و جاهز للحفلة و بعتت اللوكيشن ليحيي
و كمان بعتت الهدية لابراهيم و ميعرفش هي فيها ايه
و وصلوا المكان روح دخلت و كانت مبسوطة جدا ورد و متزين بطريقة حلوة و طرقة و صور كتير ليها هي و ابراهيم و ابراهيم كان واقف مستنيها
روح بسعادة : انت عملت كل دا علشاني انا مبسوطة اووي
لينا : ايه دا في هدية
روح : ايه دا فيها ايه
ابراهيم مكانش عارف عشان هي متغلفة ، افتحيها و انتي هتعرفي
روح فتحت الهدية و كانت مبسوطة
و لينا بصت لابراهيم و غمزت
روح كانت بتكلم نور
ابراهيم بحب : انتي اللي عملتي كل دا
لينا : انا لحقتك كان زمانك نايم في اوتيل
احمد : كنت عارف ان انتي اللي عملتي كدا و وجه كلامه لابراهيم دي هي اللي بتلحقني كل مرة
لينا بضحك : انت بس ابعت التواريخ المهمة وانا هظبطك
ابراهيم : هظبطك انا محدش اتجرأ و قالي كدا قبل كدا
لينا : بلاش اظبطك خليها هروق علي حالك ،
و الكل كان مبسوط
لينا تليفونها رن
لينا : علي معادنا بكرة يا مينا هبعتلك عربية تجيبك
يارب البارت يعجبكم 💙
وايه اللي هيحصل مع مينا و لينا بتخطط لايه
و بعتذر عن التأخير 💙
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
