أنت تقرأ

كل ماجاء طيفً لك زاير خيالي فز قلبي مرحباً حيك وحيّه ..

Romance

رواية : كل ماجاء طيفً لك زاير خيالي فز قلبي مرحباً حيك وحيّه للكاتبة : دهّام محمد ..

#ضي #وهيب

8

2.3K 57 1

بواسطة Ran_980

بقلم Ran_980

البارت " 71 "
-
رجفت يديـنها وهي تشوف أسمه
وتحته توقيعـه داهمها شعـور مليان خوف وفرح بنفس
الوقت ، عجزت تحدد شعـورها مستانسه وبالحيّل ومتوترة أكثر من ما إنها مستانسة !
وقعت بسـرعة و أمتلئ البيت زغاريط من جدتها وأمها
وأم وهيب، وصراخ البنات وفرحتهم و أبتسمت
وهي تشوف أخوها معن يمسح دمعته بطرف شماغه،
تحـبه وحبه غير تأشر وينفذ تطلب ويجيب قلبه مليان حنية
دايم تقول يابخت من صارت حُرمك ياخويّ، وماتنسى الـعز
صحيح تهابه بس مستحيل عصبيته وغصبه يطلعه عليها
يرمي كل شيء يعصبه ويبغضه بعيد عنها أهم شيء أخته مايصيبها منه شيء ويزعلها،
سلطان باس رأسها؛مبروك ياضيّ عيوني، عسى الله يوفقكم!
جميلة مسحت دموعها وقالت؛مبروك يابنيتي !
الله يوفقكم ويسعدكم ويتمم لكم على خير يارب
حضنتها مـرام وقالت؛كبرتي ياضيّ وتزوجتي خلاص ؟
سلـطان ضحك من شاف ملامحها تغيرت؛
خلوها الحين لا تبكونها ولا شافها زوجها ، أمشي يابويّ
تروحين تسلمين على جدك وعمامك و زوجك
سكنت ملامحـها من قال و زوجك وقالت؛ وش دخله !
ليش أسلم عليه جـدي وعمامي يكفون ،
مـعن والعز تعالت ضحكاتهم على كلامها وخوفها
وقال معن؛استحي على وجهك زوجك ذا يابنـت
سلـطان؛أي مايخالف ياضيّ زوجك هذا
~
ثنيان؛مبـروك يا وهيب عسى الله يوفقكـم
وهيب أطال النظر بجده وماعطاه أي رد أبداً
سمع تنهيده جده وكيف قلبت ملامحه ميه وثمانين درجه
من يوم تجاهل ولا أعطاه رد ، هز رأسه بيأس
ماتوقـع يصير هالشيء بينهم ويتزوج وبينه وبين جـده
كارثة تدمر وهيب قبل تدمر ثنيـان قرب لجده وهمس له؛
خابت كل الهقاوي والظنون ياثنيان خابت إي بالله خابت
ماهقيت إني بتزوج وثنيـان ماهو نفسه الي رباني على يده
لين ما أنخط الشنب بوجـهي ماهو الي على خبـري
ثنيـان الي قدامي حالياً شخـص أكرهه وأبغضه كثيـر
الي قـدامي رمـى نار شبت فيني من قبل ثلاث سنين
طعني بظهري ماكفاه النار الي تشب وتولع فيـني
شاب رأسي ياثنيـان كيف هنت كيف !
بعد عن جده الي ما أعطاه أي أجابه وجلس بصدر المجلس
أعمامه عن يساره وجده عن يمينه ،
أبتسم بخفوت من سمع صوت سلطان يقول حي الله النسيب
وهيب يالله أنك تحييّه ولد أخوي و زوج بنتي !
-

72 "
-
كـان يراقب خطواتها البطيئة ورا أبوها وقلبه يرفرف من فرحته
جابـت أجله بفستانها الأحمر كان ماسك على جسمها
وبارز لـ معالمها و روجها أحمر وتاركه شعرها ولا سوت فيه شيء ، يحبه وهيب كذا يحبه بطوله يحبه بلـونه الأسود
جات على مقاس قلبـه بالضبط شكلها ضرب الوتر الحساس
ومصعت عقله وقلبـه مصع بحلاوتها وطلتها اليّـوم
الي أول مرة وهيب يشوفها بهالشكل ! أوجعت قلبه
أوجعته بالحيّل كيف إنسانه كذا قدرت تشيل كل
هالرقة والجمال ! عض على شفايفه وهو يتمعن بنظراته
يحب وقت ماتضرب قلبه بحلاوتها يزيد حُبها أضعاف
وأضعاف ، يحبها بطريقة غريبه ماحب ولا بيحب وحده
أكثر من ما أنه حبها هو ، تمنى تبادله نفس هالشعور قبل !
والحين هي حُرم له ، أبتسم من شافها رفعت أنظارها له
~
حست بقلبها يعتصر بداخلها من سلام جدها و عمامها وتباريكهم لهـا هي و وهيـب ومن رفعت أنظـارها
وشافتهـا موجهه لها والواضح أنه ماشال أنظاره من عليـها
حست بحرارة من قال أبوها ؛ نخليكم على راحتكم ياوهيب!
وطلع هو وجدها وعمامها تاركينها مع وهيب لوحدهم
تقـدم لناحيـتها وقال بهمس لها؛
ياكمال الجـمال وياجمال الكمال ياضيّ ،
توردت ملامحها مباشرة و مـاتدري ليش مدت يدينها
على عيونه تغطيهم ولا يشوفها
أبتسم؛طول عمـري أنتظرك تصيرين لي لا تحرميني الحيّن!
حست بمحاجرها صارت تحرقها من دموعها
الي تجمعت بعيونها من شدت خجلها بعد ماقبّلها
بعد عـنها وهو يضحك؛خلاص خلصـت لا تبكيّن لا تبكيّن
ضيّ؛ومن قالـك بكيت هذي دموع فرح حبيبي !
وهيب باس أنفها؛الواضح عندي إنها خوف ياضيّ عيني
ماهي فرح ولا هي حول الفرح
ضيّ هزت راسها بالنفي؛بتكذبني ياوهيب يعني !
وهيب؛أنا أكذبك لا أبداً ، بس خليني أقرب من جديد
أشوف هي دموع فرح ولا خوف من قـربّي
حاوط خصرها بيدينه وهو يقربها لصـدرة ولأمس أنفه أنفها؛
بشويّـش ياضيّ على قلبك وقـلبي بشويّـش !
قبّلها بكل شعور أحتواه وقت ما شافها أطال قبلته
الي تركت ضيّ تتـحمل الأمر الواقع ولا منعته ابداً ،
-

كل ماجاء طيفً لك زاير خيالي فز قلبي مرحباً حيك وحيّه ..

8

قصص مُروَّجة

قد يعجبك أيضاً