في صباح يوم جديد في فيلا الدسوقي
لينا : خياااااانة بتفطروا من غيري ، كدا اه يا قلبي كدا انت يا أحمد .... انت طب استناني .
أحمد بضحك : يا لينا الناس بتقول صباح الخير الاول و بعدين بتتخانق 😂 .
لينا بمرح : يعني المشكلة في صباح الخير ، طب يا سيدي صباح الخير ، ها بتفطروا من غيري ليه .
نور بضحك : يا بنتي لسه مفطرناش اهو .
لينا و هي تتناول الافطار و هي واقفة هصدق حاضر .
نور : يا بنتي اقعدي كلي زي البني ادمين .
لينا : للاسف متأخرة يا ست الكل و الله ، يدوب الحق محاضرتين و بعدين اروح الشركة و فهد عزمني عالغدا .
أحمد : ماشي يا حبيبتي ، لو مش عايزة تيجي الشركة مفيش مشاكل .
لينا : لا يا بابا انا لازم اجي الشركة عشان موضوع المناقصة .
ابتسم احمد لكلمة بابا اللي سمعها و كذلك نور لأنهم كانوا خايفين من اي تغير يحصل في علاقتهم ب لينا
لينا : اخرتوني يلا سلام .
اتجهت لينا للجامعة و قابلت اصدقاءها ايه و حيااة
لينا : صباااح الخير وحشتوني .
ايه و حياة : صباح النور ، انتي كمان وحشتينا ، ها عملتي ايه .
لينا : في ايه ، قصدك موضوع عيلتي الجديدة ، بصراحة يا جماعة هو الموضوع صعب بس بحاول اتأقلم مع الوضع من ناحية في اخواتي و ابراهيم بيه و روح و الناحية التانية احمد و نور ، مش عايزاهم يحسوا اني اتغيرت معاهم ، و بابا ابراهيم بحاول اقرب منهم بصوا الدنيا متغلبطة جامد و قاطعهم دخول الدكتور
بعد انتهاء المحاضرات
لينا : الحق انا بقي الشركة عشان في مشاكل هناك يلا سلام .
وصلت لينا الشركة ،
طارق : اتأخرتي ليه يا استاذة لينا الاجتماع خلاص فاضل عليه ربع ساعة .
لينا : قولي بس في مواعيد تاني النهاردة .
طارق : لا خلاص كدا هو الاجتماع .
و بالفعل حضرت لينا الاجتماع و كان عبارة اتفاق علي خطة العمل في الفترة الجاية ، انتهي الاجتماع
أحمد : تمام كدا اوي يا لينا انا تعبت .
لينا : استني هجيب قهوة عشان لسه في موضوع مهم .
احضرت لينا القهوة
لينا : الملف اللي اتسرق يا احمد تفتكر مين
أحمد : شاكة في حد معين .
لينا : المدير المالي انا شاكة فيه بس لازم نتأكد الاول عشان كدا أنا خليت حد يراقبه انا بقولك عشان تاخد بالك و دا مش معناه أنه الكل برئ ، الكل مشكوك في أمره الي ان يثبت العكس .
احمد : تمام يا لينا يبقي الحاجات المهمة بيني و بينك و بلاش حد يعرف لحد ما نحل الموضوع دا .
لينا : تمام ، الحق امشي انا بقي عشان فهد بيرن كتير
بعد فترة وصلت لينا فيلا السويفي
فتح فهد لاستقبال لينا
فهد : وحشيتني... و قام باحتضانها ، لينا : احم و أنت كمان .
فهد : يلا بقي ماما مستنية .
لينا بمرح : عندكم غدا ايه بقي النهاردة .
فهد : احنا بقينا نستني اليوم اللي هتيجي فيه عشان ماما بتعمل غدا بايديها زي ما تكوني جاية من الجيش 😂😂 .
ضحكت لينا و سلمت علي الجميع ، و تناولوا الغداء
و بعد فترة وصل يحيي و جلس معهم
ابراهيم : لينا كنت عايز اقولك اني فتحت حساب باسمك و حطيت ليكي في مبلغ يعني باعتبار انك كنتي بعيدة يعني مكنتيش موجودة و لا اتعاملتي زي اخواتك.
