Unicode
နေထိုင်သည့်လမ်းထဲသို့ကားလေးကို သူရိန်မော်ကွန်းမောင်းဝင်လာသည်တွင် လက်မှနာရီဆီ တစ်ချက်ကြည့်ဖြစ်လိုက်သည်။
"မော်ကွန်း…နင့်အိမ်ကို ရောက်ခါနီးပြီလား…"
"အင်း လမ်းထဲဝင်လာပြီပဲ…။ရောက်ခါနီးပြီပေါ့။ဪ ဒါနဲ့ ချယ်ရီ နင်ထမင်းစားပြီးမှပြန်နော်။ငါလိုက်ပို့ပါ့မယ်…"
"အေးပေါ့ဟ။ငါလည်း စားပြီးမှပဲပြန်မှာပါ။"
"ဟော…ဟိုမှာ…"
ရှေ့မှ ထုံးစံအတိုင်း ကဘောက်တိကဘောက်ချာဖြင့် လမ်းလျှောက်နေသည့် ဝိုင်းလမင်းကိုတွေ့လိုက်ရ၍ သူရိန်မော်ကွန်းနှုတ်မှ လွှတ်ခနဲဆိုဖြစ်လိုက်ခြင်းပါ…။
"မော်ကွန်း…ဘာလဲဟ…"
"ဪ ဟိုရှေ့က ချာတိတ်လေးလေ…"
"ဘယ်သူလဲ…"
"ဝိုင်းလမင်းတဲ့။ကိုယ်တို့ခြံခေါင်းရင်းဘက်က။အဲ့ဒီချာတိတ်က တစ်ယောက်တည်းဗိုလ်ကျနေတာ…"
"မော်ကွန်းရယ်။နင်က ချာတိတ်လို့ခေါ်ရတာ သူ့အရွယ်ကိုလည်း ကြည့်ဦး…"
"သူ့အရွယ်က ဘာဖြစ်လို့လဲ…"
"ဟဲ့ သူ့အရွယ်က နင်နဲ့ဘယ်လောက်များကွာတာမှတ်လို့။သူကျောင်းနေလား။ဘယ်နှစ်တန်းလဲ…"
"နေတာပေါ့ကွ။ဆယ်တန်း…"
"ဒါဆို သူ့အသက်က အနည်းဆုံး ၁၅/၁၆ပဲ။နင်နဲ့ဆို အများဆုံး ၃/၄နှစ်ပဲကွာမယ်။အဲ့ဒါကို နင်ကပဲချာတိတ်ခေါ်သေးလား…။"
"ချယ်ရီရာ မင်းကလည်း ကပ်ကပ်သတ်သတ်လျှောက်တွေးရတယ်လို့…"
သူဆိုတော့ ချယ်ရီက ပြုံးမဲ့၍သူ့ကိုကြည့်သည်။သူတို့စကားဆိုဆဲ ဖြည်းဖြည်းနှင့်မှန်မှန်လေးမောင်းလာသည့် သူရိန်မော်ကွန်း၏ကားလေးက ဝိုင်းလမင်းအနီးရောက်လာ၏။
ဝိုင်းလမင်းကလည်း လက်တစ်ဘက်က ထုံးစံအတိုင်းချောကလက်ကိုင်ကာစားရင်း မိမိအနီးရောက်လာသည့်ကားလေးကို ကားပြတင်းမှ သူရိန်မော်ကွန်းထံပြုံး၍ငုံ့ကြည့်လာရင်းက…
"ဟာ…အစ်ကိုကိုး…။ကျွန်တော်က မေမေ့ကားလားလို့။အစ်ကို အခုမှပြန်လာတာလား…"
ESTÁS LEYENDO
ကိုယ့်လမင်း (ကိုယ့္လမင္း) {Completed}
Romanceဘေးအိမ်ကအရူးလေးကလည်း ကိုယ့်ချစ်သူဖြစ်လာနိုင်ပါတယ် ☺️ ေဘးအိမ္ကအ႐ူးေလးကလည္း ကိုယ့္ခ်စ္သူျဖစ္လာနိုင္ပါတယ္ ☺️ Start date (13.4.2022)
