لكل حد بيقرأ الرواية حبيت اوضح كام حاجة
1- بالنسبة للرواية هو فاضل فيها بارتين أو تلاتة بالكتير و تنتهي
و بجد شكرا من كل قلبي لاي حد كتب كومنت حلو ليا أو حتي عمل ڤوت أو حتي قرأ الرواية ، عشان مفيش اي حد مجبر أنه يعمل كدا و بجد بجد الكومنتس بتاعتكم فرحتني جدا ، يعني بصراحة مش عارفة الاقي كلام اعبر بيه عن حبي و تقديري لكل اللي قرأ الرواية و اتمني من كل قلبي أن الرواية تكون عجبتكم و إن شاء الله اللي باقي يعجبكم
2-في ناس ممكن يبقي في سؤال في دماغها ليه انا محتطش صورة لاي بطل أو حتي وصفته وصف تفصيلي زي باقي الروايات
و الإجابة : هي اني حبيت أن اللي بيقرأ يتخيل البطل أو البطلة من وجهة نظره هو أو بمعني اصح حسب معايير الجمال بالنسبة له يعني أنا مثلا متخيلة لينا و أنا بكتب بحجاب ، غيري هيبقي متخيلها بشعرها و غيري مختمرة ، و بعدين مش لازم البطلة تكون عينيها زرقة و شعرها مش عارف طوله لحد فين و الكلام دا عشان اي كانت موصفاتك أو شكلك فا انتي حلوة و جميلة و مش شرط انك تبقي عينك زرقة أو خضرا عشان تبقي جميلة لأن ربنا قال إنه خقلنا في احسن صورة
3- محبتش اخلي البطلة دكتورة أو مهندسه زي معظم الروايات عشان مش شرط تبقي دكتورة أو مهندسة عشان تبقي ناجحة عشان الكل يقدر يبقي ناجح في أي مجال
4- في ناس لفتت نظري أن اسم البطلة قريب من اسمي بس الحقيقة أنه انا كنت محتارة بين كام اسم و عملت قرعة و طلع لينا 😂😂
5- الناس اللي شايفة اني بهدلت لينا ، بغض النظر عن اني عملت كدا فعلا 😂😂😂مش عشان الشخص غني يبقي حياته واو و مثالية لازم يبقي في شوية واقعية شوية الحياة مش بينك ولا واو اكيد كلنا بتوجهنا مشاكل
6-اخر حاجة عشان عارفة اني طولت عليكم بس زي ما شكرت اللي قرأ الرواية في شخص بجد انا حابة اشكرها من كل قلبي و هي صحبتي سلمي هي اكتب من صاحبة أنا فكرت كتير قبل ما اكتب بس لقيت من حقها عليا اني اشكرها مع اني عارفة مفيش كلام هيكفي حقها هي ببساطة صحبتي و اختي و حبيبتي هي اللي كانت جنبي و أنا بكتب و اوقات كتير فكرت امسح الرواية بس هي كانت بتشجعني في كل لحظة يأس هي كانت جنبي و بتدعمني هي حقيقي متعرفش اني كتبت الكلام دا لاني بصراحة حبيت افاجأها بجد شكرا ليكي و كمان شيماء كانت بردو بتقرأ الرواية و نزلت الابليكيشن عشان تقرأ الرواية اول ما قولتلها اني ابتديت اكتب و كمان كانت بتساعدني لما اسألها علي رأيها في حاجة معينة بجد انا بحبكم اوي ❤️❤️
7- إن شاء الله نتقابل في رواية تانية بعد ما تخلص الرواية دي في رواية تانية
أنت تقرأ
أحبها و انتهي الأمر
Romanceهي فتاة طموحة و مرحة أكثر ما يميزها هي ضحكتها و مزاحها تريد أن تكون ناجحة في عملها ثم تتفاجأ بما يقلب حياتها رأسا علي عقب لم تكن تتوقع أن يحبها شخص ما و لكن هو وقع في حبها و لكن الأهم هو كيفية تقبلها لما يحدث لها كيف ظلت صامدة و لم تظهر ما بها من أ...