لينا باعتراض : حضرتك بتقول ايه انا مش محتاجة فلوس .
و بعدين انا عندي حساب في البنك و احمد كمان كان حاط فيه فلوس برغم اني مش محتاجها انا بشتغل و كمان عندي حسابي الخاص .
فريدة : انتي غريبة يا لينا دا باباكي يعني ازاي ترفضي حاجة زي كدا و أكملت بسخرية ولا انتي بتحبي الفقر.
روح بغضب : فريدة انتي بتقولي ايه .
فريدة : مش قصدي انا بس مستغربة ازاي حد يرفض المبلغ الكبير دا .
لينا : يمكن عشان حضرتك مقابلتيش ناس كويسين ،و حابة أوضح لحضرتك اني مش فقيرة انا اتربيت في بيت احمد الدسوقي لو حضرتك ناسية و قامت بتوجيه كلامها لابراهيم : انا اسفة لحضرتك أنا مش هقدر اقبل المبلغ دا ،حضرتك لو عايز تعوضني عن اللي فات خليك جنبي و متسبنيش
يحيي كان مستغرب أنه ازاي ترفض ، بس برر أنه اكيد عزة نفسها خلتها ترفض ،
ابراهيم بحنان : اكيد انا هفضل معاكي طول ما انا عايش .
في هذا الوقت وصلت لارا ابنه فريدة
لارا : هاي يا جماعة ، ازيك يا يحيي .
يحيي بجمود : ازيك يا لارا انا تمام ، مش يلا يا عمي عالمكتب .
ابراهيم : معلش يا روح ممكن قهوة بس عالمكتب
روح حضر من عنيا
لارا : هي دي بقي لينا
فريدة بتكبر : اها هي
لارا : اتشرفت بمعرفتك يا لينا ماما علطول بتتكلم عنك
لينا : ميرسي يا لارا و إن شاء الله نبقي أصحاب
وصلت الدادة بالقهوة ، لينا عنك انا هوديها و بالفعل اتجهت لينا لغرفة المكتب و طرقت الباب
لينا بابتسامة : القهوة ، وحطت القهوة عالمكتب انا هستناكوا برا
ابراهيم : خليكي هنا دا كلام شغل و اهو تقولي رأيك
كان يحيي يقول اخر رتوش الصفقة و التي تعتبر أهم الصفقات و التي ستنقل الشركة لمكانة عالية
لينا همت بالرفض قبل ما يحيي يتكلم : مينفعش ممكن تكونوا هتقولوا معلومات مهمة
ابراهيم : خلاص بقي خليكي ، و جلست لينا و استمعت للعرض الذي اعجبها و بشدة
و بعد فترة خرجت و كانت بتتكلم في الفون و بتقول
في حاجة مهمة عايزة اكلمك فيها طيب خلاص مينفعش اتكلم هنا و كان يحيي يستمع للحوار و بمجرد وصوله أغلقت لينا الهاتف
و اتحركت عشان تدخل الفيلا
يحيي : لينا انا اسف مكنش قصدي اغلط فيكي
لينا : حصل خير عن اذنك و سابته و مشيت عشان مينفعش يقفوا لوحدهم
و استأذنت منهم بعد وعد أنها تقضي اليوم كله مع ابراهيم و اخواتها
و في صباح يوم جديد
راحت لينا فيلا السيوفي و كان يحيي و فريدة موجودين
و كان الجو مرح كالعادة تحاول لينا التأقلم مع العيلة
ووصل يحيي اتصال كان مستنيه بخصوص ملف الصفقة
و اثناء الاتصال ملامح يحيي اتغيرت
ابراهيم : في ايه يا يحيي
يحيي : في حد سرب ملف الصفقة بتاعتنا للمنافس و هو اللي اخدها
ابراهيم: ازاي دا يحصل و مين عمل كدا
يحيي : محدش كان يعرف حاجة غيري انا و حضرتك و فهد و اتجه بنظرات شك و قال و لينا
لينا : قصدك ايه
يحيي باتهام : طول عمرنا مع بعض انا و عمي و فهد انتي اللي جديدة علينا
لينا : .....
يا تري مين سرب الملف و ايه رد فعل لينا
يارب البارت يعجبكم 💜
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
