كل ماجاء طيفً لك زاير خيالي فز قلبي مرحباً حيك وحيّه ..

2

البارت " 11 "

أسيل؛أفراح قهرتني معليش ياوجود بس تقهر
وجود؛صح إنها أختي يا أسيل بس غلط الي سوته
وضي مستحيل تسامحها، غدرت فيها وهي
أقرب وحده لها ومحد ضربها على يدها وقالها سوي الي كذا
موج بقرف؛حركاتها وصخة ترمي نفسها على واحد
مايبيها ليش هالحركات البايخة الماصخة
وعد؛الحمدلله إنها أختي من الأب بس ! ولا بينا وبينها شيء
من أول ماتحملها حركاتها جد ماصخة
وجود؛خلاص انسوا موضوعها ولا تفتحونه قدام ضي
عشان جدي مايزعل منا وضي بتدري منه إن شاءالله
موج صفقت وضحكت وهي تشوف أمان جاية؛جت حلوه اللبن جت
أمان تربعت وهي تزفر بغضب وأخذت ثلاجة القهوه
وصبت لها، وهي كارهه ذياب وعناده وحركاته
أسيل ضحكت من تعابير وجها؛أمون وشفيك حبيبتي منفسه
أمان؛موج أخوك ذا بيجي يوم وأكسر غروره وشوفه نفسه
موج أبتسمت وهي عرفت بإنها تقصد ذياب؛
يقولك يا أمون مابعد الكره الا حُب بكره نشوفك
تحبينه بغروره وبشوفه نفسه ولا تقولين ماقالت موج
وعد ضحكت وهي تقول؛إي ياعمري عارفين هالحركات
تكرهينه وبعدها تحبينه وبالنهايه تتزوجون حافظين هالسيناريو وعارفينه
أمان كشرت بوجيه البنات؛مكثرين مسلسلات تركية
هاتِ الكوكيز الي عندك ولا يكثر جد متقرفه
شوفه النفس والغرور والغطرسة والعجرفه ذي ماحبها ولا بحبها تقرفني تقرفني
وجود وهي ناوية تفشل أمان نطقت بكذب؛ياربي صار ذياب الساطي المغرور المتعجرف ! مو أمس مدحتيه أمان
موج؛أوبا أنتِ تمدحين ذيابي ! ماصدق ماصدق
أمان توسعت عيونها وهي تترك فنجالها؛
وجود متى مدحته ياسلقة ! هذا أخر إنسان أمدحة
لا تألفين من راسك يابنت وش هالكلام
وجود؛ياربي تجحد بعد تجحد شوفوا بنات تعابير وجها
أسيل وهي تسحب خدودها؛من هالخدود الحمراء عارفين إنك مدحتيه واضح
أمان قامت من جلستهم وقالت؛
الشرهه علي أجلس معاكم وتف عليكم وعلى هالذياب !
ودخلت لداخل البيت وهي تشتمهم وتشتم ذياب
وكانت ثلاث أرباع هالشتائم من نصيب ذياب
ذياب تكتف وهو يسمعها تشتمه؛بالهون يابنت عمي
لهالدرجة قهرك هالغرور وصرت بعيونك كرية !
أمان بأشمئزاز؛لا تفكر بإنك قهرتني وضغطتني وخلاص بنفجر!
ذياب أبتسم إبتسامة جانبية؛وانتِ كذلك
أمان؛روح من وجهي دام النفس عليك طيبة ماتحملك
ذياب؛تطرديني من بيت جدي يعني
أمان صفقت وهي تقول؛صار جدك يابن عمي الحين؟
وأسلوبك الغثيث معاه قبل شوي وطولة لسانك عليه
وش هالهمجية أحترمه جدك يا طفل جدك
ذياب أشر على خشمه وهمس لها؛على خشمي أوامر ثانيه
يابنت عمي لا سمح الله
أمان تنهدت وميلت شفايفها وتوجهت لدرج بتروح لغرفتها
-

البارت " 12 "
-
ثنيان؛حي الله نسيب سلطان!
سلطان إبتسم بتوتر من كلمه إبوه؛إيش قاعد تقول
يابوي الله يهديك
ثنيان؛حقك علي يامتعب مابعد قلت لسلطان عن شيء
متعب أبتسم لثنيان وقال؛شدعوة الحين يعرف بكل شيء
ثنيان؛الموضوع ياسلطان إني بعطي متعب ضي ياسلطان
متعب إبتسم بسخرية؛ونا جيت بتقدم لها على سنه الله ورسولة وخير البر عاجلة يابو العز وإن كان ودك نملك اليوم
انا و وهيب مابوه خلاف
سلطان تلعثم بصدمه وقال؛كيف عطيته ضي وهي لوهيب!
ثنيان؛ماعادت ضي له ضي لمتعب ونا أبوك
فهد إبتسم بسخرية وقام وطلع برا المجلس
متعب؛وش مزعله ابو ذياب لايكون ماعجبته ولا زعلـ
قاطع كلامه دخول وهيب وخلفه معن وذياب
وهيب؛حي الله متعب !
متعب إبتسم بتحدي وقال؛الله يبقيك ياوهيب ماعاد نشوفك
ياوهيب !
وهيب؛موجود دايم يامتعب، عسى ماشر ياجدي
صاير تعزم ولا تقول لنا خلنا نقوم بواجب الضيف!
ثنيان ضحك؛بتضيف رجل ضي ياوهيب؟
وهيب عقد حواجبة وهو يقول؛ضنك إن ضي بتوافق ياثنيان
ثنيان؛وليش ماتوافق وأبوها وجدها موافقين
معن بحدة؛وأخوانها ماعندهم بنت لزواج ياجدي
وإن بتاخذ وهيب موجود ! ولا بنرميها عالغريب لا نعرف
أصله ولا فصله ولا من وين جاي ورضى إبوي
ذي كلمه ضفتها على موافقتك ولا إبوي مايرمي ضي بالساهل
ثنيان ضرب بعصاته الأرض ونطق بغضب؛إقطع الصوت يامعن
ماني بزر تراددني وضي اليوم تملك على متعب
ولا أحد بيثني كلمتي
وهيب إبتسم لثنيان وقال؛وإن ثنتيت هالكلمة ياثنيان
بوه شيء بتسويه ؟
ثنيان؛أشياء مو شيء ياوهيب
متعب قام ونفض ثوبه وهو يقول؛أجل أشوفكم بالمغرب
لجل أملك
ثنيان؛وخذها وأمش ماودنا بزواج وهو عزاء لوهيب يامتعب
وطلع متعب بعد ماناظر لـوهيب بسخرية
وهيب بتساؤل؛بوه عزاء لي ياثنيان وتقدم وصار قدام
جده تماماً وهمس له عند إذنه:
-