كل ماجاء طيفً لك زاير خيالي فز قلبي مرحباً حيك وحيّه ..

11

البارت " 100 "
-
عض على شفايفه ومسح على وجهه؛ رخيص !
هز راسه بالنفي وهو يزفر بقهر؛ شويّ الرخص عليه شويّ
ذيـاب؛ ليش كـذا ياثنيان ليش ، شلون يرضى بدمار أحفاده !
وهيّب؛ ونا بشهـد على دماره وهو والرعد ياذياب
ذيـاب؛ وتميم وش دخله إذا بيصفي حسابات حنا موجودين
ثنيـان موجود تميم وش دخله وإيش علاقته بالمـوضوع
ميّل شفايفه بخفيف؛ درسً لـنا ياذيـاب هذا مُبتغاه
ذيـاب؛ وهالـدرس وش الأستفـاده مـنه وش هي !
وهيّب؛ لجل نتغاضى عنه فترة وننشغل بتمـيم ويصير الي هو مخـطط له ويبيـه دام ثنيان خضع له وده نلحقه كلـنا بس بعيدة عن شـواربه بعيدة بالحيّل !
ذيـاب؛ وتميم ياوهيّب وتمـيم !
مد يده يشد على يد أخـوه وميّل شفايفه وأطال نظره ليدينهم؛ تتـوقعها مني بأني أترك تميم لحـاله ؟
ذيـاب شد على يد أخوه؛ إعتام ؟ إعتام معاه
هز راسه بالاجابة؛ عـنده ياذياب ومن وقتً طويل
ذيـاب؛ وضيّ ياوهيب ؟
عقد حواجبة بإستغـراب؛ وش فيها ضيّ ياذياب !
ذيـاب؛ ماتدريّ بولا شيء صح ! وللحـين مانويت تقول !
~
جميلة؛ إلياس أنت ومـرتك متزوجين من ثلاث سنين، ولا فـكرتوا تجيبـون لكم ولـنا طفل !
هز راسه بالنفي؛ باقي سُدف صغيـرة على سوالف الحمل والولادة ولاحقـين عليها يا جدتي بدري ،
العـز؛ ياجدتي أصفقيه عشان يعرف أن الله حق لا تسأليني عن السبـب مابوه سبب بس ودي أشفي غليلي
إليـاس؛ وليـه ياحظي وش مزين لك أنـا وش مسوي !
العـز؛ ترضين ياجـدتي هو وذياب يودعون بعض ويروح يوديه المـطار ومابوه جنس مخلـوق قالي ! هذا ونا ولد عمهم وخويهم ويخـبون عني أجل لو أصير غريب وش كان صار !
إلياس؛ يابويّ مادريـت وين كنت ولا سأل عنك وقلت أنك نايم وأنت لا نـمت لو تفجر صاروخ جنبك مالفيت يمين حتى
العـز؛ ومافي أحتمال وسط على طول نايم ولو كنت نايم تعال حارشني لين ما أقـوم ماينفع فيك طب أنت وذاك الله يقرفكم
ليام؛ عاد العصبية ماتصلح على العز لا تعصب ياعزيز
العز؛ عاد شدعوة أنا عصبت هذا خفايف بس ماهي عصبية
ليام؛ إي من أول أقول العـز مايعصب وأكذبهم لو قالوا تصدق
إلياس؛ يا عسى عينك ماتشوف الي أنا أشوفه بس ولا كان هجيت ومايوقـفك الا الموت بعد
العـز؛ الحين جد أصفقيه بهالعصا الي جنبك ياجدتي فوق ما أنه ساحب علي ومهمشني من جـاء يقول عني كلام ماهو بي !
-

البارت " 101 "
-
جميلة شدت على يديـن إلياس؛ مابيطاوعني قلبي ياعزيز !
العـز؛ إي من غلاته ماتسمعين فيه وأنا لي الله ياجميلة
ليام؛ لو سمحت إلياس أبعد عن جدتي ماوديّ تقبع بيننا
إلياس؛ ورا ماتركد وتقعد خلها معي بتغير علي بعد شوي اساساً هذا حُب مؤقت فقط خلني أعيش هالحنان
سكت وماكـمل كلامه بعد ماسحبت يدينها وقرصت كتـفه؛
إي والله إن العـز صادق مافيك طب أجل أنا ما أحبك ليت حبك شوي إي والله ليته شوي حلات من ضربك بهالعصا
مسح على مكان القـرصه بألم؛ جدتي وش هالقرصه ماشاءالله!
معـن؛ عطيني العصا أوريك فيه ياجدتي أزهليني
إلياس؛ ياراسيّ وش مهبب لكم أنا وش مزين ! سُدف تعالي لي علميني بإنك بصفي ماهو بصفهم !
سُدف هزت رأسها بالنفي؛ بصفهم إي بصفهم نسيت أني مرتك وتو تتذكر معن هات العصا أنا أضربه فيها
العـز؛ إي عاشت مرت ولد العم هذا العـشم فيك تعجبيني
رفع حاجبة بذهول ورمى الفنجال عليه؛ هالمرة بالجدار المرة الثانية بالجمجمة يالعز أبعد عن مرتي لا ياخذ سلك الراديو طول عرض بظهـرك وخر منـاك
ليام تخصر ؛ إي والله وخر عن مرت أخوي لا نتهـاوش !
العـز؛ ليت ذياب هـنا يشوف كيف هو تاركني بين أسود وذئاب
معن؛ لو أنك قايل أسمي كان صرت لهم بالمرصاد بس مافيك خيـر وأنا ولد أبوك وأمك عليكم فيهم ياعيـال نصار وسُدف
وبـرضوا أمان وأسيل أفزعوا لأخوانكم
وجود أستغلت الـوضع ورمت الشبشب على الـعز؛
هذا حق سُدف وعيـال عمي وأحنا وجدتي بـرضوا
جميلة؛ وعد وين ياوجود من الصـبح مانزلت لا يكون بها شيء!
كشرت أفراح بوجه العز وقالت؛ مابها شيءٍ ياجدتي مزاجها متعكـر وجلست فوق ليـن مايصفى ذهنها وبتجي
جميلة كـانت بتقوم وتشـوف لوعد وأستوقفها نزولها من فوق
مـسح على وجهه بهدوء من سـمع صوتها الهادي وهي تمسي عليهم يعرف هالنبرة زين ودارسها يدري بإنها بكت وكثيّـر بس هي ماتدريّ بإن دموعها ماتمر مرور الكـرام عليه ماتدريّ بإنه بيوجع بنت خالته وأمه وخواله كلـهم بالشيء الي قاله لأبوه وبيسويه ولا بيتراجع وكل ذا عشانهم كانوا السبب بكـسرها ، هي وقفت معاه وكانت معـاه بأوقات يحتاج أمه فيها وماكان يلقى من أمه الا الصـد كانت مشغوله بعزايمها وحفلاتها وصحباتها ولا تعـطي أي أهمية لعيالها وهالشيء من صغُرهم ومع ذلك تتحكم فيهم وبحياتهم وتحدد مصيرهم وتمنعهم من أشيـاء هم يبغونها ويحبـونها ومايدري وش السبب !
-